جان الجو بارد وجنه دنلعب انا وبنات الجيران وجنه عايشين احله ايام الطفوله مجنه نفكر بباجر شـنوُ رح يصير اهمشي احنه نلعب ونتونس طبعا انا اسمي رزان جان عمري ١٣ سنه جنت صف اول متوسط انا امي ميته وعايشه ويه مرت ابوي بس تقريبًا كاضيتهه عد الجيران وبابا جان ميدري الله وين حاطه وعندي اخوان ثلاث من مرت ابوي ثنين بنات ولد جانو اصغر مني جنت عايشه حياتي بسعاده وفرح مجنت افكر ﺎنـوو رح يجي يوم وتجيني مصيبه يوم الصبح من يوم الثلاثاء جنه كاعدين انا وبنات الجيران نتريك وفجأه سمعنه صريخ طلعنه كلنه مفجوعين وجان نشوف مرت ابوي تصرخ وتلطم بنص الشارع وتكول راح ابو بيتي انزيد نفهم شي ماكو لحدما سأله ابن الجيران وكالت ولكمممممممممم محسن كتل واحد وهس خذو الشرطه هنا صح بابا مقصر وياي بس يبقى ابوي هنا صاعقه وطاحت عل راسي بابا شي شـنوُ صار ويـا ليـش هيج صار مو جنه مرتاحين ومن هليوم انكلبتتت حياتي رجعت لبيت اهلي ﻼن مرت ابوي وحدهه ومحد يمه ومرت الايام وصادف يوم الاحد اليوم الكعده مالت بابا وصارله سبوعين بسجن طبعا بابا بلكهوه متعارك ويه واحد وطاكه بلبطل وكاتله خلاص واهل الولد يكولون اهل طلايب مراح يفكونه والله يعلم اليوم شيطلبون كمت نظفنه وسوينه وننتظر يجون واجو وسوينه الغده ولجاي ولهوسه وبعد هلهوسه كله كعدو يتفاهمون وظهري نكسر من الشغل بس ميخالف اهمشي بابا يطلع وشوي وصار صياحح ونكلبت الدوانيه بصياح احنه كلش خفنه نريد نفهم شكو ماكو شوي واجه عمي جرني من ايدي ودخلني لدوانيه وكلهم هاي بته هايه طفله تردون تاخذوهه فصليه !!!!! انا كلت فصليه شـنوُ شبيهم هذول وجان واحد منهم يكول شـنوُ يعني ماتكبر ناخذه يعني ناخذه جرني واحد من ولد عمي وطلعني وانا صافنه ماعرُفـہ شـنوُ ديصير بس خايفه كلش وكلبي ممطمن انتضرانهم يطلعون علمود نفهم شوي وراح الصوت واجو عمامي وكله اجت ومرت ابوي اتلكتهم تريد تفهم
مرت ابوي: ها بشرو شني شكالو راح يطلعون محسن مو ؟
عمي: لا يردون فلوس وفصليه بس منين نجيبلهم
مرت ابوي :اي نبيع البيت وننطيهم فلوس وفصليه رزان موجوده
عمي:انتي شتحجين رزان طفلهه ترااااااا طفلههه وين تفهم انوب يموتوهه
مرت ابوي : عليمن يموتوهه باجر عكبه تصيرمنهم وشنو تردون ابوهه يروح اذا انتم تقبلون هيه متقبل
عمي :رزان بابا
رزان:ها عمو
عمي: رزان تقبلين ترحين فصليه؟!
مرت ابوي :هلا هلا انوب يسئله عليمنن تسئله تروح وقصبن عليه
رزان : من الخوف ماعرفت شسوي وعبالي فصليه هيج يعني يكتلوني وبس معبالي ﺎنـوو ازوج ابنهم وكبل نطقت اي اي اقبل
الانظار كله صارت عليه وكلهه متفاجئه
رزان :اي اروح عـادي موافقه عمي عصب وطلع من البيت وكال لمرت ابوي جهزيهه باجر يجون ياخذوهه ولفلوس انا ادبرهم
مرت ابوي : امي خلجهزج امشي باجر يجون
رزان : رحت ويه مرت ابوي وانا مادري شـنوُ رح يصير بيه مرت ابوي كعدت تكلي شـنوُ يكلولج سوي واذا كتيلهم ﻼ كبل يذبحوج انا من الخوف بس اهز براسي وحضرت ملابسي وكلشي وكالت نامي باجر تروحين خليت ونمت ودموعي على خدي خايفه كلش واريد امي بس ماعرف شسوي وكعدت الصبح عل هوسه باوعت من الشباك واشوف سيارات هواي شوي وسمعت مرت ابوي تصيح عليه نزلت عسريع
YOU ARE READING
فصليه اربعيني
General Fictionالبدايه التي كانت نهايتي مشهد صـرخه رنت باذاني حسيت شعور ﻼ ارادي احس الحياه رجعت الـي بعد ما فقدت الحياه بعد ما تهدمت روحي سمعت صرخه ابني يبجي روحي ردتلي وحسيت الدنيه حلوه
