كملت روضة وبعد هدوء وقفت فجأه ف مكان
هزاع : بلاج وقفتي؟
روضة : وين يالسين؟
هزاع : بعيد شوي،، ليش؟
روضة : هزاع بقولك شي
هزاع بند البقي
هزاع : اتكلمي
روضة : هزاع انا ورا باجر عمليتي
هزاع سكت
روضة : انا اسفه والله لاني ما قلتلك والعمليه ما فيها شي خطير
هزاع : اصلن كنت ادري
روضة : ها؟
هزاع : امي كانت تكلم هند وانا يالس
روضة : اسفه
هزاع : لا امورج طيبه،، جوفي روضة بقولج شي!!
روضة : قول
هزاع : لحظه
هزاع سكت لمدة دقيقتين وعقب كمل
هزاع : رواضي انا اللي بديتها وانا اسف والله،، بس ترا انا ما بغيت اضايق بج، لان ما تعرفين كيف المرض اللي عندي اياه خطير،، روضة والله كنت رايح وامل اني اعيش عشرة فالمية بس،، انتي تعرفين شو يعني عشرة؟،، ولج الحق تلوميني لاني غلطت وانا ادري،، السموحه
روضة نزلت راسها
هزاع نزل وراح صوبها،، بطل الباب وباسها ع راسها
هزاع : اسف
روضة ابتسمت
هزاع باستهبال : يلههه قومي عايبنج مكاني هاا،، يلهه
روضة وهي تضحك : زين زين
ردت روضة مكانها،، وردوا صوب الباقيين
بعد ثلاث ايام ف المستشفى
هزاع وامه واقفين جدام غرفه
هزاع دق الباب
وطلع بو سلطان
هزاع اكتفى بمد الايد : السلام عليك
بو سلطان وهو يسلم عليه : وعليك السلام
يت ام سلطان
ام سلطان : مرحبا مرحبا ام ثنيان،، ادخلي
ام ثنيان دخلت وعقب قالت : مرحب لا هان
ام سلطان : حياج
ام ثنيان سلمت ع روضة وعطتها باقة ورد وفيها فلوس
روضة بابتسامه صفرا : مشكورة خالوه
ام ثنيان : فديتج ما سويت شي
هزاع : انا بترخص
بو سلطان : تعال بنقهويك
هزاع : مشكور ما قصرت،، برايه بتريا الوالده تحت
بو سلطان : تعال تعال
هزاع : والله مابغي اثقل عليكم
بو سلطان : افا عليك شو ه الرمسه،، تعال ادخل
