في المغزن
رحيم كان ربط عيد علي كرسي
و كان بيرش عليه بنزين
رحيم طلع ولاعه
رحيم : قسما بالله لو مقولت كل حاجه لكون مولع فيك
عيد بعياط : هقول هقول والله يا باشا هقول .....
رحيم : صور يا عمر
عمر : ماشي
حمزه الله يحرقه زغلل عيني بالفلوس و كان يوم اسود يوم ما وفقت و خطفتها روحت ودتها لمنال اختي ... و كل شهر كنت بروح اتأكد انها كويسه
رحيم : يا حنين
عيد : لحد ما كبرت و لأنها من صغرها كانت ذكيه استوعبت أن منال مش امها ... و كان حمزه بيديني فلوس كل شهر عشان اخلي غرام عند منال
رحيم : وانت يا زباله يا حقير معندكش قلب انك تحرم ام من بنتها انت ايه
عيد : غلطه والله يا باشا غلطه اوعدك انها مش هتتكرر
رحيم : لا يا حبيبي كلامك ده ملوش معني دلوقتي
رحيم : فيصل هاتلي منال علي هنا
فيصل : حاضر
و بعدين رحيم خرج برا و عمر و نادر معاه
نادر : يعني غرام البنت اللي في المستشفى تبقى بنت عمنا
رحيم : اه
عمر : طب قول لطنط ميرال دي لو عرفت هتطير من الفرحه
رحيم : لا لا محدش يجيب سيره لحد محدش يعرف غيرنا و عاصم ... نتأكد من تحليل ال DNA 🧬 و بعدين نبقى نبلغ الكل
عاصم كان راح المستشفى و بدأ في إجراءات التحليل
كلم رحيم
رحيم : ايه يا عاصم
عاصم : نتائج التحاليل هتظهر بعد يومين
رحيم: عظيم ... احنا جبنا عيد علي مغزن الصحراوي
عاصم : وانا جي
عند غرام
بدأت تفوق
غرام : اااه يا راسي ... انا فين ... انا فينن
غرام قامت بسرعه و و فضلت تلف في الاوضه و تخبط علي الباب و فتحت الشباك لقت فيه حديد
حمزه دخل : متتعبيش نفسك يا قطه
غرام بعصبية : انا عملتلك ايه انت عايز مني ايه
حمزه : عايزه أحرق قلب صقر عليكي يا روري
غرام: و مال عيله صقر و مالي
حمزه : هو محد قالك ولا أيه ... مش انتي تبقى حفيدتهم المخطوفه ... وانا اللي كنت خاطفك
غرام بدأت تضرب فيه : انت ايه انت معندكش قلب ولا ضمير ... انت بتعبد ايه يا اخي انت بتعبد كرسي
حمزه ضحك : لا دمك شربات حتي وانتي مخطوفه
غرام تفت فوشه : انت مقرف ... اطلع برااا
حمزه شدها عليه :ليه كده بس يا روري ده انا ناوي امتعك
غرام زقته: ابعد يا سافل يا قليل الادب انت
حمزه ابتسم : هو انتي لسه شفتي سفاله السفاله لسه جايه في الطريق ... بس هسيبك انهارده عشان لسه ضيفه تاخدي علي المكان .
و سبها و خرج
و قفل الباب
غرام بزعيق : لو راجل حاول بس قرب مني وانا اوريك مين غرام
غرام قعدت علي الارض و بدأت تفكر في كلام حمزه
عقلها : يعني ايه يعني أنا حفيده عيله صقر ... طب هما اتخلصوا عني ليه ... لا لا متخلوش الحيوان اللي برا ده اللي خطفني ... طب انا ذنبي ايه انا عملت ايه عشان يخطفني ... هو انا ليه بيحصل معايا كل ده هو انا وحشه للدرجه دي من صغري وانا بعاني ... ليه يارب ليه بيحصل معايا كده
قلبها : استغفر الله يا غرام متقوليش ليه ... ده قدر و بعدين الله اذا احب عبدا ابتلاه ..
