هو مين اللي وسوس للشيطان إنه يعصي ربنا !!؟
مين كان شيطانه !؟
= صحيح مين !!!!
هو كان في شيطان اصلاً !!؟
اة فيه تعالوا نشوف مع بعض
إزاي!؟.،،
دة إبليس لما رفض السجود لآدم مكنش فيه شياطين ساعتها فمين اللي وسوس لإبليس بقي !؟
" نفسه " ..
نفسه هي اللي كانت شيطانه.!
وكلمة " النفس " دي في منتهي الخطورة ،،
وذُكرت في القرآن الكريم في آيات كثيرة ..
"وَلَقَدْ خَلَقْنَا الإنسان وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إليه مِنْ حَبْلِ الْوَرِيدِ"..
إحنا كلنا الحمدلله بنؤمن بالله تعالى وبنذكره ،، ونصلي ،، ونقرأ القرآن ،، ونتصدق ،، و .. و.. إلخ
وبالرغم من كدة ، إحنا مازلنا بنقع في المعاصي وبنعمل ذنوب ..
طب لييييييييية !!؟
لاننا سيبنا العدو الحقيقي وبنركز مع العدو الضعيف !
" إِنَّ كَيْدَ الشَّيْطَانِ كَانَ ضَعِيفًا "..
طب مين هو العدو الحقيقي !؟
" نفسك " ..
نفسك هى عدوك اللدود اللي اقوي من الشيطان ..
" اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا "..
وَنَفْسٍ وَمَا سَوَّاهَا فَأَلْهَمَهَا فُجُورَهَا وَتَقْوَاهَا..قَدْ أَفْلَحَ مَن زكَّاهَا وَقَدْ خَابَ مَن دَسَّاهَا..
فعليك بالطاعات ،،
هذبها ووظبها ،، وبذكر الله أَنسها وذكرها ،، وعن المعاصي أبعدها ،، فهكذا النفس ،، ان لم تشغلها بالطاعة شغلتك بالمعصية
..
"اللهم آتِ نفسي تقواها وزكِها أَنت خير من زكاها أَنت وليها ومولاها "...
