لن اعرف الحب قبلك ولن اعرف بعدك غيرك لكاتبة ياسمين

الحلقة ال19

الحلقه ال19

مازن وهو يجلس على الكرسى الذى بجانبها:هــا بقى ياقلبى كنتى عايزه تقولى إيه
ندى:عن موضوع حفلة عيد ميلاد مصطفى
مازن:ياحبيبتى قولتلك أنا مش مصدق وخلاص الموضوع خلص
ندى:لأ الكلام ده حصل فعلاً..بس مش بالطريقة اللى قالتلك عليها دى للأسف هى قلبت الكلام بالظبط زى ماقلبت الموضوع عنك
مازن بتعجب:مش فاهم إزاى يعنى
ندى:بص اللى حصل إن مامى وبابابى كل مايكون فيه حفلة من أصدقائهم لازم أروح رغم إنى لو حد معرفوش مبحبش أروح لكن كل أصحابهم بيكون معاهم بنتهم أو إبنهم أو بنتهم وابنهم وهكذا فهما بيصممو إنى أروح معاهم المهم يوم حفلة عيد ميلاد مصطفى دى بالذات كانو مصميمين اوى إنى أروح معاهم المهم روحت وخلاص ولما دخلت .............................. وسردت له ماحدث)
مازن بدهشة وضيق وتعجب وتساؤل:طيب إزاى أبوكى مايقومش يضربه ولا يشدك منه
ندى:ماأنا قولتلك إن بابا هو إللى قالى أروح أرقص معاه وكان هيغضب جداً وحتى لما أنا عملت كده وروحت ورجعت كلمتك وكنت مخنوقة جداً وبعد ماقفلت معاك لقيته طالع هو وماما وكانو متضايقين منى جداً وقعدو يزعقولى ولأول مره فى حياتهم بس برده أنا صمدت وفضلت واقفه أرد عليهم لغاية لما سكتو..وبس كده دا كل اللى حصل وده سبب ضيقتى
مازن بضيق شديد:وإزاى الغبى ده يرقص معاكى ويعمل اللى عمله ده..وبعدين إيه الحفلات والرقص والكلام الغريب ده..أنا إللى بشوفه لما حد بيعمل عيد ميلاد بيعملوه دائماً عادى فى البيت ويطفو الشمع وممكن اه يهبلو شويه لكن رقص وقاعه وحاجات من دى موفتش إلا نادر جداً وحتى لو كده ماسمعتش عن حاجه إسمها رقص سلو وكلام فاضى من ده
ندى:والله هما أهلى كده وهى دى حفلاتهم وأنا بكون مخنوقة بس أعمل إيه دى زى تقاليد كده ولازم أمشى عليها
مازن بضيق شديد:والله ماأنا عارف إيه الحاجات الغريبة دى..ندى هو والدك بيشتغل إيه
ندى:بابى مهندس كمبيوتر بس ليه شركات هنا وفى بعض البلاد بره
مازل بصدمة:نـــعم
ندى:إيه إتخضيت كده ليه
مازن:أنا أول مره أعرف الكلام ده..طيب إنتو ساكنين فين
ندى:فلتنا اللى هنا فى الإسكندرية فى شارع..........._قالت شارع من أرقى شوارع الإسكندرية_
مازن بصدمة وخوف قليلاً:إيـــــه
ندى:فى إيه يامازن إنت بتتخض كده ليه
مازن وشعر بحزن ممزوج بالقلق والخوف:مش عارف..أنا مش إتخضيت أنا مستغرب بس
ندى:مستغرب من إيه
مازن بتنهيده حزينة:لا لا مافيش حاجه
ندى:مازن ممكن أقولك حاجه
مازن:إتفضلى
ندى:إنت بتحبنى بجد بجد
مازن:وإنتى مش واثقة فى كده ولا إيه
ندى:رد عليا بس
مازن بنظره جميلة:أنا مش بحبك بس ياندى أنا بعشقك بجد بعشقك
ندى:طيب لو عايز علاقتنا تكون ماشية كويس يبقى نتواعد منخبيش على بعض أى حاجه ولو أى حاجه قابلتنا فى حياتنا أياً كانت لازم نواجهه بعض علطول وبلاش نسمع حاجه من بره ونصدقها غير لما نواجهه بعض
مازن:اوعدك بكل ده بس ــــــــــــــــــــــ
ندى:بس إيه
مازن بحزن شديد حتى كادت أن تسقط من عينه دمعه حاره:خايف ياندى
ندى بتعجب وتساؤل:خايف من إيه..ومالك شكلك حزين كده ليه
مازن وبدون شعور خانته دمعته وسقطت: إتصدمت وخايف أوى بجد
ندى بتساؤل وقلق:مازن مالك ياحبيبى فى إيه..إتصدمت من إيه ولا خايف من إيه
مازن بنظره حزينة:أقولك بصراحة
ندى:اومال أنا لسه بقولك إيه من شويه
مازن:ماهو عشان كده وعشان وعدتك وعشان أنا كمان نفسى نكون كده
ندى:طيب قولى بقى مالك