Aking Mahal
by: wilmapark_
Ang iyong kapakanan ay una
Ipaglalaban ka, kahit ang iba ay suko na
Hangad nila para sayo ay sakuna
Hindi ako papayag, teka muna
Sa iyong paligid ay puno ng manloloko
Iyong likas na yaman ay nais isako
Ika'y paulit-ulit na sumisigaw ng ayoko
Tahan na, andito ako, hindi kita isusuko
Mga taong nanakit sa'yo ay hindi inasahan
Para kang naging bola kung pagpasa-pasahan
Sarili mong mga anak, sila pa ang nagpustahan
Mismong buhay mo ay kanilang isinangkalan
Kaya naman musmos mong mga anak, ang mga kabataan...
Sila ngayo'y nanganganib mawalan ng kinabukasan
Ikaw ay patuloy na ginawang basahan ng karamihan
Ang iyong puri ay paulit-ulit na ginawang katatawanan
Ikaw ay lubos na nasaktan, paulit-ulit pa, pero halika at tumahan
Sapagkat hindi ka namin papabayaan, ikaw ay ipaglalaban
Pilipinas, aking mahal, tunay man na kay hirap mong ipaglaban
Pero kailanman, makaka-asa kang ikaw ay hindi susukuan...
• • •
05|09|22
For Philippines, my beloved country. May this election be in favor of no one but you.
