كالحلم انتن💞

الجزء الثاني(تاسع رحله💞)

هنكمل الروايه هذي ونوقف بعدها يمكن🤷‍♀️

لايك وتعليق😩

 كالحلم انتن 2💞

الحلقة 9

جنى كانت خاشه للمكتب عند قمر وانصدمت القت اياد مقعمز في كرسيها وهيا فوق راسه وضحك وهدرزه😳

جنى : اسفه خشيت فجأه (اياد فز وقمر مدايره روحها منصدمه ) عادي نجي وقت اخر😐

اياد : لا خشي جنى اني طالع ( اياد طلع يجري متغزرط وقمر قعمزت )

قمر : اهلين جنون كيف حالك

جنى قعمزت : الحمد لله ( جنى تنهدت وقالت ) شوفي قمر اني يشهد ربي انك خشيتي قلبي وحسيتك كويسه وطيبه بس علاء يمكن فهم الشيء هذا غلط😕

قمر : وانتي يشهد ربي مافي زيك في طيبتك واخلاقك بس مفهمتش شن اللي فهمه علاء غلط؟

جنى : علاء بدأ يحبك ( قمر دارت روحها انصدمت🙄 ) اني عارفه ان مش بالساهل ادخلي حد علي حياتك عندك مسؤوليات وولد وعلاء مزال شاب قلبه رقيق مع انه اكبر مني بس مزال معنداش خبره في الحب😕

قمر : صدمتيني الصراحه اني علاء نعتبر في زي خويا وانتي اختي اني هنتكلم معاه

جنى : قمر اني مش ضدك ولا شايفه فيك عيب بس علاء قلبه فجأه يحب وفجأه ينسى كيف ما خايفه عليه خايفه عليك🤌

قمر تغيرن ملامح وجهها وقالت في خاطرها : كنتي خافي عليا من قبل ما اضيعي حياتي🔥 ( وردت للواقع وابتسمت ابتسامه مزيفه ) متخافيش اني هنعرف نصرف زين☺

جنى صبت : مشكوره لي تفهمك مع السلامه

جنى طلعت وقمر صبت وكلمت : علاء اهلين

علاء : اهلين والله

قمر : انت وين لازم نتقابلوا🔥

علاء : تمام اني قريب من مطعم تو نبعتلك الوكيشن

قمر سكرت وعلاء بعتلها الوكيشن

------------------------------------------------------------------D033-10

كانت ليلى💘
مقعمزه في الصور وعلي نقالها فجأه يرن الجرس صبت فتحت

ليلى : اهلين خالتي وداد ( ام حسين )