كالحلم انتن💞

الجزء الثاني(اخر رحله💞)

نبي تعليق يبرد عالقلب خلاص تمت رحلة كالحلم انتن وهاذي اخر رحححله🥺💞

كالحلم انتن 2💞

الحلقة 12 والاخيره

كان اياد خاش للشركه ويلم في حجاته اذكر ان عنده ورق عند قمر خش للمكتب وقعد يدور وطاحن في يده التقارير فتح الفايل اياد انصدم بي تقارير المستشفى متاع علي بوراضي واسمه في وراق الجرحى اياد من الصدمه طلع يجري ركب سيارته

اياد يبرق في الفايل ويسوق : تي كيف منو هذي قمر شن دخلها في هذا كله😳

-------------------------------------------------------D033-10

اما جنى💘
كانت خاشه للحوش لقت علاء قدامها

جنى تقلع في عبايتها : من زمان

علاء جاها : اني اسف😔

جنى قعمزت عالصالون : تعرف علاء ديما نقول ان لو الدنيا كلها سيبتني علاء ميسيبنيش💔

علاء جي قعمز احداها : مديريش فيا هكي ضميري أصلا بروحه يقطع فيا

جنى : شهر واصعب شهر ملقيتش عليش نتكى الا ماما الوحيده اللي مغرهاش شيء🤚

علاء : اني معاك في كل شيء قوليلي اللي تبي انديره🤌

جنى صبت تدوي وادور في الصاله ودموعها في طرف عينها : تردلي حياتي متقدرش تردلي احلامي متقدرش تردلي ( وغص صوته ) سراج متقدرش اني أصلا ميقدرش حد يديرلي شيء💔

علاء : نحاول صدقيني منوعدكش بس هندير جهدي

جنى : علاء اني ( ونزلن دموعها ) مش جنى اني معاش عرفت روحي من نضت اليوم تفاجئت بي روحي في المرايا ( قلبتله تدوي وتعيط ) بررررق بررق شووف عيوني مش نفس النظره وقفتي مش نفس الوقفه حتى دوتي تغيرت اني ضعت مع اللي ضاع😭

علاء جي وحضنها وهيا قاعده تبكي وتشهق💔

-------------------------------------------------------D033-10

جي الصبح اياد كان ساهر في المكتب يفكر ويحلل ويخطط

اياد : مطلعتششش بي نتيجهه😩