أحفاد الجارحي.. 4 .. أسياد العشق ...للكاتبة أية محمد ..

الفصل_الحادي_عشر

#آسياد_العشق

#الجزء_الرابع_من_سلسلة_الجارحي

#الفصل_الحادي_عشر ....

.....حينما تصعب عليك الأمور فأستمع جيداً قبل أن تتسرع .......

_لا يا "عدي" ...

صوت العميد أكتسح الأرجاء فأثار ذهول الجميع من تواجده بذلك الوقت الحساس! ..

صعد الدرج ليقف أمام الجميع بسكون أستغلها "ياسين" وأنسحب بهدوء ،أقترب العميد من "عدي" قائلاٍ بضيق من حديثه السيء عن والده

_الموضوع مش زي مأنت متخيله ...

تطلع له "عدي" بعينان تزداد تمرداً فأقترب منه "رعد" قائلاٍ برجاء

_طب فاهمنا ايه الحقيقة ؟ ..

حظى ببعض لحظات الصمت ثم قال بهدوء

_الموضوع أترتب ببراعة لدرجة أن أي حد مشكش فيه وللأسف مكنش هيتكشف لولا اللي حصل ..

هامت نظراتهم بأهتمام فأكمل وعيناه تطوف "عدي"

_ وصلنا بلاغ من واحد كان فى المقابر ولمح حد بيفتح قبر من مقابر "الجارحي" وخرج بجثه وبعدين قفلوا القبر تاني ...

ذُهل الجميع فأسترسل حديثه بأهمية

_طبعاً لما الموضوع وصلني كان لازم أقولك بس الحالة اللي أنت كنت فيها منعتني فمكنش عندي حل تاني غير "ياسين " بيه وبأمانه كان نعم الأختيار طلب مننا نكتم الخبر ونبدأ أجرائتنا بالسر والأهم أننا نلاقي الأجابة على أسئلتنا مين دول ؟ وليه سرقوا الجثة؟ ياتري ناس من اللي بيسرقوا الأعضاء وتوجيهم لقبور "الجارحي" كانت صدفة ولا كل دا متخططله والأهم من كل دا ليه بيعملوا كدا ؟ ..

تابعه الجميع فى صمت وأنتباه يحفل على الوجوه ، أقترب منه "عدي" قائلاٍ بلهجة تميل للضيق

_وليه مقولتليش الكلام دا يا فندم ؟ ..

تطلع له العميد قائلاٍ بثبات

_"ياسين الجارحي" منعني ..

ثم أكمل بحدة كنوع من التأنيب

_كان خايف تحط أمل أنها عايشة ومحدش لسه فينا متأكد من الأجابة على السؤال دا ..

أقترب منه "عمر" بفضول

_وعرفتوا أزاي ؟ .

أكمل حديثه بهدوء

_أبتدينا بالدكتور اللي أقر واعترف بكل شيء وقال أن "رحمة" من البداية معندهاش أي شيء دا ملعوب من البداية تنفيذ لأوامر شخص بيبعتله أول كل شهر مبلغ وقدره ..

تلونت عين "عدي" بالدماء القاتمة فود أن يرى هذا الطبيب فيفتك به ولكنه ألتزم الصمت ليستمع لما حدث ...

أسترسل العميد حديثه قائلاٍ بلهجته الصارمة مع "عدي"

_ياسين الجارحي اللي مش عجبك دا هو السبب الأكبر أننا نربط بين اللي بيحصل وبين زعيم المافيا دا بس الخطوة اللي مكنتش محسوبة أختفاء الدكتور دا فجأة ودا أغضب باباك جداً وبدأ فى البحث عن أي شيء يوصلنا للناس دي بس أنت كملت اللي هو عمله وقدرت تكشف "هالة" بعد ما عرفت انها اللي اخدت الCD من مكتب "مازن" وكالعادة نفذت العملية بدون ما تقول لحد وبرضو "ياسين الجارحي" هو السبب بأنقاذك لأنه ببساطة يا "عدي" أب عظيم ..