ذيب بابل

البارت 54

✩✩✩✩✩ ✩✩✩✩✩

"ذيب بابل"

بقلم: زهراء السلامي.

لتنسون التصويت+ التعليق بين الفقرات+ متابعه لحسابي 🤍.

مگابل شَبابيچك وأغنّي ..
هَان التَعب يربات حُضني !

✩✩✩✩✩ ✩✩✩✩✩

"لُباب"
نتشمى ايد بأيد والخضار محاوطنه والابتسامة الكذابيه مرسومه ؏ وجهي امثل اني بخير وداخلي ممتحطم ولا متضرر ولا كأن دا احس بحيرة وضياع وتعب، امثل لنفسي ولداغر دا اكذب ؏ روحي وع الكل اني بخير اني طبيعيه ومبيه شي..

اضحك واتدلل واللبس واتمكيج كله طبيعي ادوس ؏ خوفي وع نفسي لخاطر ماحسس داغر اني لسه خايفه من عنده، احسسه اني مادري بي كُـل يوم يگعد بالليل يلعب شناو ويحسب ارقام مخربطه.. احسسه كأن مادري بي لسه يتخيل شغلات مرعبه ويشوف حشرات وحيايه تتمشى بالگاع، ؏ كم مرة يجيني يگولي ليش تصيحين بأسمي ومن اجيچ تگوليلي مصحت..

كلما يصير هيچ موقف احاول ابتسم گدامه واجاوبه الجواب المعتاد "حبيبي انته تعبان ودتتخيل" وهوه يأيدني بهزة راس خفيفه ويذب نفس بتعب ويطلع بره الغرفه..

توقعت من فكينه السحر رح يتخلص من معاناته ورح اتخلص من الخوف لكن مفاد بشي مجرد احلامه خفت شويه ووجع ظهره وراسه وعصبيته نوعاً ما تحسنت والبزونه السوده بعد مشفتهه وهوه كذلك بَـس اوهام البراسه والصوت الي بداخله لسه يسولف وياه وهالشي ديموتني هاي ما عدى الأسألة البراسي احس اكو شي غلططط اكو شي مضموم عليه كُل هالافكار دتخليني اتمنى اهرب من عنده وانقذ روحي من الجنون، اسلم ؏ اخر خيط عقل باقيلي..

ذبيت نفس وغمضت عيوني اريد ارتب الحوار الي براسي ماريد اچفص لازم احاچي بكل هدوء ماطوله مرتاح هسه، گلت بنبرة هادئه...

-داغر قبل فتره گتلك اذا اطلب منك شي تلبي؟

-تأمرين انتي

-انته دتتعالج نفسياً هسه واني دا اشوف عليك تطور وهالشي كُلش مفرحني حبيبي اني ادري دتسوي هالشي لخاطري واني ممنونتلك بَـس احم.. اكو شي يدور ببالي واتمنى متعصب وتتفهمني

-شنوه؟

-اتمنى تحاول تتعالج من المَس همات

عگد حاجبه ومجاوبني، كملت واني لازمه ايده..

-داغر اني اريدك تكون بخير اني احبك وماتحمل اشوفك تعاني هالشكل

-ليش شبيه اني!!!

-حباب لتعصب خلينه نحچي بهدوء، اني اريد طفل داغر اتمنى يجينه بيبي

-اييي؟؟؟؟

من عصبيته نخلست ومگدرت اكمل، خزرني بحدة وصر ؏ سنونه حيلل وحچه بنتر خافت..

-تخافين ؏ الطفل مني!!!!