{Edit}မြတ်နိုးခြင်းများအားဆောင်ကျဥ်းခဲ့ပါသော သူ၏... ( COMPLETED )

Epi 11

ဒီနေ့ ပိုးတို့ကျူရှင်စတတ်ရမည့်နေ့ ။
ဒီကိုရောက်ကတည်းက သွားရလာရအဆင်ပြေအောင် ဆိုင်ကယ်တစ်စီးငှားထားလို့သာတော်တော့သည် ။ တတ်ရမည်က ရွှေဝတ်မှုန်လမ်းနဲ့မိန်းလမ်းထဲကို သွားရမှာဖြစ်သည် ။ ကျူရှင်ချိန်က ၇နာရီစမှာမို့ ၆နာရီ၁၅လောက်အိမ်ကစထွက်ကာ ဆိုင်တစ်ဆိုင်ဝင်ထိုင်ပြီး မနက်စာဝင်စားကြသည် ။ စားပြီးတာနဲ့ ရွှေဝတ်မှုန်၃လမ်းထဲက ကျူရှင်ရှိရာအဆောင်ကိုထွက်လာခဲ့ကြသည် ။ လက်ဖက်ရည်ဆိုင်ထဲကအထွက်မှာ မိုးကဖွဲဖွဲလေးကျနေပြီး ပိုးတို့ကျူရှင်ဆောင်ကိုရောက်တော့ ကျောင်းသူကျောင်းသားအတော်များများရောက်ရှိလို့နေပြီဖြစ်သည် ။ အရှေ့ဆုံးအတန်းဆိုတာ ကျောင်းသားတော်တော်များများမထိုင်ချင်တဲ့အတန်း ။ ရှေ့ဆုံးတန်းမှာလူလွတ်နေတာမို့ ပိုးတို့သုံးယောက်ဝင်ထိုင်ပြီး ဆရာမ မလာခင်သုံးယောက်သားအပြိုင်အဆိုင် fic ထိုင်ဖတ်နေကြသည် ။

အတန်းထဲဆရာမဝင်ပြီး စာသင်တော့ မိရွှန်းကရှေ့ဆုံးတန်းကနေ ငိုက်နေလေပြီ ။ ပေါင်ပေါ်တင်ထားတဲ့လက်ကို ပိုးကိုဆိတ်ဆွဲခိုင်းလဲ မျက်လုံးကဖွင့်မရ ။ ညက fic တွေဖတ်နေတာနဲ့ညဥ့်နက်မှအိပ်ပျော်သွားသည် ။

ပိုးကတော့ စာတွေလိုက်မှတ်လိုက် ရွှန်းကိုဆိတ်ဆွဲပေးလိုက်နှင့် စာလဲကောင်းကောင်းမမှတ်နိုင် ။ နီယံကသေချာလိုက်ကြည့်ပြီး မှတ်နေတော့ အဆောင်ရောက်မှသုံးယောက်လုံးပြန်ကြည့်ရမည် ။

" ကဲ အိပ်လို့ဝကြပြီလား အိပ်လို့ဝရင်တီချယ်ထွက်တော့မယ် "

အချိန်ပြည့်သွားလို့ ဆရာမကထွက်ခါနီးမှာအရွှန်းဖောက်သွားလေတော့ ငိုက်နေတဲ့သူတွေအကုန်လုံးမှာ မျက်လုံးပြူးလာပြီး ထရယ်ကြတော့သည် ။

ဆရာမထွက်သွားပြီး နောက်ဆရာမမဝင်ခင် နီယံကရွှန်းရဲ့ခေါင်းကိုဗလာစာအုပ်နဲ့ရိုက်လိုက်သည် ။

" အပျော်အပါးနောက်လိုက်မယ်စိတ်ကူးထားရင် စာသင်ချိန်လေးတော့သေချာနားထောင်မှပေါ့အရွှန်းမရဲ့ "

နီယံပြောတာလည်းမှန်နေတာကြောင့် ရွှန်းအထွန့်မတတ်ရဲပဲ နီယံပြောသမျှကိုပဲနားထောင်လိုက်သည် ။