#عقد_البنات
البارت الواحد والثمانون
للكاتبة لبنى الموسوي
لتنسوون (التصويت + التفاعل) حتى يتنشط الحساب فضلاً وليس امراً حبايب قلبي .
متابعة ممتعة 💛
في قانوني ، نِسيانُكِ يُعَدُ جَريمةً يُعاقب عليها بالموتِ بينَ تأنيبِ ضمير الحاضر و الحنين لـ ذكرياتِ الماضي
فَـ لا حياةَ لـ من سَعى لـ نسيانِ الحياة . ✍🏻
________
عشق.. بعد توني دا أتسمع ليش ما الحظ طلع خواتي اثنينهن بـ نفس اللحظة عود فرحانة مشغولات ينظفن بالكاونتر
نبض.. عزة شدتسوين والله عيب عليچ
عشق.. اشششش سدي حلگچ وانجبي العيب عليَّ لحد يتدخل ويلا ولن مناية خليني أسمع شديحچون
ورد.. وهذه شـ عدها جايتنا بنص هالهوسة شنو ابتلينا گعدنا يمهم راح نظل خري مري والله يا ربي
عشق.. يبوووو راح انجلط والنبي ، شلون اعرف شتريد وانتن فوگ راسي ولن الخاطر الله ووووولن
ورد.. عود احچيلنا شيصير لو تردين نجي نتسمع وياچ
عشق.. اي على صماخي توگفون مگاعد تشوفين المكان شگدوته ، روحن ولن واني احچيلچن والنبي
ورد.. راح اصدگچ لأن حلفتي بس ديري بالچ تلعبين بذيلچ ترى والله اگصه وأشمره للحوحو الساكن بـ صفنا
نبض.. أدب سززز متستحين إلا أفتن الـ ماما بسيطة
عشق.. رفعت زوج النعال تكرمون من رجلي كل وحدة ضربتها بـ واحد ، ضحكن وراحن للمطبخ يركضن
رجعت لـ باب الغرفة حطيت إذني همزين توهم بادين بالحديث يعني ما فاتني شي ..
عطاء.. ليش هالسيرة وعلى شنو هالمقدمات مگاعد أفهم عليچ ترى كل شي حچيتيه هسه صار ماضي وانتهى
نيزك.. عندچ عطاء بس عند ناصر ينتهي هوَ ومتنتهين من گلبه واتصور تعرفين هالشي مـ يحتاج احچيلچ
عطاء.. والمطلوب ؟! إذا متضايقة من گعدتي هنا هسه اطلع والچ عليَّ ما اجيب سيرتچ گدامه ابد حتى لتگولين اجت تخرب حياتي وتروح
نيزك.. فهمتيني غلط ، اني مو من هالنوع عيني وأعتقد العشرة القليلة الصارت بيناتنا انطتچ صورة ولو مبسطة عن شخصيتي وتفكيري
عطاء.. اعرف دادا والنعم منچ ومن أخلاقچ بس اسفة يعني هالكلام الجايتني بيه ماله تفسير غير هالشي
نيزك.. لا اله خية بس يمكن مـ متصورة راح يطلع مني بيوم من الأيام وبعد هالعمر هذا
عطاء.. يا ستار يا رب احچي من الأخير شنو قصدچ
نيزك.. وصلتي يمكن ، اي اني جاية بـ نفسي حتى أطلب إيدچ لـ رجلي ومن گلب راضي صدگيني لا أكو واحد جابرني ولا اني الضاغطة على نفسي حتى اجي واحچي وياچ بالعكس هالقرار كان المفروض من زمان أتخذه بس الظروف حكمت شـ نسوي
YOU ARE READING
عقد البنات
Historical Fictionلبوةٌ وثلاث صغيرات .. هُنَّ لها وطنًا جميل وهيَّ لهنَّ معنى الأمان يعيشنَّ في بئرٍ من الحرمان معَ ذلكَ الذي يُدعى أب ولكنهُ في المكرِ ذئب فَـ متى يُطلق لهنَّ العنان ؟!!....
