هزاع : البس غتره ولا ما البس؟
هند : لا تلبس
هزاع : من عنونتي
نزلوا وهزاع راح عطى الهويه للرسبشن
وبعد دقايق معدوده النرس زقرت روضة
روضة : اييهه تعالوا،، شو اروح بروحي؟
هزاع : هند روحي وياها!!
هند : انا وياها بروحنا؟
هزاع ضحك : يهال والله يهال،، خلاص بيي يله
راحوا هزاع و روضة وهند صوب غرفة الفحص
النرس يلست تجوف وزن روضة وطولها
هزاع سوا فيها ان يجوف وزن روضة
روضة : عادي ع اساس بصيح يعني
هزاع : استهبل،، شو ابا ب وزنج انا؟
روضة : شدراني بك
هزاع : احين هم يايين يجوفون ايدج ممكن افهم شدخل وزنج وطول؟
هند وهي تضحك : كنت بسأل نفس السؤال
خلصوا وراحوا صوب غرفة الاشعة،، هزاع و هند كانوا واقفين برا
طلعت روضة واتجهوا للدكتور
عقب ما جاف ايدها وخلص لفها وجيه ردوا صوب البيت
اول ما دخلوا البيت
جافوا ام سلطان وام ثنيان يالسات
ام سلطان : بشّر
هزاع : ايدها شبه مكسوره،، بس بعدها ما انكسرت،، يعني رضّه قويه،، بس ماعرف ليش الدكتور لفها احس بتزيد
راح ويلس عدال ام ثنيان
هزاع بجديه : اميه
ام ثنيان : امر حبيبي
هزاع وهو منزل راسه : جفت خالي عمر !!
ام ثنيان : شوهه؟
هزاع : والله يوم رحنا نودي روضة،، بس ما عرفني
ام ثنيان : لا تلومه ي امي،، هو مب جايفنّك من يوم انت ف المتوسط واحين ما شاء الله انت ريال وف الجامعه كيف بيعرفك
هزاع : مااعرف بس احسه وايد تغير مب نفس قبل يعني كبر
ام ثنيان : هي دام عمرك انت احين ٢١ هو عمره خمسه وعشرين،، هو يشتغل هناك؟
هزاع : هي اتوقع ماسك شفت الليل
ام ثنيان : هزاع طلبتك
هزاع : امري امايه،، انتي تآمرين مب تطلبين
ام ثنيان : ابغي اروح له
هزاع : ان شاء الله،، لو تبين اييبه لج لين مكانج
ام ثنيان : انا بسير له،، بس ودني
هزاع : حاضر بتروحين احين يله تعالي