سـلام حبيباتي راح اكملكم كم بارت ﻼن امتحانات وانشالله راح اكمله
بعد ما كمنه من يم الشط
جانت احله لحضات ويـاه ولله تمنيت ابقه وياهه بعد ﻼن جانت لحضات حلوه ومستحيل تتكرر
رجعت صعدت بسياره
معتصم: شون صرتي ؟
رزان : شوي احسن
معتصم: دومج انشالله
سكتنه وبعد محجينه شي لحدما وصلنه للبيت
نزلت اوو راح ترجع معاناتي
جان البيت هدوء كلشش
معتصم: راح تنامين يم امي
رزان: آي
معتصم: خاف نايمه امشي بغرفتي
رزان: كمت ارجف وكلت ﻼ ﻼ هنا
معتصم: تمام خلشوف امي
دخلنه للغرفه وشفنه عمتي دتصلي وبسته وسلمت عليهه
وكعد معتصم يمه
طبعا استحي انزع الشال يمه ضليت لابسته وكاعده
ام معتصم: شبيج يمه لابسه الشال قابل منـوُ هوه بس رجلج
معتصم: بضحكه ايي تستحي منييي
ام معتصم: بعد هيه مريتك عليمن تستحي
رزان : من الخجل غطيت بهدومي ولله كلش استحيت معرفت شحجي
كام معتصم : يلا يمه خلنام خليكم هنا
بس طلع كبل كمت ذبيت الحجاب ولبست تراك نص ردان وبرموده
وفتحت شعري جاي امشط بي
ودخل معتصم
هنا تمنيت الكاع تنشك وتطمني
ضليت افلت
هوه نضراته تمركزت عليه وعلى لبسي ، على اي لحضه راد ينغمي عليه باوعلي ورفع حاجب
كال شـنوُ لابسه هيج وهنا ياهو اليجي يدخل للغرفه
رزان بتمتمت : ااا اا محد راح انام
معتصم انتجه على الباب ويحجي : وياهو اليجي يدخل للغرفه ويشوفج وانتي هيج لابسه
رزان : انعكد الساني وعمتي جاي تصلي معرفت شحجي
كتله يعني انا راح انام واتغطه محد
خزرني خزره يمكن وكف كلبي
معتصم: بسُرعـه لمي غراضج وصعدي بغرفتي
رزان : حجه هيج كلت رحت بيها هاي هيه
انتضرت عمتي تخلص هلبت تحجي
ام معتصم: اي يمه صارلج سنه تنامين هنا كافي روحي بغرفه رجلج شني يمه يمته ناويه ترحين يمه لو عاجبج هنا
رزان : كلش انهضمت كتله عمه انا هنا مرتاحه
ام معتصم: ماكو مرتاحه انتي هنا جنه لازم غرفتج وحدج وخصوصيه لبسي هاذ البس يم رجلج شـنوُ كاعده هنا وتلبسين بغرفتج واخذي راحتج وهنا ياهو الاجه ودخل يعني ماكو خصوصيه
رزان : انهضمت بس هيه حجت هيج تريدني اروح
كلت حاضر وجان معتصم واكف ومكتف اديه
رحت لميت غراضي من الكنتور كلهن واستحيت اصعد وياه انوب شلابسه ﻼ اكدر ابدل ﻼن هوه واكف ولا شي
لميت الغراض وطلعت وهوه وراي يمشي
هوه عنده غرفه خاصه بيه يعني صح مزوج بس هاي غرفته يرتاح بيها
وصلت للغرفه فتحت الباب مقفول
YOU ARE READING
فصليه اربعيني
General Fictionالبدايه التي كانت نهايتي مشهد صـرخه رنت باذاني حسيت شعور ﻼ ارادي احس الحياه رجعت الـي بعد ما فقدت الحياه بعد ما تهدمت روحي سمعت صرخه ابني يبجي روحي ردتلي وحسيت الدنيه حلوه
