السلام عليكم ورحمه الله وبركاته 💚..
ردّوا السلااام وخدّوا حسنات 💚!
.
بإذن الرحمن هتكلم عن *مُبطلات الصيام*
.
مُبطلات الصيام مثل :
- *الأكل والشرب عمدًا*
والمقصود ب العمد : انك تاكلي بِـقصد منك .. وانك تكوني مش تعبانه وصحتك ما شاء الله وتاكلي وتشربي ب قصد منك 💚..
.
- *الجماع في نهار رمضان*
يعني الجمع بين الزوج والزوجه في نهار رمضان ..
طب أفرض حصل جمع بينهما يعملوا اي ؟
كده صيامهم باطل طول اليوم..
ولازم لازم يصوموا 60 يوم ورا بعض ..
أو
المُقتدر يُـطعم 60 مسكين 💚..
.
- *نزول دماء الحيض أو النفاس*
والمقصود ب النفاس : الست اللي ولدت حديثاً 💚..
.
- *إنزال المني بالشهوه*
زي العاده السريه ولا حول ولا قوه الا بالله 🥺..
.
- *التدخين*
مينفعش واحد يجي يقولي اصل انا شربت واحده وهي عباره عن دخان مبتفطرش !
لا لا يعم بتفطر والله 😂💚..
.
- *التقئ العمد*
ييجي مثلاً اخوك يحط صباعه ف بقه ويدخله ويتقئ بالقصد ويقولك هكمل صيامي !
لا لا مينفعش يحبيبي كده صيامك باطل 💚..
.
.
ندخل بقا على الحاجات اللي مبتفطرش :
١- *الكلام بين الولد والبنت*
مبيفطرش على فكره !
أتصدمتوا صح !
مبيفطرش اه بس مبتاخدوش أجر الصيام كامل ..*الكلام بين الولد والبنت حرام أساساً لو مفيش بينهم رابط شرعي*
.
٢- *الشتايم*
أيوه الشتايم مبتفطرش..!💚
إنني أرى الصدمه في عينيكوا😂..
مليش انا في اللغه العربيه الفصحى 😂😂💚..
.
٣- *بلع الريق أو البلغم*
.
٤- *الشرب أو الأكل نسياً*
لو اكلت غصب عنك أو شربت غصب عنك عادي كمّل صيامك 💚..
.
٥- *النظر إلى الحرام*
مبيفطرش..بس ليه نبص على الحرام ونغضب ربنا 🥺🥺..
.
٦- *البرفان*
مبيفطرش..بس الست لو حطت برفان وهي خارجه بتاخد ذنوب قد ذنوب الزانيه 🥺🥺..
ف بلاش تحطي برفان وانتي خارجه إلا لو كنتي حاطه برفان ريحته يدوب انتي بس اللي تشميها عادي 💚!
.
٧- *الحقن في العضل أو الوريد*
.
٨- *التقئ بدون عمد*
.
٩- *الإستحمام أو الوضوء*
مبيفطروش ولكن متستهبلش بقا وتفتح بوقك وانت بتستحمى وتشرب مايه وتقول غصب عني أفطر بقا 😂😂!
لا لا أحرّص على أن المايه متوصلش ل زورك كده 😂💚..
.
١٠- *قطرة العين أو الأذن*
.
١١- *تذوق الطعام بدون بلع*
بعض الأمهات علشان تشوف الاكل ناقص ملح ولا اي بتحط على طرف لسانها نسبه صغيره .. بس مبتبلعهاش.. وبعد كده بتضمضمض عادي ..وتكمل صيامها 💚..
بس اوعي بقا تعملي فيها الشيف حسن وتدخلي المطبخ تدوقي المحشي والفراخ وتقولي بستطعم الأكل 😂😂😂!
.
١٢- *قطرة الأنف ما لم يصل طعمها إلى الفم*
.
١٣- *الميكب*
مبيفطرش .. بس ليه تحطي ميكب بره البيت وتتنزيني وتاخدي ذنوب كل واحد شافك ! أخرجي على طبيعتك احسن .. بلاس ذنوب ف شهر رمضان خاصةً 🥺🥺💚..
.
١٤- *صيام ال غير محجبه*
مبيفطرش.. بس ليه متاخديش خطوة الحجاب في رمضان؟💚
والله هتبقي قمر وهترضي ربنا في شهر كريم 💚..
.
١٥- *صيام من لا يصلي*
مبيفطرش.. بس ليه متصليش !!
الصلاه عِماد الدين واول ما يُـسأل عليهِ العبد هو *الصلاه*
احنا مش ضامنين نعيش ل بكره ولا ضامنين نعيش كمان ساعه !!
يبقى ليه نقابل ربنا واحنا مبنصليش!!
لما ربنا يسألك مصليتيش ليه هتردي تقولي اي !!
اصلي بكسل ! أصلي بنسى ! أصل الجو سقعه !!
قومي سيبي الموبايل وصلي ركعتين توبه ل ربنا واسألي الثباات من الله 💚..
.
.
أتمنى أكون وصلتلكوا المعلومه 💚🥺..
.
