أريدك في الحلال

الفصل الرابع عشر

الفصل الرابع عشر
#أريدك_في_الحلال

انتفضت مفزوعه بصرخة قوية وهي تستمع لصوته الحاد التي لم تعتاده يوما: لا مش ماشيه كويس يؤسفني ابلغك بإن الخطة فشلت وامسك كوب العصير دافعا اياه بعنف سقط قلبها مع سقوطه
صرخت من جديد وزاد اتساع عينيها تزامنا مع انفاسها اللاهثه وحاولت الابتعاد عنه قدر الامكان تتمني أن يكون حلم وتستيقظ في أي لحظة حتى اصتدمت بخشب المطبخ والبراد من خلفها فعلمت أنه واقع لا محال فيه من الهرب
وقفت تنظر له بخوف وعينان متسعتان، غير مدركه لما حدث تنهج بعنف تحاول السيطرة على انفسها المتسارعة واستجماع شجاعتها لتدارك الامر واخيرا خرجت من تلك الحالة وهو مازال يتطلع لها بنظرات غريبة غير قادرة على تفسرها، ينتظر ردت فعلها بشغف كبير
هتفت بتوتر تحاول اخفاءه: متفهمنيش غلط يا ماهر أنا كنت بقول الحفلة كانت ماشية كويس
حدجها بنظره جحيميه جعلت دقاتها تتقافز خوفا من أن يكون كشف سرها
لكنه اقترب منها في لحظة ممسكا بيدها وهتف في غضب: كنت حاطة ايه في العصير؟
هتفت بتلعثم شديد محطتش حاجة ابدا

جمانة قالها بعصبية شديدة وهو يضغط على ذراعها بقوة جعلت من اصابعه تحفر علامات غائرة به
صرخت متألمة وهتفت وهي على وشك البكاء: دا دا كان فيتامينز أنت فاكر ايه!
اجابها بوقاحة: وحياة أمك الكلام دا ميخلش عليا، أنا عارف كويس دا ايه
ارتبكت وحاولت الاقتراب منه متحدثه ببكاء لتؤثر عليه: اخص عليك بتشك فيا يعني ايه هحط لك سم مثلا والله دا فيتامينز بخده مش اكتر
تداعى الهدوء متحدثا: حلو، حيث كده خديه تاني يالا

ارتجفت كليا وهتفت بذعر: اخد ايه مخلاص انت كسرت الكوباية، هبقى اخده بعدين..؟!
اجابها بغضب وهو ينظر للشريط الذي تحاول اخفاءه خلف ظهرها: خدي من دا قالها وهو يشير على ما تخفيه، فتوترت أكثر ..لكنه لم يمهلها حق الرد وهو يقترب متحدثا ولا اقولك هاتي وأنا هعرف هو ايه بنفسي
اخفته خلف ظهرها تمسكه بقوة، وتحدثت وكأنها تترجاه: مش مهم خلاص هبقى اخده وقت تاني
اجابها وهو يمسك كفها الاخر بقوة: لا طبعا مهم وامسكه بالفعل وهي تعافر معه كي لا يفعل
ترك كفها وامسك الشريط يضغط عليه واخرج منه حبتان واقترب منها متحدثا بغلظه يالا عشان تاخدي الفيتامين بتاعك
اصابها الذعر فهي تعلم انه عقار يصيب الشخص الذي يتناوله بالهلاوس فابتعدت عنه متحدثه بتلعثم وخوف: فتااا ايه لا مش واخده حاجة خلاص

امسك فكها بعنف متحدثا بصلابه: لا هتاخديه يالا
حاولت ابعاد كفه عن فمها متحدثه بفزع أنا هقولك الحقيقة خلاص
انتظر ليسمع ما ستقول ويقرر
فقالت بخوف :دا دوا تاني
سألها مستفسرا وهو يضغط الحروف من بين اسنانة: دوا ايه؟
دوا عشان يخلينا نبقى مبسوطين النهاردة ويفك التوتر عشان خاطري سبني واهدي بقى
ضحك بسخرية متحدثا: لا بجد!
-اه والله صدقني هكدب عليك ليه
لكنه فتح فمها بقسوة ووضع الدواء به متحدثا: هتاخديه برده يا جمانة
حاولت التملص منه لكنه اطبق على فمها بيديه ورفعه لاعلى حاولت التملص ومنع نفسها من ابتلاعه لكنها كادت تختنق فما كان منها الا انها ابتلعتهم بصعوبة فتركها
ظلت تسعل بقوة وانخفصت قليلا تحاول الاتزان والتخلص منهم لكنها للاسف لم تقدر فهي ابتلعتهم تماما