{Unicode}
"မျက်လုံး"
လီအော့တစ်ယောက် နောက်ဆုံးတွင်တော့ လက်ခံလိုက်ရစမြဲသာဖြစ်သည်။
အမှန်တော့ သူသည် လိင်တူချစ်ကြိုက်ကြခြင်းကို ရွံ့ရှာသည် မဟုတ်သော်လည်း ထိုကိစ္စမှာ အနည်းငယ် ကသိကအောက်နိုင်သည်ဟု ထင်နေမိ၍ဖြစ်သည်။
ဂန္ဓာမာပွင့် သွေးလိပ်ခေါင်း ကြော်ငြာတွင်ပင် ပါဝင်ဖူးနေပြီး ဤသည်မှာလည်း သရုပ်ဆောင်တာလေးပဲဟု တွေးမိသွားကာ ရန်ကော၏ မျက်နှာလည်း ပါဝင်နေ၍ သရုပ်ဆောင်မည်ဟု ဆုံးဖြတ်လိုက်သည်။
ရန်ကျားလိသည် လီအော့ ခေါင်းညိတ်သည်ကို မြင်သောအခါ သက်ပြင်းရှည်ကြီး ချလိုက်သည်။
ထိုနေ့ညမှာပဲ ရန်ကျားလိသည် လီအော့ကို ကျောက်ရှန့်ဟိုင်ရှေ့ ခေါ်သွားပြီး မိတ်ဆက်ပေးလိုက်သည်။
လီအော့သည် စစချင်းတွင် အတော်လေး ရှက်ကိုးရှက်ကန်း ဖြစ်နေရသည်။
ကျောက်ရှန့်ဟိုင်မှာ ယောက်ျားလေး ဖြစ်သည့်အပြင် သူ၏ အထက်လူကြီးလည်း ဖြစ်နေပြန်၍ နေရခက်ခြင်းကို မရှောင်လွှဲနိုင်ပေ။
သို့သော်ငြား ထိုအခြေအနေသည် ဘယ်နှစ်ရက်မှပင် မကြာလိုက်ဘဲ လီအော့သည် လိုက်လျောညီထွေ ရှိလာခဲ့သည်။ မကြာခင်မှာပဲ ကျောက်ရှန့်ဟိုင်နှင့် မဆိုးလှစွာသော ပေါင်းသင်း ဆက်ဆံမှုတို့ ရှိလာခဲ့ပြီး အသံလွှင့်ခန်းမ၏ စင်နောက်တွင်ပင် မကူနိုင် မကယ်နိုင် ချီးမွမ်းခန်းဝင်လာတော့သည်။
"လီတာ့၊ ရန်ကော၊ ကျွန်တော် ကောတို့ကို ပြောပြမယ်။ ဟိုင်ကောက တကယ်ကို စောက်ကျိုးနည်းကြီးကို ကောင်းတဲ့ ယောက်ျားပါဗျာ။ ကျွန်တော့်ဘဝမှာ သူ့လောက် တခြားသူကို စာနာထောက်ထားပေးတဲ့လူကို မတွေ့ဖူးသေးဘူး။ ချီးပဲ၊ ကျွန်တော် အနောက်တိုင်းဝတ်စုံ ဝတ်လိုက်ရင် မြို့ကြီးပြကြီးကို ရောက်လာတဲ့ ရွှေ့ပြောင်းအလုပ်သမားနဲ့ တူနေပြီး သူသာ အနောက်တိုင်းဝတ်စုံ ဝတ်လိုက်ရင်တော့ လူကို သေလောက်အောင် ရူးသွပ်သွားစေတာ။ ဘယ်ဟာက manner ရှိတာလို့ ခေါ်တာလဲ။ အဲ့ဒါကမှ manner ရှိတာ၊ ကျက်သရေရှိတယ်လို့ ခေါ်တာ...."
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
