انفتح الباب وشفت معتصـم دخل
كبل فزيت ورتبت ملابسي وهوه دخل سلم على الحجيه
معتصم : بويه كومي سويلي لكمه اكله
رزان : صار
كمت وانا ارجف مدري ليـش كمت سويت ريوك وبيض وهاي
وسويت جاي ورحت لغرفه الحجيه حطيت الصينيه وكعدنه ناكل
معتصم : رزان بدلي علمود اخذج انتي وام علي تشترين ملابس للمدرسه واجيب وثيقتج
رزان : تمام
طرتتت من الفرحه ممصدكه راح ارجع للمدرسه فرحت حيل
بس خطيه باجر يبقه وحده
رزان :وباقر
معتصم : هيه ساعتين ونرجع خلي يم امي اخاف عليه يضيع
رزان :حاضر
كمت لام علي كتله كالت خوش
بدلت بسرعه لبست عبايه ﻼن هوه يريدني البس عبايه وانا احبه فلبست
هوه من شافني هيج ابتسم ، اجت ام علي وطلعنه كلنه
اخذنه معتصم لسوك وانا ماعرُفـہ ولا طالعه ولا شي
نزلنه وكال يمته اجي عليكم
ام علي: يمه انه اتصل عليك
معتصم : انشالله ، وخله فلوس بيد ام علي كله اشتري بيهن لرزان
ام علي:انشالله يمه مودع
رزان : مشيت واباوع الملابس تخبل انا ما طالعه جانت مرت ابوي تخيطلي دهاديش ولحجابات مالاته القديمات تنطيني ياهن
فرحانه دخلنه واشتريت ڪُلشـي اشترتلي حته ملابس مالت بيت ودهاديش وعطورات وهيج ڪُلشـي اشترتلي ڪُـلش فرحت
بعدين اذكرت الحجيه وباقر
رزان : خاله خلنشتري لباقر وبيبي شي
ام علي : حاضر يمه
رزان: اشتريت الباقر لعبه واتراك حُـلۉ يجنن واشتريت لبيبي شيله حلوه وجبت لمعتصم عطر وجبت لام علي دهداشه كوه خذته
وخابرت معتصم واجه عليه ورجعنه للبيت
طلعت الغراض اراويهن لبيبي وفرحانه
وانطيته شيلته
وانطيت الباقر تراكه ولعبه ڪُـلش فرح بيهن
ومعتصم انطيت العطر بيد بيبي هيه تنطي
الحجيه : يلا يمه كومي بدلي وساعدي البنات
رزان :كمت بدلت وكمت اساعد ام علي
واشوف صوت وراي تكول
اي ضل البيت لم طيره طارت بيه الف طيره
التفتت واشوف نهله
هاي شجابه هنا
نهله : ها الله يساعدجن
ام علي: هلا بيج نورتي
اجه معتصم وراه ودخل للبيت
راحت فرحتي كله شكد جنت فرحانه
اجت وعيونه بيهن شر
اجه باقر يركض ويصرخ مامماااااا حضنته وراحت
رزان : ضليت اساعد ام علي لحد ما صبينه غده وكعدنه ناكل
ونزلت نهله ملطخه وجهه بلمكياج
وتتمخطر ، ونزلت كعدت يم معتصم وتوكل بيه وهوه مو طايقه
رزان:كمت اول وحده ﻼن انا اخلص اول وحده كمت اسوي جاي علمود بس يخلصون اصب
معتصم: الحمدالله
الحجيه : يمه شكلت
معتصم : الحمدالله يمه سفره دايمه
معتصم : رزان جاي من ايدج
رزان : انشالله جاي اجهزه
اجت نهله طايره ودفعتني
وخري وخريي صايره نادره ترا كلج خلك فصليه ابعدي عن معتصم وعوفي الجايات ومدري شـنوُ ادري شـنوُ غايتج ترا
كامت تزاكط واخذت الجاي وراحت
نهله : هاك حبيبي هاذ احله جاي من ايدي
معتصم : مشكوره
رزان : المطبخ متروس اماعين اجت ام علي تساعدنيي وتسوي وياي وهاي ﻼن ماكدر كلهن هذن
اجت نهله وراي
نهله : عبالج ترتاحين ﻼ حبيبتي شوفي شراح اسوي اذا ما اخليج تبجين من الضيم انا ﺎلـج اصبريلي
رزان : اجذب اذا ﺎڪول ما خفت ﻼن هاي كلشي تسوي ولله
راحت ولخوف احتلني ﻼن انا اخاف كلش
كاعدين يشربون جاي وسمعت نهله تصرخ بعلو حسه
وتكول لحكوليييييي
الكـاتبه : زينب جمال
insta:2ashtar
YOU ARE READING
فصليه اربعيني
General Fictionالبدايه التي كانت نهايتي مشهد صـرخه رنت باذاني حسيت شعور ﻼ ارادي احس الحياه رجعت الـي بعد ما فقدت الحياه بعد ما تهدمت روحي سمعت صرخه ابني يبجي روحي ردتلي وحسيت الدنيه حلوه
