هوولآ!
عزيزي القارئ،
أهلا فيك بـ وَتين...
الروايه اللي بتخليك تستوعب كثير اشياء كنت جاهلها لنفسك، ما بتكون روايه، بتكون واقع تعيشه مع شخصياته...
خلينا نتعمق بالقصه،
العلاقات بشتى انواعها فيها المُضر و فيها الصحي وفيها اللي تعلقك، و اكيد اسوء نوع اللي ترفعك لسابع سماء و تخليك متطمن.. لين ما ينخسف فيك لسابع قاع.
بتحس بتجربتك هذي انك مسموع، انك ما عشت هالمشاعر وحدك.. فيها اشخاص يشاركونك تفاصيل هالالم، و ناس تشاركهم حياتهم.
نبدأ بالشخصيات ؟
- بـندر : الاب المُحب، و العقليه البدويه البحّته. قاسي، و فيه دفاشه باسلوبه.. لكن ان احتجت له لقيته جنبك. عمره ٣٢ سنه يشتغل رائد بالشرطه، و عنده ولد. شعره بُني، و كذلك عيونه المسحوبه. ذقنه كثيف و مرتب و خشمه مسلول. لونه فيه سمار خفيف.. مايل على الحنطيه اكثر و جسمه رياضي و متناسق كثير و يهتم لنفسه و اكله.
- سـالم : أبوهم بالشله.. مع انه اصغر من بندر، الا ان شخصيته الحنونه عطته اولويه انه يهتم فيهم كلهم. الاخ الاكبر بين صبيين.. و عمره ٣٠. يشتغل ملازم اول بالشرطه.. مع بندر. انسان مرتاح، ما يجامل و لا يتعب نفسه واضح و صريح. فيه سمار.. لانه يصبغ تان كثير، رموشه كثيفه و سوده، اول ما يجذبك فيه.. لدرجه تحس انه متكحل.، و عيونه مو سوده ١٠٠٪.. فيهم لمحه رمادي.
- فـهد : لونه حنطي، لكن مايل على البياض اكثر.. شنبه كثيف و شعره كذلك. فيه غمازه بحنكه، و شفايفه مزمومه وورديه. عيونه تخليك تخاف من حدتهم، لكن ابتسامته تطمنك و تقربك منه. عمره ٢٦ سنه، يشتغل مُسعف. معضل، لكنه ما يهتم لجسمه كثير، ساكن بشقه لحاله، و الاخ الوحيد بين ٦ بنات.
- نواف : ولد عم فهد .. اللعوب بالشله. يحب يلعب و يجدد علاقاته و نادر ما يثبت على علاقه اكثر من شهرين. و للامانه ملامحه مساعدته يلعب و يكسب قلوب. شعره متموج و لونه بُني غامق. عيونه واسعه و رموشه طويله. لحيته خفيفه و مبعثره، معطيته منظر حاد. جسمه عادي، مشدود، ساكن مع فهد، و هو الاخ الرابع من بين ٦ بنات و صبيان. عمره ٢٣ و هو في السنه الماقبل الاخيره بدراسته، اداره اعمال.
- تركي: ولد خاله فهد، و تنطبق عليه مقوله ياما تحت السواهي دواهي. يعطيك المنظر البريئ.. لكن تصرفاته ابداً مو بريئه. شعره يعتبر مبعثر كون ان قذلته توصل لاخر خشمه المرفوع. شفايفه مليانه و معطيته منظر طفولي اكثر، عنده غمازتين واضحين. عمره ٢٢ و يدرس تمريض.
- عـبدالله : عصبي، لكنه حنون لدرجه تخليك تقشعر. شعره اسود ناعم،بس محلقه خفيف، و مخففه من الاجناب. حواجبه كثيفه و عيونه صغيره. منظره حاد، لكنه يجذبك. مركب تقويم، وفيه شنب خفيف. وحيد امه و ابوه، عمره ١٩ و داخل هندسه.
- عـذبي : الاخ الاصغر لسالم.. عذبي شخصيه تحيرك. بين المشاكل و بين الهدوء تلقاه. هادي بطبعه، لكنه مو هادي لدرجه تقول عنه مؤدب و على نياته.. لا يلتزم الصمت بكثير من المواقف، لكن ما يخاف انه يتكلم. عيونه ناعسه، و رموشه كثيفه و طويله لدرجه انه اذا غمض رموشه توصل لبدايه خده. عيونه لونهم بين الاسود و الرمادي. فكه حاد، و مجوف، شفايفه مزمومه، و حواجبه كثيفين. شعره يعتبر نوعاً ما كيرلي، لكنه يميل للناعم اكثر. عمره ١٨ و تخصصه طب.
- مبـارك: ولد بندر، صاحب الثمان سنوات. ملامحه شقراء، من بدايه شعره المايل للاشقر لين عيونه الخضرا، و بشرته الورديه. خشمه مرفوع و ملامحه ناعمه. ما يعرف بهالدنيا الا ابوه، متعلق فيه بشكل يخوف.
*
اتمنى انك استمعت بوصف شخصياتنا عزيزي القارئ.. لانك الحين صرت جزء من حياتهم.
كونوا بخير،
كل الحب،
بلّو.
ВЫ ЧИТАЕТЕ
وَتين
Любовные романы"تعرف معنى الوَتين اصلا؟" سأله و هو يسحب اخر نفس من زقارته قبل ما يرميها على الارض و يدوس عليها. * "أنت وتيني." اعترف بين دموع انسكبت من ضعف نفسه و قوه شعوره، بكل اختصار كان واقف قدام اكثر شخص خلاه يستوعب الحب. * قصه عاميه، عن قيز او مثليين. فيها أش...
