خادعتي

تكملة

صحيت من النوم تاني يوم علي صوت البوليس مالي المكان ياربي اعمل ايه واخرج من هنا ازاي يارب نجيني فضلت قاعده شويه افكر وبعدين بصيت علي التليفون بتاعي لقيته فصل شحن يادي الحظ يارب ساعدني اعمل ايه قررت اتفحص المكان بتاع النفق ده واشوف اكيد فيه مخرج لازم اتصرف ماقدميش حل غير كده فعلا بدأت ادور في النفق ده لاقيت حاجات غريبه اول مره اشوفها ماهتمتش انا هدفي الاساسي اخرج من هنا وكنت ماشيه بدور في النفق وعماله ادعي اني اطلع عايشه من المكان ده لحد ماوصلت لنهاية النفق ولقيت سلالم قدامي الامل دخل قلبي وبالفعل طلعت علي السلالم وحاولت افتح الباب بكل قوتي بس فشلت وادركت ان الباب ليه طريقه خاصه للفتح ياربي اعمل ايه لازم اعرف الطريقه دي مش قدامي وقت ولا حل غير اني لازم اطلع من هنا عن طريق الباب ده فضلت طول النهار بفكر في حل اللغز بتاع باب الخروج وشربت مايه صغيره واكلت حبة صغيره بس رعبي كله ان الاكل والمايه تخلص ساعتها هموت ومحدش هيلاقيني فاضل قدامي يومين والاكل والمايه تخلص لازم احل اللغز في اليومين دول قررت انام وارتاح شويه وبعد كده افكر نمت من شدة التعب والتفكير وصحيت تاني يوم  بكل نشاط ولساني عمال ينطق كل الأدعيه اللي عرفتها في يوم من الأيام وقعدت احاول احل اللغز عدي عليا اليوم وانا فشلت اني احل اللغز وحسيت خلاص ان دي هي نهايتي فقررت اكل الاكل اللي باقي معايا والشرب خلاص مافيش امل وكلته وشربت كل المايه بشعور الانسان اليائس وندمت علي فضولي اللي وصلني للمكان ده ونمت صحيت تالت يوم ليا في المكان ده وخطرت في بالي فكره لحل اللغز ده وقلت دي آخر محاوله اني اطلع بعد كده مش هحاول وبالفعل قدرت اني احل اللغز وطلعت علي مكان غريب اول مره اشوفه في حياتي قررت اجري قبل ماحد يشوفني وجريت وبعد شويه تعبت وكنت عطشانه وجعانه اعمل ايه فضلت اجري لكن طاقتي خلصت وهموت من شدة الجوع لحد مالقيت قدامي اطفال شكلهم قاعدين هنا ساعدوني واكلوني وشربوني قررت اشتغل معاهم في اشارة المرور وعدي شهر علي الموضوع ده لحد ماشافني واحد من العصابه وعرفني وجري ورايا لحد ماقبلتك قالي طب وريني الفيديو اللي معاكي ده وريته الفيديو قالي انتظريني هنا ماتمشيش حتي لو اتأخرت قلتله حاضر  مشيت وروحت لحد من القسم يجبلي كل المعلومات عن كل اللي في الفيديو وروحت لزمايلي قلتلهم يجهزوا نفسهم علشان هنقبض علي العصابه اللي قتلت الشابين واكيد هي اللي قتلت ابن اللواء وبالفعل بعد تخطيط هنعمل ايه وكده جابولي كل المعلومات عنهم وقعدنا درسناها قولتلهم مش هنهجم النهارده لازم نراقبهم الاول وبعدين نشوفو هنقبض عليهم ازاي يلا انا ماشي لاني تعبت النهارده روحت المكتب لقيت شمس قاعده قولتلها يلا قامت وركبت معايا قولتلها اوديكي فين قالتلي انا ماليش مكان مش عارفه اعمل ايه فضلت افكر جيه في بالي اني اخدها معايا بيتي بس عمرها ماهتوافق ده انا عايش لوحدي وبعدين خطرت في بالي اني اخدها لشقتي اللي مش عايش فيها قلتلها ماتخفيش انا عندي شقه كنت شاريها من فتره هوديكي فيها وهجبلك الاكل كل يوم انت معاكي تليفون قالتلي اه قولتلها رقمي اهو رني عليا علشان اسجل رقمك ولو عوزتي اي حاجه رني عليا مفهوم قالتلي مفهموم وانطلقت بإتجاة الشقه واحنا في الطريق لقتها بتقولي اقف اقف استغربت ووقفت قالتلي عاوزه اكل ايس كريم قولتلها خضتيني ياشيخه تاكليها بطعم ايه قالتلي بطعم الشيكولاته قولتله انت مش هتجيب لنفسك قالي مش بحبها قلتله بس انا هتكسف اكلها لوحدي هات معايا علشان مااتحرجش قالي ماشي رغم اني مش بحبها نزل جاب ليا وليه واخدتها اكلتها بحب الايس كريم انا بموت فيه قالي انت جعانه اتحرجت ووشي احمر نزل قالي تاكلي ايه قلتله كفته نزل جاب ومشينا وصلنا العماره اللي الشقه فيها وطلع فتح الشقه واداني المفتاح قالي كلي الاكل اللي انا جايبهولك وماتفتحيش لحد ابدا لحد مانقبض علي العصابه هتفضلي هنا ولو عوزتي حاجه اتصلي عليا قلتله ماشي شكرا قالي عفوا ومشي ولسه هقفل الباب لاقيته رجع وبصلي بنظره مليانه خوف وحنيه قالي شمس خدي بالك من نفسك بصتله وهزيت رأسي ودخلت الشقه فضلت اتمشي فيها حقيقي ذوقه جميل ومنظم كل حاجه في الشقه منظمه دخلت اوضه لقتها فيها مكتبه مليانه كتب وانا نقطة ضعفي الكتب وبعدين قلت واو ده شكله مثقف قعدت ادور في الكتب لحد مالقيت روايتي المفضله ارض زيكولا قعدت اقرأ فيها لحد مانمت من غير مااحس بنفسي من شدة الارق