علاء مشي يجري هوا وجنى وايه خدوه للسياره وعدوا بيه للمستشفى ودخلوه للعنايه كانت ايه تبكي في حضن جنى وهي تهدي فيها💞
بعد مرور نص ساعه طلع الدكتور: اني الدكتور المشرف علي حالته وعطيته حاليا مسكن وبيقعد تحت الملاحظه لين تتحسن حالته تفضلوا مفيش مرافق ايه:دكتور اني خطيبته اوشايفه ان حالته قاعده تسوء ومفروض يلي في حالته علاجه كيماوي الدكتور:هوا قالي عليك هوا حابب تكوني معاه في الكيماوي فخليناه لين تخلصي دراسه ان شاء الله حاتم حالته تعتبر كويسه وان شاء الله خير
مشي الدكتور وايه قالت:مش عارفه شن نقول لما غدوا يدوروه ميلقوشي اني خايفه واجد💔 جنى:ان شاء الله خير متخافيش خلينا نروحوا بيك خير ما اهلك يحسوا وبكره نوعدك بعد المدرسه يروح بينا علاء نجوا هنا ايه تعنقتها:ربي ميحرمنيش منك لولاك معرفتش شنو ندير جنى متسيبنيش🥺 جنى:ياهبله اني معاك مش هنسيبك بعدين هذا واجبي💘 ايه مسحت دموعها:حتى انت علاء شكرا تعبتك معايا🥺 علاء:لا عادي ربي يطمنكم عليه💞
روحوا ورقدوا كلهم ما عدا ايه فمرقدتش طول الليل وهيا تخمم علي حاتم اذن الفجر ومزالن البنات نايضات ناضت ايه صلت ودعت لي حاتم 💞
