Uni
"အကို.... ခွဲစိတ်ခန်းထဲ၀င်သွားတာ 4နာရီတောင်ရှိနေပြီ အဆင်ရောပြေရဲ့လားမသိဘူး"
"ပြေမှာပါ မှူးရဲ့ ဒီလိုခွဲစိတ်မှုတွေက အခုလိုအချိန်ကြာတာ ပုံမှန်ပါပဲ"
"အဲ့ဒါကြောင့် အကိုအမြဲတမ်း အိမ်ပြန်နောက်ကျတာလား...."
မှူးစကားကြောင့် ခဏတာဆွံ့အ မိသွားသည်။
အလုပ်ကိုအာရုံစိုက်နေလျှင် ထမင်းမေ့ဟင်းမေ့ဖြစ်တတ်တဲ့သူ့အတွက်က အချိန်ကုန်လို့ကုန်မှန်းမသိပေမဲ့ အိမ်မှာဘုန်းမြတ်ပြန်အလာကို အမြဲတမျှော်မျှော်စောင့်နေသော မှူးအတွက်တော့ ဘယ်လောက်ထိ နေ့တိုင်း ဘယ်လောက်အချိန်ကြာကြာစောင့်ခဲ့ရလဲဆိုတာ မှူးရဲ့မျက်လုံးများကတစ်ဆင့်မြင်တွေ့လိုက်ရသည်။"အင်း...ကိုယ်တောင်းပန်ပါတယ် ဆေးရုံ ဆေးခန်းတွေမှာပဲအချိန်ကုန်ပြီး.....မှူးအတွက်အချိန်အများကြီး မပေးနိုင်ခဲ့လို့"
အကို့ရဲ့စကားကို ပြန်မပြောခင်အတွင်းမှာပဲ ခွဲစိတ်ခန်းတံခါးဖွင့်လာတာကြောင့် နှစ်ယောက်လုံးပြိုင်တူထပြီး ဆရာ၀န်ဆီသွားလိုက်ကြသည်။
"ခွဲစိတ်မှုအခြေအနေ ဘယ်လိုလဲဆရာ"
"ခွဲစိတ်မှုက အောင်မြင်ပါတယ်....စ်ိုးရိမ်ရတဲ့အခြေအနေကိုတော့ကျော်လွန်သွားပါပြီ....ကျန်တာကိုတော့ လူနာသတိရလာမှ အသေးစိတ်ပြောပြလို့ရပါမယ်.....အဓိကက အချိန်မှီရောက်လာတာကံကောင်းသွားတာပါ...ဒီထက်နည်းနည်းလေးနောက်ကျရင် အသက်မှီမှာတောင်မဟုတ်ဘူး"
"ဟုတ် ဆရာတို့လဲပင်ပန်းသွားပါပြီ ကျေးဇူးတင်ပါတယ်ဆရာ"
မှူးရော အကိုရော အခုမှ စိတ်အေးပြီး သက်ပြင်းချနိုင်တော့သည်။နှစ်ယောက်လုံး ရေတစ်ငုံတောင်မသောက်ပဲ အချိန်အကြာကြီးစောင့်နေခဲ့သည်မှာ ညနေပင်စောင်းတော့မည်ဖြစ်သည်။အကို့ကိုကြည့်ပြီး လူတစ်ယောက်ရဲ့အသက်ကိုကယ်ခွင့်ရတယ်ဆိုတာ ဒီလိုခံစားမှုမျိုးပါလားဆိုပြီးတွေးရင်း ပြုံးမိလိုက်သည်။
"အကို.....ခုနက အကိုကဘာလို့တောင်းပန်တာလဲ....အကိုဒီလောက်ထိ မှူးအတွက်အချိန်တွေအများကြီးပေးနေတာကို ပြီးတော့ အကိုကမကောင်းမှုဒုစရိုက်တွေလုပ်နေတာလဲမဟုတ်ဘူး လူတွေအများကြီးရဲ့အသက်တွေကိုကယ်နေရတာကို........မှူးအကို့ကိုသဘောကျရတဲ့အကြောင်းအရင်းတွေထဲမှာ အကိုကဆရာ၀န်တစ်ယောက်ဖြစ်နေလို့ဆိုတဲ့ အချက်လဲပါတယ်
နောက်ဆိုအဲ့လိုမျိုးမပြောပါနဲ့"
YOU ARE READING
ကံကြမ္မာစေရာ [OC] (Completed)
RomanceStart : 19.3.2022 Finish : 30.4.2022 "အမေ အခုကျွန်တော့်ကို ၁၉နှစ်အရွယ် ကလေးသာသာကောင်မလေးနဲ့ လက်ထပ်ခိုင်းနေတာလား" "ဘုန်းမြတ်မင်းသွေး" "အကိုက မှူးကို သနားလို့ လက်ထပ်မယ် ပြောတာလား ဒါမှမဟုတ် အကို့ကို သစ္စာဖောက်ခဲ့တဲ့ မိန်းမကို စိတ်နာလို့ သူ့ကိုရွဲ့...