ذيب بابل

البارت 50

✩✩✩✩✩ ✩✩✩✩✩

"ذيب بابل"

بقلم: زهراء السلامي.

بارت مفاجئ ♥️+ لتنسون التصويت+ التعليق بين الفقرات+ متابعه لحسابي 🤍.

حزين اراويــك الجــرح وتگــلــي وين الصــوت
چــا هــــوه الجــرح هــم ينــسمــع صــوتــه 💔

تنويه🚫: ممكن هالبارت يحوي بعض المشاهد التي لا تناسب جميع الفئات العمرية اقتضي التنويه!

✩✩✩✩✩ ✩✩✩✩✩

هووووسة بره وعياط الزلم منعرف شكو فاقد نزل واحنه بقينه بالسيارة نريد نفتهم الموضوع..

-سحر: هاي شكوو نجوم شوفي من يمچ مايبين عندي

-ماما ماكو مجاي اشوف شي هذا واگف گدامي

-تبارك: معقوله حادث؟؟؟

-لُباب: لاا اسم الله ان شاء الله خير

وخر الرجال الساد الشاشه عليه وانصدم من اشوف سيارة العرسان مضروبه، شهگت وصحت...

-عززااا مامااا حاااادث

-سحر: شنووو منوو

-سيارررة العرسان مو داغر يسوووق

-لُباب: وووينه شنووو تأذه؟؟؟ ولكم ماشوووووف

انخبصت السياره فتحت تبارك الجامه وصاحت بالرجال الگبالنه...

-خويه شنو شصاير؟؟

دار وجهه علينه وحچه محتار...

-سووا حادث يگولون السايق تخربط

-لُباب: دااغررر تخرررربط

-الرجال: ذيب الجاي يسوق؟؟؟

-سحر: اييي سوده بوجهيي ابني شبي ولكمم

حرك چتافه بحركة "ماعرف" وراح يشوف وأمي ولُباب يلوبن ويرجفن، ندددگ عليهم ومحد يشيله حرگت موبايل فاقد حرگ وماكو رد منه تخبلنه الدنيا مربوثه بره ودخان مال الطلق والريحة تخنگ..

اجانه خلدون صعد السياره واللتفت لأمي...

-سحر: ولك خلدون يممة شبي ذيبب

-خلدون: خاله تخربطت اوضاعه وظل يتقيأ منعرف شسالفته

-لُباب: هااي ليشش هيچ اوووف يربي احنه عايزنه ضيييم

-خلدون: راح اوصلكم للبيت فاقد وصاني نوصلكم وارجع اشوف السالفه

-تبارك: خويه حباب ابقى ؏ تواصل ويانه والله گلوبنه راحت

-ان شاء الله

حرك السيارة وشخطهه سريع متوجه لبيتنه، اتصلت بيبي وصارت تعيط بينه لان ردنه نرجع لبيت امي فَـہ اضطرينه نروح يمهه..