لن اعرف الحب قبلك ولن اعرف بعدك غيرك لكاتبة ياسمين

الحلقة ال41

الحلقه 41

وقبل مازن أيديهم وجبينهم وتوجه ناحية غرفته وارتمى على السرير وأمسك بالهاتف وبدا يقلب فى الأسماء حتى توقف عند إسم /زوجتى عشق عمرى.وضغط زر الإتصال وجاءه رنين الجرس وفجأة سمع صوت لم يتخيل أن يحدث .تــــت تــــت تـــــت..الرقم مشغول

فعاود الإتصال مره آخرى وجاءه من صعقه:الهاتف الذى طلبته ربما يكون مغلقاً من فضلك حاول الإتصال فى وقت لاحق

مازن يحدث نفسه وبقلق:إيه دا حاجه غريبة كنسلت عليا وبعدين قفلت موبايلها..لا لأ لازم أحسن الظن ممكن يكون موبايلها فصل شحن برده

.وقام ودخل المرحاض وتوضأ وصلى ركعتين فى وقت السحر ،،،،وبعد الصلاة قام وأمسك الهاتف مره آخرى فجاءة نفس الصوت:الهاتف الذى طلبته ربما يكون مغلقاً من فضلك حاول الإتصال فى وقت لاحق

مازن:لاحول ولاقوة إلا بالله ياترى إيه اللى قفل الموبايل..طيب أنا كده هقلق بجد..ربنا يستر ويجعله خير يمكن قاعده من أهلها ولسه مادخلتش اوضتها

.وفى مكان آخر وبالتحديد فى فلة زاهر عزمى صعدت صافى بالهاتف الذى بيديها وصعدت الدرج وتوجهت ناحية غرفة ندى ودقت الباب ولم تجيب ندى وسمعت صوت شهقاتها الشديده ففتحت الباب ودخلت وأغلقته ورائها

صافى وجرت ناحية ندى وضمتها إلى صدرها:ندى حبيبتى

ندى ببكاء شديد:ليييييه بيعمل فيا كده ليه الإفترى ده والله حرام عليه حرام والله

صافى وهى ترطب على ظهرها بحنان:خلاص ياحبيبتى هو وقت غضب بس ويمكن يهدى بعد كده

ندى بنفس نبرتها وحالتها:لأ مش هايهدى بابى مش بيحبنى أفرح اه شكله كده مش بيحب فرحتى تكلم ليييه يعمل كده يعنى مازن عمل فيه إييييه عشان يعمل كده

والدتها لكى تخفف عنها:مازن ماوحشكش ياندى

ندى وصمتت فجأة وقالت بهدوء وهى ترفع نظرها لوالدتها:إيه السؤال الغريب ده

والدتها وبداخلها حزن وقالت بإبتسامه رسمتها على وجهها:مازن رن عليكى دلوقتى والموبايل فصل شحن وممكن أوى يقلق قومى خدى شاور وغيرى هدومك وفوقى كده وكلميه يمكن ترتاحى شويه

ندى بإنهاير:أكلمه أقوله إيه أعكنن عليه ليه هو ذنبه إيه هو كمان عشان فرحته ماتكملش

صافى وقامت ووضعت الهاتف فى الشاحن وفتحته وتوجهت ناحية ندى وجلست بجانبها:ياحبيبتى أبوكى بيحبك والله وأبوكى طيب بس هو ممكن وقت غضب بس

ندى ببكاء:من ساعة كتب الكتاب لدلوقتى وقت غضب بس ليه يعنى

والدتها وهى ترطب على ظهرها بحنان:خلاص ياحبيبتى إهـ.قاطع كلامها صوت رنين الهاتف

صافى وهى تتوجهه ناحية الهاتف:يمكن يكون مازن.ونظرت فى شاشة الهاتف وإنقلب وجهها لعلامات التعجب وقالت:عمك آدم