بعد ما غرام عرفت أن نهله كمان بقت مع سيف ضدها فضلت تعيط في صمت لحد ما نامت
صحيت الصبح لقت رحيم بيلبس
رحيم : صباح الخير
غرام : صباح النور
رحيم : عينك وارمه كده ليه انتي كنتي بتعيطي
غرام : لا عشان كنت سهرانه علي الموبايل امبارح و نمت
بعدين دخلت التويلت غسلت وشها و اتوضت
خرجت لبست و كان رحيم جهز
و كانت غرام عكس عادتها بتصحي بتضحك حتي لو اليوم وحش ... بس كانا مكشره
رحيم : مالك يا غرام
غرام : مفيش عادي
رحيم : لا مش عادي مكشره ليه ده حتي احنا رايحين نقابل الدكتور و شركه الادويه اللي شافت الكريم بتاعك مش مبسوطه
غرام : لا مبسوطه
رحيم مسك ايد غرام : انتي لسه زعلانه
غرام : لا والله مش زعلانه ولا حاجه
رحيم : طب فيه
غرام و هي بتوه : يلا ننزل نفطر عشان جعانه
رحيم : يلا بس هعرف بردوا ماليك د
المهم نزلوا و بعدين راحوا
و الاجتماع بدأ مع شركه الادويه و الشركه عرضت علي غرام انها تشتري الكريم بسعر كبير اوي لدرجه ان رحيم اتفاجأ من السعر
بس غرام رفضت لان لو كانت وافقت كانت الشركه هتنسب الكريم ليها بعد ما تشتريه
و غرام قالت لهم أن هي هتمضي معاهم عقد بأنهم يبيعوا المنتج و المنتج يبقى منسوب للشركه و غرام و هي تاخد خمسين في المئه من المكسب ... و الشركه وافقت
رحيم : بس عجبتيني يا غرام اي حد مكانك كان المبلغ هيزغلل عينه و هيوافق
غرام : اه
رحيم: ايه اللي مزعلك من الصبح
غرام : مفيش بس مودي انهارده مش احسن حاجه
رحيم : ليه ايه اللي حصل
غرام : ممكن اسئلك سؤال
رحيم : اسألي
غرام : انت ازاي اتعاملت مع غدر اسر مع أنه كان أقرب شخص ليك
رحيم : بعت عن كل حاجه حسيت أن كل الدنيا اسودت و بالذات انا كنت صغير شبه دخلت فاكتئاب و مكنتش بقبل اي علاج للاكتئاب أو حتي لدراعي ... و بعدين فيوم طلعت رحله صيد مع جدي و لقيت هناك صقر ... و خدته و ربيته و ابتديت أخرج من حاله الاكتئاب و عرفت أن مش كل الناس زي اسر مش كل الناس وحشه يعني صوابعك مش زي بعضها ... بعدين عاصم ابتدى يقرب مني و بقينا صحاب
غرام : طب ازاي وثقت ف عاصم بعد اللي اسر عمله
رحيم : مش عارف .... بتسألي ليه يا غرام
غرام : امبارح كنت بتكلم نهله ... و كنت حاسه بحاجه غريبه مكنتش عايزه احكيلها حاجه زي كل مره ... بعدين قفلت و فتحت اللابتوب عشان اشوف لو فيه مكالمات جديده بين اسر و سيف و عرفت أن سيف خلى نهله
(و حكت له )
غرام بدأت تعيط : انا حاسه اني خسرت كل حاجه يا رحيم
رحيم حضنها : متعيطيش يا غرام انا هجبلك حقك منها نخليها تبوس رجلك يا غرام و ...
غرام قطعته : بس انا مش عايزه أذيها يا رحيم
رحيم : يعني ايه يعني هي تاذيكي و عايزه تخلص منك وانتي لا
غرام : انا عايزه أبعدها عني و اخليها تندم بس من غير أذى يا رحيم تعبت من الاذي اوي
رحيم : طب اهدي و تعالي نروح الفندق و نفكر سوا ماشي
غرام مسحت دموعها: ماشي
