في غرفه ميرال
ميرال : قولي يا غرام و انا اوعدك اني مش هقول لحد
غرام : صدقيني مفيش حاجه
ميرال : متاكده
غرام: اه يا حبيبتي
ميرال : عايزاكي تعرفي اني دايما موجوده يا روحي لو عايزه حاجه او عايزه تتكلمي
غرام حضنتها : ماشي
بعدين خرجت و نزلت الجنينه و فضلت تتمشي لحد موصلت عن اسطبل الاحصنه
و راحت عند حصان اسمه غرام
غرام : اسمك غرام زي ... و ياترى بقى عندك نفسك مشاكلي بقى
اسر من ورا : صعبانه عليا انتي يا غرام
غرام لفت : دكتور اسر
اسر : دكتور اسر ايه بس مش بقينا ولاد عم يبقى اسر بس
غرام : ممم....عايز حاجه
اسر : عايز اخرجك من المصيبه اللي انتي فيها
غرام بتوتر : مصيبه ايه انا مش في مصيبه ولا حاجه .. عن ازنك
و جت تمشي ض
اسر : و بالنسبه للفيديو ده مش مصيبه
غرام وقفت و ضربات قلبها بدأت تزيد
اسر : انا عارف ان مش انتي اللي في الفيديو
غرام : بجد عرفت منين ... طب ممكن تساعدني ارجوك
اسر ابتسم : الفيديو مش هيبقى مع حد غيرك و هتمسحيه بايدك بس بشرط
غرام بتسرع: موافقه
اسر : مش لما تعرفي ايه الشرط الأول ...
غرام : ايه
اسر : اتجوزك
غرام : ايه تتجوز مين !! تتجوزني انا !!
اسر : اه و هسيبك تفكري لحد بكرا لما اكلم جدي و عمي جاسر و الكلام هيبقى قدام الكل و ساعتها هتقدري تقولي ردك
غرام : انت مجنون يا جدع انت انا استحاله اتجوزك
اسر : ليه بتحبي حد تاني ولا ايه
غرام بتوتر: ولا تاني ولا تالت ... و موضوع الجواز ده شيله من دماغك خالص سامع
اسر :انا مش عايز اسمع ردك دلوقتي يا حبيبتي بكرا أن شاء الله و خليكي فاكره أن هيبقى ناقص يومين بس والفيديو يبقى ف ايد مصر كلها هو مش هيتنشر بس ده هيتبعت للناس كلها و أولهم ميرال امك اللي هتكرهك و تتمنى انك تكوني موتي بدل ماشوفك في الفيديو كده
غرام مسكت اسر من تشيرته : انت انسان حقير بقولك ساعدني تقوم ماسكني من دراعي اللي بيوجعني
اسر شال لديها و قربها منه: ده انا حتي غرضي شريف يا حبيبتي انا عايز اتجوزك و لو كنت عايز اخد حاجه تاني كنت خدتها
غرام زقته و ضربته بالقلم : انت زباله لا الزباله تزعل لو قولت عليك كده
وسابته و مشيت
أسر تليفونه رن
اسر : ايه يا سيف
سيف : عملت ايه
اسر : كله تحت السيطره يا نجم بدأت بعمر ... و عملت حاجه هتخلصنا من رحيم بشكل مؤقت كده عقبال ما نفكر له فحاجه علي مقاسه كده
سيف : هببت ايه
اسر : عرضت علي غرام الجواز مقابل اني امسح الفيديو و هي كده كده هتوافق و مش كده الفكره أن رحيم شكله حبها و لما غرام توافق رحيم هيتقهر أن البنت اللي حبها هتتحوز اكتر حد بيكره ... فهيبدا بقى ينعزل و يدخل في عالم الاكتئاب بتاعه يعض بقى يرسم و يقعد مع صقره و ميكلمش حد و بكده نكون خلصنا منه بشكل مؤقت و في الوقت ده الكل هيكون كره غرام عشان اتجوزتني و بكده نكون ابتديتا نفرق العيله بجد
سيف : كويس اوي يا اسر
