نفذوا الخطه اللي اتفقوا عليها ويوم طلعت ام ثنيان جافت روضة يالسه وقالتلها تعالي اتمشي معايه انا وهزاع
هزاع راح صوبهم : هلا هلا،، اببوبب روضة هنيي
ام ثنيان عطته نظره ان انت شو تقول
هزاع كتم ضحكته ع هيئة كحه
هزاع : امايه شو رايج نحوط بالسيارهه بدل ما نتمشى هني
ام ثنيان : اللي تجوفه
هزاع همس ف اذن روضة : اجوف قمر يمشي ع الأرض
ام ثنيان ما انتبهت ع اللي سواه بس سمعت همس : شو تقول انت ؟
هزاع : قلت بسير اييب السويج،، روحوا صوب السياره
ام ثنيان : ب كناديرنا ؟
هزاع : هي امايه عادي ما بننزل ترا
ام ثنيان : تمام
ربع هزاع اييب السويج
يوم رد جافهن واقفات
هزاع من باب الاستهبال : مسييطررههه
روضة : مسيطره ع شو حبيبتي ؟؟
هزاع وهو كاتم ضحكته : خليتكم تتريوني شو بعد
روضة : لا ما ينحسب
هزاع : ينحسب ينحسب،، ها شكلج غيراانههه لأني قلت وانتي ما قلتيي
روضة بعياره : هزاعععع
هزاع بنفس النبرة : روااااضضض
هزاع فج السياره
ام ثنيان بنفاد صبر : زين خلصتوا
هزاع : وين تبون تروحون ؟؟
ام ثنيان : اللي يخطر ع بالك
هزاع : تبون كرك؟
ام ثنيان : انا عادي عندي، روضة؟
روضة : هلا خالوه
ام ثنيان : تبين كرك ؟
روضة : هيه عادي
ام ثنيان : عيل ودنا ناخذ كرك
هزاع : من عيونيي
ام ثنيان : يسلمن عيونك الحلواتت
هزاع سوا عمره مستحي : يااررببيي استحييتت
حرك السياره واتجه للكشك اللي يبيع كرك
اللي يبيع كان مواطن
الولد : مرحبا مليونن
هزاع : مرحبا بكك زوود،، علومك ؟؟
الولد : بخير يسرك الحال ومن صوبك؟
هزاع : الحمدلله بخير وسهاله
الولد : امر
هزاع : ما يآمر عليك عدو ،، شي كرك ؟
الولد : هيه الغالي كم كوب تبغي
هزاع : كوبين ودله !!
الولد : دله؟؟
