لن اعرف الحب قبلك ولن اعرف بعدك غيرك لكاتبة ياسمين

الحلقة 9

الحلقه ال9

وصمت قليلاً وقال:ندى ممكن بقى كذا سؤال كده
ندى:اوكـى إتفضل إسأل براحتك
مازن:أولا عرفينى عليكى
ندى بتساؤل:أعرفك عليا إزاى يعنى
مازن:عن شخصيتك يعنى عموماً
ندى بتنهيده:أنا ندى زاهر عزمى كان طموحى كلية الهندسة كهربا عشان أكون مهندسة كمبيوتر ودا برده كان حلم بابى إنى أدخل الكلية دى بالأخص المهم أنا بنت وحيدة مامى وبابى وعندى 18 سنة ماشية فى الـ19 كده وبسس..إيه تانى بقى عايز تسأل عليه
مازن وهو يشعر بالسعادة لتعرفه عليها أكثر:أنا بقى مازن هشام عبد المجيد عندى 21 سنة وماشى فى الـ22 كده وبرده كان حلمى أجيب هندسة كهربا عشان أكون مهندس كمبيوتر كان نفسى الأول فى هندسة طيران بس بعض الظروف خلتنى مادخلتهاش المهم أنا دلوقتى فى رابعه آخر سنة وأخلص إن شاء الله بس ناوى أكون معيد فى الكلية برده إن شاء الله ولما برجع من الجامعة بقف فى المكتبة إللى هى شوفتينى فيها أول مره وأنا ولد على بنت لماما وبابا وبسس كده..قوليلى بقى إنتى طموحك إيه للمستقبل
ندى بتفكير:مممممم والله مش عارفه اوى يعنى لإن بابى هو إللى محددلى هعمل إيه فى المستقبل
مازن بتعجب:أول مره أشوف ..معلينا اوكـى طيب إيه هى صفات فارس أحلامك
ندى وشعرت بالدهشة من السؤال ولكن سرعان ماأخفت خجلها ودهشتها وقالت بمزاح:عادى يعنى زى أى بنت
مازن بمزاح: للأسف ماكنتش بنت قبل كده عشان أعرف هما بيفكرو إزاى
ندى بضحكة عالية:ههههههههههههه ..طيب قولى إنت الأول إيه هى صفات فتاة أحلامك
مازن بإبتسامة واسعه وكأنه كان ينتظر منها هذا السؤال وقال:ممممم بصى بقى حلمى إنها تكون محترمة وعارفة ربنا طبعاً ومؤدبة مش لعوب زى أكتر بنات اليومين دول إلا من رحم ربى المهم وتكون عيونها عسلى ورموشها طويلة مزينة عيونها تخلينى لما أنظر لعيونها أدوب فى أعماق سحرها وتكون بشرتها بيضة ويكون شعرها بنى ونفسى أخليها تلبس الحجاب وأخليها توسع البنطلون شويه وياريت برده تطول الكُم شويه وبرده تكون متميزه وبتحب التفاؤل وطموحا للمستقبل وتكون عندها ثقة فى النفس وماتبصش لغيرى ولا حتى نظره وتحبنى باإخلاص زى مابحبها ونعيش أحلى قصة حب سوا
ندى لتختبره:بتتكلم كإنك شايفها قدامك ..مش كل دا لما تبقى تلاقى واحده بالصفات دى تبقى تقول تحبنى زى مابحبها..إيش عرفك إنك هتحبها
مازن بإبتسامه واسعه:لالاااا دا أنا بحبها مووووت وماشى فى طريقى للعشق والحب بجنون
ندى بضحكة عالية وخجوله:هههههههههه وياترى مين دى
مازن:نفسك تعرفى
ندى بخجل:يعنى يمكن أتصاحب عليها برده
مازن:اها طيب ..هى النهارده جت خدت منى كتاب فى الجامعة وقعدت معايا ربع ساعة عدو قدام عينى زى مايكون رمشت عين مش أكتر
ندى وإشتعل الخجل وقالت بهدوء:مازن بعد إذنك هقفل دلوقتى
مازن وهو لايصدق:إيـــه بتقولى إيه..قولى الإسم تانى كده بليييييز ندى بخجل أكبر:طيب عن إذنك بس عشان مامى باينها عايزانى
مازن وهويشعر بخجلها:اوكى بس ياريت تفكرى كده فى كلامى وعايز أعرف رد قلبك ..وعلى فكرة أنا هدخل علطول
ندى بتعجب وتساؤل :هتدخل إيه وإزاى
مازن:بعدين هتعرفى لما أسمع بس رد قلبك
ندى بسرعة:اوكى اوكى يلا سلام
مازم:سلام ياحبيبتى
.واغلقت ندى الإتصال وارتمت مره آخرى على السرير وتنهدت تنهيدة طويـــــلة وهى تتذكر كلماته .حتى قاطعها صوت دقات الباب
ندى وهى تعتدل فى جلستها:ادخل
الخادمة:ستى ندى الوالد والوالده عايزينك تحت هما قاعدين فى الجنينه
ندى بتعجب:عازينى فى إيه..حاجه غريبة يعنى
الخادمة:مش عارفه بس هما قالولى أبلغك كده
ندى:اوكى اوكى لحظة وهنزل
.وبدلت ندى ملابس وارتدت _برموده باللون البنى وبضى كب باللون الأصفر_وتركت شعرها منسدل على ظهرها ونزلت لحديقة الفلة حتى إستقبلها والديها
صافى وزاهر بإبتسامة واسعه:هاى نودى
ندى وهى تقبل أيديهم:هاى حبايب قلبى إزيكم
والديها:تمام ياقمر
والد ندى:عاملة إيه فى الكلية ياندى
ندى بإبتسامة جميلة:جميلة أوى يابابى وعجبانى جداً
والدتها:مالك مبسوطة كده ليه للدرجادى الكلية حلوه اوى كده
ندى بإبتسامه مشرقة:اه وأحلى كمان وحبيتها النهارده أكتر وأكتر
والدها بإبتسامة:يلا عقبال بقى الحب الحقيقى لفارس أحلامك
ندى بتعجب من كلمة والدها وبإبتسامة خجولة:ميرسى حبيبى
والدة ندى:يلا بقى يانودى إعملى حسابك ممكن اوى قريب تكونى مخطوبة وتتجوزى بقى وتعيشى حياة جامدة وقوية
ندى:لسه بدرى يامامى أنا لسه فى سنة إعدادى يعنى لسه 4 سنين غير دى
والد ندى:ليه ياحبيبتى بدرى ليه لو جه المناسب يبقى خلاص هنتوكل على الله علطول.ونظر لزوجتة وإبتسم وبادلته زوجتة الإبتسامة
ندى بعدم فهم وتشعر بالقلق قليلاً:اوكى اوكى ربنا ييسر
والدة ندى بنفس الإبتسامة:إيه يانودى إخترتى إستايل الفستان إللى هاتيجى بيه حفلة إبن شادى الأسيوطى
ندى بتذكر وتساؤل:مين ده
والدتها بنرفزه خفيفه:برده ياندى ماحطتيش فى بالك إنتى بتستهبلى ولا إيه
ندى وتذكرت:اها اه اه إفتكرت بس أختار إستايل ليه
الدها:مش لما بنيجى نروح أى حفلة بتختارى إستايل الفستان ويتفصل ويكون عندك بعد يومين
ندى بنظرة ملل:طيب هبقى أشوف
والدتها بحِده:والله لسه هاتشوفى خلاص هتصل أنا ببيت الأزياء اللى فى فرنسا وهيكون عندك فستان أخر موديل بكره لإن معدش وقت والحفلة بعد بكره
ندى بملل وتنهيده:اوكى حبيبتى براحتك
والدتها بنفس نبرتها:إنتى مالك كده فى إيه زهقانة ولا طهقانة لما سمعتى كده مع إنك نازله من فوق وشكلك مبسوطة أوى
ندى:مافيش ياحبيبتى ماأنا أهو كويسه أنا قولت براحتك هو أنا قولت حاجه
والدتها:لا لازم تفوقى أكتر من كده إنتى تعرفى إحنا رايحين فين دا إبن شادى الأسيوطى هـا يعنى مش أى رجل أعمال
ندى:اوكى حبيبتى هفوق حاجه تانيه عايزينى فيها
والدتها:لا شكراً كده وخلاص
ندى وهى تقوم من جلستها وبهدوء:طيب مش عايزين حاجه هطلع أنام شويه
والدها :لا حبيبتى تصبحى على خير
ندى متوجها للداخل:وإنتو من أهله
.صعدت ندى غرفتها وهى تشعر بضيق فى قلبها لاتدرى لما هذا الشعور ثم حاولت الهرب من شعور قلبها فااستسلمت للنوم

.وفى مكان آخر فى الأسكندرية وبالتحديد فى فلة وائل صباحى فى غرفة نيفين فى الدور العلوى ...كانت تجلس على سريرها وتتقلب يمين ويسار وتقف وتجلس وكأنها بها حيرة الدنيا وتفكير البشر بداخلها
نيفين :يووووه بقى مش عارفه هعمل إيه هعمل إيه ..والله لازم أندمها ..أنا حبيت الولد إللى كانت معاه ده ومش هاسيبهولها خاهده منها يعنى هاخده وبالذوق أو بالعافيه أو على الأقل مش ههنيها بيه ..بس إزاى أفكر فى حاجه تجذبه ليا..وكمان لو خدته أكيد هتتألم وهتبقى حزينة .وبإبتسامة سعادة خبيثة:وااااااو دا كده أبقى اصطادت عصفورين بحجر..بس إزاى.ظلت تفكر وتفكر فى تفكير سيئ وخبيث حتى لمعت على بالها فكره وقالت:بسسسسسس هى دى .وضحكت بصوت عالى كأنها إنتصرت أخيراً

.وفى اليوم التالى كانت تجلس فى كفتريا الجامعة مع صديقاتها وهى شاردة الذهن حتى قاطع شرودها نينفين
نيفين بخبث وتمثيل المرح:هــا يانوده القمر سرحان فى إيه
ندى:هـا.وبإبتسامة خجوله:لا لأ مفيش حاجه
نيفين:محدش واحشك ولا حاجة
آيه بمرح:أكيد يعنى إزاى بس مش هيكون واحشها وكمان عارفه إنه موجود فى نفس المكان اللى هى فيه..ياعينى عليكى يانوده صوعبانه عليا
ندى ونظرت فى الأرض بخجل وبإبتسامه جميلة:يوووه اسكتو بقى
آيه وهى ترقد فرحاً:يااااااااااسلاااام على الكسوف ياناس ندى بقت بتحب ندى بقــــت بتحـ.قاطعطها يد ندى التى على فمها
ندى:آيه إنتى مجنونة إيه الهبل ده مش تشوفى إنتى واقفه فين
آيه:والله مامجنون غيرك ياجميل وقلبك وآلع من الشوق كده..يلا يلا روحى إتحججى أى حجة وروحى شوفيه عشان تبردى
ندى بخجل وكأنها تريد فعل ذلك فعلاً:تفتكرى هتبقى حِجة ناجحة ولا هيفهم
آيه:ههههههههههههه شوفى بقيتى بتعملى زيى إزاى يلااا ولسه ولسه دا إنتى شكلك داخلة دخول جامد اوووى
ندى:طيب إسكتى وبطلى شماتة بقى وقولى أروح أقوله إيه
نيفين ظلت تراقب الجو وقالت:ماتروحيش لحسن يكون قاعد مع بنوته كده ولا كده وتلبخيه
ندى ونظرة لها نظره ضيق:إحترمى نفسك يانيفين وإتكلمى كويس
نيفين وهى تعض على أسنانها بغيظ وقالت بإبتسامة مصطنعة:طيب براحتك عموماً كل حاجه بتبان مع الأيام وكل واحد وبيظهر على حقيقتة
ندى وهى لم تعر لها إنتباهاً وقالت لآيه بترجى:يلا بقى يايويو أرجوكى فكرى فى حاجـ.ولم تكمل كلمتها إلا وسمعت صوت رنين هاتفها ...وإندهشت عندما رأت الإسم وإبتسمت إبتسامة جميــلة وسعيدة وكأنها تقول ..شعر بى قلبه فنبه عقله فأتانى ..ووجهت كلامها لآيه:طيب هقعد هناك هنا وهرد
نيفين بإبتسامة مصطنعة:ليه ياحبيبتى اقعدى هنا أحسن عشان ماحدش ياخد باله يقول ندى بتكلم مين كده وإفرضى جالك مش إنتى لازم بتاخدى واحده فينا معاكى
ندى:خلاص اوكى هقعد هنا وخلاص..بس اسكتو خااالص
.وضغطت زر فتح الإتصال وقالت برقه:السلام عليكم
مازن بإبتسامة واسعه:وعليكم السلام ورحمة الله وبركاتة ..إيه القمر ده إنتى مطيعة بسرعة كده
ندى بخجل:لا بس عشان الشيطان يبعد عن المكالمة
مازن:بس إيه النظرة الجميلة والمكسوفة دى
ندى بنفس نبرتها:وإيش عرفك يعنى ماأنا عادى أهو
مازن:مش بقولك قلبى بينبهنى
ندى بخجل أكثر:طيب اسكت بقى
مازن:ياااناااا ياناس على النظره الجميلة دى
ندى بشك:إيه ده إنت شايفنى ولا إيه
مازن:بصى فى شك علطول عند الترابيزه اللى بعدك ارفعى عينك بس
ندى وهى ترفع عينيها ونظرت فى الأرض مره آخرى وبخجل شديد:إيه ده إنت بتعمل إيه عندك
مازن:بشرب عصير تيجى تشربى معايا
ندى:لو جيت هشربه أنا مش هخليك تشرب
مازن:طيب تعالى وأنا مش هشرب
ندى:.............