خادعتي

شك

عملت حفله بسيطه بمناسبة مرور تلت سنين علي جوازي من رائد واحتفلنا انا وهو احتفال بسيط اثلج صدورنا وانتهي اليوم بسعادة لحد تاني يوم اتصل القائد بتاع رائد في الشغل وقال لرائد انه عاوزه ضروري راح ورجع بعدها بشويه وكان باين عليه الهم والحزن قلتله فيه ايه يارائد انت كويس قالي فاكره العصابه اللي هربت من 3 سنين قلتله ايوه قالي لحد دلوقتي مش لاقينهم واللواء ادي للظابط اللي ماسك القضيه شهر كمان لو ملاقش العصابه اللواء مش هيسكت وهيقتل الظابط اللي ماسك القضيه القائد اتصل بيا علشان اساعد الظابط اللي هيتقتل وهو برئ معملش حاجه ذنبه انه مسك قضيه صعبه زي دي بس العصابه ملهاش وجود هنا في مصر ولو زي توقعي انهم سافروا بره لأنهم مالهمش وجود هنا من تلت سنين القضيه هتبقي معقده وصعب تتحل في شهر سكت كده وبعدين كمل كلام وقال منهم لله مش عارف الناس دي بتعمل كده ليه مايعرفوش ربنا ربنا ينتقم منهم ده اللواء مش بيعرف ينام من حزنه علي ابنه اللي راح وهو في عز شبابه ولا اهالي اصحاب ابنه ماتمالكتش نفسي ورديت بإندفاع وقلت انت بتتكلم ازاي يارائد وانت ايش عارفك العصابه قتلت التلاته دول ليه واشمعنا قتلت دول بالذات علي حد علمي ان العصابه دي عمرها ماعملت حاجه غير التلت جرايم دول حتي انتو ماتعرفوش حاجه عن العصابه دي غير انها قتلت 2 ومش متأكدين من انها تكون هي اللي قتلت ابن اللواء وماكنتوش تعرفوا عنها حاجه ولا كنتو هتعرفو لولا الفيديو حتي انت لما دورت ورا العصابه ملقتش وراهم حاجه بصلي بشك وقالي وانت عرفتي منين اني بحثت ودورت  ورا العصابة قلت ماده اكيد يعني قالي لا مش اكيد ومالك بتدفعي عنهم كده اذا كان انت اللي جاييه الفيديو لينا تعرف انا لو عاد بيا الزمن تاني ماكنتش وديت الفيديو ده ليكو بعد مافكرت في نفسي قلت اكيد التلاته الشباب دول اذوهم احنا ليه مانحطش الاحتمال ده قالي ال3 الشباب عيال ناس محترمين عمرهم مايعملوا حاجه لناس زي دي بصتله كده بكل الغيظ اللي في الدنيا وقلت لا يارائد يعلموا ويعملوا اكتر من كده كمان انت اصلا ماتعرفش حاجه بصلي وقالي شمس انت كده بتخليني اشك فيكي بصتله كده وقلت تشك فيا انا يارائد سكت بصتله بإنكسار وهزيمه وقلت ماكنتش اتوقع منك كده ابدا يارائد وبالمناسبه انا عاوزه اقولك علي حاجه كان لازم تعرفها من 3 سنين والنهارده آن الاوان انك تعرفها قالي ايه هي لسه هتكلم تليفونه رن قال ايه اللواء مات طب انا جاي حالا ومشي جري وقالي لما هاجي ياشمس هاسمعك بس للأسف ماكنش فيه جاي
رائد: جريت علي مكان الجريمه ولقيت اللواء غرقان في دمه والبوليس مالي المكان والطب الشرعي وقالو  ان اللواء كان مالي البيت بالكاميرات قلتلهم انهم يجيبولي كل الكاميرات دي علي مكتبي ويشوفو آخر مكان كان فيه اللواء ويشوفو كاميرات الطريق وروحت علشان اتفرج علي كاميرات البيت قبل الحادثه بشويه كان الوزير داخل الفيلة مع بنت شكله كان خاطفها وطلع لحد الاوضه ساعتها خمنت ان البنت ممكن تكون قتلته بس شفت الكاميرا بتاعة الباب الخلفي للفيله ولاقيت حد بيدخل الفيله من ورا وشكل الحد ده مش غريب عليا بس شكله مش باين لحد مالاقيت انهم فرغو كاميرات الطريق وعرفو ان اللواء كان خاطف واحده وان فيه عربيه كانت ماشيه وراهم غير بتاعت اللواء والحرس قلتلهم بسرعه طب رقم العربيه بتاع مين لاقيتهم سكتوا فجأة قلتلهم انطقوا فيه ايه بتاعة مين العربيه زعقت فيهم جامد بتاعة مين قالو بتاعة شمس مدام حضرتك قعدت علي الكرسي من الصدمه شمس شمس ازاي لاقيتهم بيقولو وهما راجعين من علي الطريق كانوا 3 عربيات بس اللي كان باين ان مدام شمس كان راكب معاها البنت اللي الوزير كان اخدها معاه والعربيات اللي ورا كان فيها رجاله بس مقدرناش نحدد هما مين حتي العربيه اللي راكبنها مش عليها ارقام بقيت قاعد مش عارف اعمل ايه لحد ماقالو كل اللي اتوصلنا ليه ان مدام حضرتك هي زعيمة العصابه اللي احنا بندور عليها لأنها هي اللي كانت جايبه الفيديو بتاع العصابه وعلشان نقدروا نتأكدو لازم مساعدة حضرتك ماكنتش قادر انطق كأني في عالم تاني لحد مالاقيتهم بيقولو ليا رائد بيه انت كويس ماكنتش عارف اخد نفسي اكيد الكلام ده مش حقيقي شمس عمرها ما تعمل كده اكيد اكيد قلتلهم عاوزني اساعدكم في ايه انا متأكد ان مراتي بريئة قالولي ان شاءالله تكون كده احنا هنتأكد بس احنا هنفهم الجماعه عندك في البيت ان انت مخطوف واكيد اللواء هيدور عليك لحد كام يوم ومش هيلاقي ليك وجود هنكلموها تقابلنا في مكان كذا لو هي عندها عصابه هتجبها معاها لو هي مش زي مااحنا متوقعين هتيجي لوحدها وساعتها هنعرف من قدرتها علي الدفاع عن نفسها قلتلهم ماشي بس محدش يمس شعره منها مفهوم قالو مفهوم قلت بس هي ممكن تقول لوالدي انكم بلغتوها ببمكان تقابلكم قالو حسب مافهمنا انها بتحب حضرتك وساعتها هنخلو والدك مش في البيت وهي وقت ماهيجلها الرساله مش هتستني حد ده غير ان احنا هنراقب مكلماتها بعد اذن حضرتك يعني سكت مش عارف اعمل ايه ولا اقول ايه ونزلت رأسي بإنكسار وقعدت ادعي انها ماتكنش ليها علاقه بالعصابه ولا الكلام ده لحد ماكلمو شمس وقالولها اني مخطوف وبعتولها فيديو ليا وانا بتعذب وتابعو حركاتها لقوها راحت عند ابويا وده كان المتوقع في الخطه
شمس: كنت قاعده في البيت مرعوبه رائد بقالو يومين مجاش البيت ومش بيرد عليا ياتري حصل ايه ياتري هو بخير لحد ماجالي اتصال ان رائد مخطوف وجالي فيديو وهما بيعذبوه ماقدرتش اكمل الفيديو واخدت بنتي وطرت علي بابا وحكتلو اللي حصل وورتلو الفيديو قالي انا هتصرف مش هسكت مين يقدر يتجرأ يخطف ابن اللواء المحمدي ومشي وفضلت قاعده مش بعمل حاجه غير اني بدعي ان رائد يكون كويس  لحد ماعدي تلت ايام وبابا جيه بإنسكار وقال ان شاءالله هنلاقوه مقدرتش اقعد وانا جوزي مخطوف بقالو خمس ايام وانا قاعده ساكته بابا خرج يكمل بحث لاقيت مكالمه رديت في ثواني قالولي لو عاوزه جوزي مايتقتلش اروحلهم في المكان الفلاني ماستنتش حتي افكر او اقول لحد وروحت فعلا المكان كان مكان مهجور وفاضي فضلت ادور في المكان لحد ماسمعت اصوات اتجهت ناحية الاصوات لاقيت  5 واقفين قدامي وبيقولو ليا رايحه فين ياقمر بصتلهم كده واحد حاول يمسك ايدي ضربته وضربتهم كلهم لحد ماخلصت ومسحت عرقي من شدة التعب سمعت صوت حواليا بصيت ورايا لقيت حد بيسقفلي بصيت ورايا لاقيته رائد جريت عليه رائد انت كويس حطيت ايدي علي وشه زق ايدي بعيد وقالي براڤو عليكي ابهرتيني بصراحه اتعلمتي الكلام ده كله فين ياشمس سكت خالص لاقيته بيقولي حقيقي هايل ابهرتيني متجوز رئيسة عصابه ماكنتش عارف اتكلم قلت يارائد قالي اخرسي مش عاوز اسمع صوتك الكاميرات جابتك وانت بتقتلي اللواء شوفي لسوء حظك ان اللواء حاطط كاميرا في اوضته مش زي ابنه اللي استغليتي النقطه دي وقتلتيه برضو قلتله رائد اسمعني انت فاهم غلط قالي مش عاوز اسمع منك حرف واحد ومن النهارده انا ماليش اي علاقه بيكي انت طالق ياشمس طالق ومشي وسابني مقدرتش استوعب الكلمه ووقعت علي الارض لقيت الكلبشات محطوطه في ايدي رحبت بيها بكل ترحيب معتش فاضل حاجه فعلا اعملها خلاص كده كله راح بقيت ماشيه معاهم بكل هدوء وعرفت ان دي نهايتي خلاص كده