ذيب بابل

البارت 43

✩✩✩✩ ✩✩✩✩✩

"ذيب بابل"

بقلم: زهراء السلامي.

لتنسون التصويت+ التعليق بين الفقرات+ متابعه لحسابي 🤍.

بقبلة واحدة ،ستعرفين كل ما لم أقله يا حبيبتي 💣..

✩✩✩✩✩ ✩✩✩✩✩

-آآآآه بططططني آآآآآآآه

-شُعلة: شنووو لُباب شبيييچ شصاااير

-وخرررري عنننني

دفعتهه بكُل قوتي وگمت گوه، روحي ممروده واحس بسچينه طبت اسفل بطني..

-شُعلة: شصاااير شبييچ تصيحين؟؟؟

-لتدددنيلييي تردديين تموووتين بنتييي وخررري

-حررام عليچ تتهميني شسوويت اني!!

-اوووف لتحاچينيي

رجعت تريد تجرني ودفعتهه وصعدت فوگ واسمعهه تعيط من جوه..

-معلييييه اني لُباب شبيييييچ غيرررر افتهم شسسسسسويت

طبگت باب غرفتي وقفلتهه عليه ورحت لفراشي امدد، متت من الوجع واخاف اروح اشوف بالحمام اخاف نازل عليه شي يربي دخيلك ساعدنيي..

ماعرف منو الضربني مشفت احد وتأخرت ياله نهضت روحي من الوجع ظليت متمدده وشفت شُعلة ستوهه دتدخل للغرفه واجت تركضلي بَـس احسسهه هيه السبب گلبي يگول هيه الأذتني وگلبي متخيب ظنونه..

گوة گمت من مكاني وتمشيت ؏ كيفي للحمام الوجع شويه خف، فتحت باب الحمام وشهگت بكُل قوتي من شفته مگلوووب گلاااب الشامبوات كُلهن واگعات ومتفرغات بالبانيو والصوابين كذلك وادوات الحلاقه مال ذيب مكسره..

والخبلني اكثر من شفت نمل اسود يمشي بالحمام ومطشر ؏ الگاع كُلهه هذا منييين اجه!! وشلون اججه!!

تخربطت وحسيت رح يغمى عليه شديصير بعد ماتحممل عقلي رح يوگفف منو مسوي هيچ!!

طلعت من الحمام وجسمي يكش من وحده نمت لفراشي وتذكرت من شُعلة گالت شافت الخيال الاسود نايم بمكاني، طفررت طفررر وركضت جوه تذكرت موبايلي عفته هناك لازم اتصل بخاله لو وحده من البنات يلحگولي..

نزلت جوه چانت شُعلة گاعده ؏ القنفه بَـس شافتني گامت تتطمن عليه...

-لُباب شبيچ والله انتهههيت من الخوووف شجاي يصصصير

-وخري عن وجهي

اخذت موبايلي ودگيت ؏ خاله گلتلهه كُلش متوجعه وبطني توجعني، سألتني اذا نازل عليه شي وگلتلهه اخاف اروح اشوف..

-شُعلة: ليش تعامليني هيچ اني شسويتلچ؟!

-مسويتي شي بَـس عوفيني

-ليش لازمه بطنچ هيچ متوجعه؟؟

-اييي

-ليش؟