Unicode Version
" အခုတော့တပည့် စိတ်ကူးပြောင်းသွားပြီ...ခန္ဓာကိုယ်ချင်းလဲမဲ့အစား... တပည့်တော်ရဲ့ခန္ဓာကိုယ်နဲ့ပဲ အသက်ဆက်ရှင်ချင်တယ်... "
" အကြောင်းအရင်းက ... "
ဝေကျင့်ဟုန် သက်ပြင်းချလိုက်တယ်။
" ယွမ်အာကို ကလေးတွေနဲ့ထားခဲ့ရမှာ တပည့်တော်စိတ်မချဘူး...အရင်တုန်းကတော့ချီကျွင်းရှိတယ်ဆိုပေမဲ့ အခု ဒီလူမှာ အနှောင့်အယှက်ပရောဂတွေဝင်လာပြီ... ဒီအတိုင်း စိတ်ချလက်ချထားခဲ့လို့ မရတော့ဘူး "
" ဒါဆိုရင် အစီအရင်ကိုပြန်ပြောင်းမှဖြစ်မှာပေါ့...ကိုယ်တော်တို့တွေ အပင်ပန်းခံပြင်ဆင်ခဲ့သမျှ အလဟဿဖြစ်ခံလို့ဘယ်ရမလဲ "
ကျက်သရေဆောင်အတွင်း နောက်တဖန်တိတ်ဆိတ်သွားပြန်တယ်။ ဆရာတပည့်နှစ်ယောက်လုံး လက်ဖက်ရည်ကြမ်းကိုသာ တခွက်လုံးကုန်အောင်ထိုင်သောက်နေကြတော့အချိန်အတော်ကြာသည်အထိ စကားပြောမဲ့သူမရှိဘူး။ အချိန်တစ်နာရီခန့်ကြာတော့မှ ကျောင်းထိုင်ဆရာတော်ဘက်က စတင်လှုပ်ရှားလာတယ်။ သူ့အတွက်ပြင်ဆင်ပေးထားတဲ့ ရေနွေးကြမ်းပန်းကန်ထဲက ရေနွေးတွေကို ညာဘက်လက်ညိုးနဲ့ အသာထိတွေ့ပြီး သစ်သားစားပွဲပေါ်မှာ စာလုံးတချို့ရေးသားလိုက်တယ်။
" ရန်သူ "
ဝေကျင့်ဟုန်စာလုံးကိုတစ်ချက်လေးပဲ ကြည့်ရုံကြည့်ပြီး အသိအမှတ်ပြုရုံခေါင်းညိမ့်ပြလိုက်တယ်။ ဆရာတော်ကတော့ သူ့ရဲ့မျက်နှာအမူအရာပြောင်းလဲခြင်းရှိမရှိ အကဲခတ်နေရင်း အလေးအနက်စကားတချို့ထုတ်ပြောလာတယ်။
" သာမာန်ဆိုရင်ဝိဉာဉ်တွေက အားနည်းတတ်ပေမဲ့ တချို့အစွဲအလမ်းကြီးတဲ့ဝိဉာဉ်တွေကျတော့ လူတွေကိုသေစေနိုင်တဲ့အထိ အစွမ်းရှိကြတယ် ဒီကိစ္စကိုပေါ့ပေါ့တန်တန်သဘောထားလို့မရဘူး... "
တပည့်ဖြစ်သူက သေချာစိတ်ဝင်တစားနားထောင်နေတာမြင်တော့ ဆရာတော်လည်းသက်ပြင်းချပြီး.. မျက်လုံးစုံမှိတ်ကာအာရုံပြုလိုက်တယ်။ သူ့နူတ်ကနေ ဂါထာမန္တရားတစ်ခုကို အသက်သွင်းလိုက်တော့ ဆရာတပည့်နှစ်ယောက်ကြားထဲက လေဟာနယ်မှာ ကြေးမုံပြင် သဏ္ထန် နှစ်ဖက်မြင်ပုံရိပ်တွေဖြစ်ပေါ်လာတယ်။စက္ကန့်ပိုင်းအတွင်းမှာပဲ ကြေးမုံပြင်ရဲ့ မျက်နှာပြင်ပေါ်မှာ ဝေကျင့်ဟုန်မြင်ဖူးနေကျအရိပ်ကလေးပေါ်လာတယ်။ စုယွမ်ကို သူကိုယ်တိုင်ဆင်ပေးလိုက်တဲ့ အဖြူရောင်ရိုးရာဝတ်စုံလေးကိုဝတ်ပြီးအိပ်မောကျလျက်အနေအထားနဲ့ လေဟာနယ်ထဲမျောပါနေတာကိုမြင်လိုက်ရတော့ သူအတော်လေးစိတ်ဝင်စားသွားပြီး မျက်တောင်မခတ်စတမ်း စိုက်ကြည့်နေမိတယ်။ သူကြည့်နေစဉ်အတောအတွင်းမှာပဲ စုယွမ်အနားကို အရိပ်သဏ္ဌန် အခိုးအငွေ့တစ်ခုရောက်လာပြီး သူမကိုပွေ့ချီကာ နေရာတစ်ခုကိုခေါ်သွားတာမြင်လိုက်ရတယ်။ တိတ်ဆိတ်တဲ့တောအုပ်အလယ်က အုတ်ဂူ ဆီကိုခေါ်ဆောင်သွားပြီး ကျောက်ဖျာထက်မှာလှဲလျောင်းစေတယ်။
YOU ARE READING
Be My Summer ( Arc 2 ) : Main Story {魏 Wèi Version }
FantasyUnicode Version Be My Summer Series Novel ရဲ့ Season2 ဝေကျင့်ဟုန် Version ဖြစ်ပါတယ်။ အဓိကဇာတ်ကောင်တစ်ဦးဖြစ်တဲ့ ချောင်မင်းဟန် ပင်လယ်ကိုပြုတ်ကျပြီးတဲ့နောက်ပိုင်း ကျန်ရစ်ခဲ့ကြတဲ့ စုယွမ်၊ ဝေကျင့်ဟုန်၊ ဝေချောင်ဟန်၊ ဝေချောင်ယွမ် စတဲ့ ကာရိုက်တာဇာ...