الطريق الي الجحيم (منقذتي)

مهمه جديدة

جلست الفتيات بهدوء ينتظرن ان يتحدث اللواء فتحدث بعد صمت دام لعدت دقائق 
اللواء:في مهمه جديده عن مافيه عالميه زعيمها روسي واسمه(ليوناردو ماريديو) واسم المافيا (Kings Of Hell)(ملوك الجحيم) المافيا دي من اخطر المافيا في العالم ودا لان الزعيم ليوناردو دا كان الدراع اليمين ل (ليفاندوفسكي لازاري ) ودا اللي يعتبر ملك ملوك المافيا مكنش فيه حد ينده في عالم المافيا دا بس هو قدر يخونه وكون عصابه تانيه مع بعض الاشخاص وللاسف لانه من الدائرة الذهبية هو وليفاندوفسكي ف محدش يقدر يصفي التاني
تسابيح :اه واحنا ايه مهمتنا
اللواء :في صفقة كبيره هتتعمل دي بتتعمل كل سنه مع بلد شكل والسنه دي هتتعمل في مصر الصفقة عباره مخدرات واسلحة واعضاء وكل الفساد اللي ممكن تتخيله في الصفقه دي ف لو موقفنهاش يعتبر مصر ضاعت المطلوب ان احنا بتعاون مع مخابرات مصريه وعالمية ان احنا نوقف الصفقه دي ونقبض عليهم
جنة :طب وهما هيتحكم عليهم في مصر
اللواء :لا احنا هنقبض عليهم وهنسلمهم لمحكمة العدل العالميه اللي هي مسؤوله عن حفظ السلام والامن في العالم
كانت رحمة شارده ولم تتحدث نظروا لها بستغراب ولم يتحدث احد
خرجت من شرودها علي صوت شروق: طب والمهم دي هتبدأ امتي
اللواء: بعد ما الفرقه الاجنبيه توصل 
خرجت رحمه من المبني وحاولت الفتيات اللحاق بها لكنها لم تستمع لهم وذهبت الي السياره وركبت ثم ذهبت بالسياره واوقفتها في المقابر وجلست تبكي عند احد القبور وتحدث نفسها
رحمه وهي تبكي:ليه؟ ليه كل ما احاول انسي حد يجي ويفكرني؟ ليه كل دا بيحصل معايه انا؟ ليه؟ وحتي لو محدش جه وفكرني انا هنسي مثلا؟ عمري مانسيت ولا هنسي الي حصل  5سنين عدوا بس لسه منستش ولا هنسي. كل حاجة حصلت قدام عيني  ازي هنسي ؟ انسي ايه ولا ايه ؟ انسي اكتر شخص كنت برتاح معاه ؟ انسي عشرة عمري ؟انسي اغلي شخص في حياتي؟ طب ازاي؟ حاولت بس معرفتش
حولت والله حولت بس... بس معرفتش كل حاجه بتفكرني كل مكان روحناه كل حاجه عملناها مع بعض فجأة كل حاجه اتغيرت والدنيا الملونه بقت سوده زي لون لبس العزا بتاعك كل حاجه ضاعت في ثانيه حياتنا احلمنا كله ضاع فجأة القدر اخدك مني ف لحظه ياريت كنت مت قبلك مسحت دموعها ثم جلست تقرأ القرأن وبعد مده وقفت وازالت التراب من ملابسها
رحمه: هنتقم من اللي كانوا السبب في موتك هشوفهم بيدمروا قدام عيني ساعتها بس ممكن اموت مرتاحه ربنا يرحمك يارب لسه محافظه علي الوعد اللي وعدتهولك...... مهما كنت حزينه ومكسوره مابينش لحد وافضل اضحك واخفف عن الناس الزعلانة بس انا محتاجه لحد يخفف عني لاني تعبت والله العظيم تعبت اوي من غيرك ذهبت وركبت السياره ولكن الروئيه غير واضحه اماماه من البكاء وفجاء تدفقت ذكري اسوء يوم بنسبة لها كأنها تري فيلم امامها
                  عند ياسين
وصل الي وجهته المحددة ثم هبط من السيارة ودخل مبني المخابرات فوجد اصدقائه في انتظارة فذهب له الشباب ورحبوا به تحدث احد اصدقائه ووجد صديقه احمد كالعاده يأكل
احمد: ايه ياعم يعني مش باين
نظر له ياسين بغباء :انت ياض هو مش كنا مع بعض كلنا اول امبارح
جاسر :سيبك منه يا سينو عيل عبيط
ياسين :عارف ياكلب انت لو مابطلتش سينو دي لاحطك انت واسر علي بعض و اولع فيكم
مراد ببرود: يلا اتأخرنا
عمر بسخريه: يلا يا شباب بدل ما التلاجه تزعل اقصد مراد يزعل 
دلفوا وادوا التحيه العسكرية ثم جلسوا
ياسين نعم يا فندم حضرتك طلبتنا
اللواء:بصوا ياشباب في مهمه جديده عن مافيه عالميه زعيمها روسي واسمه(ليوناردو ماريديو) واسم المافيا (Kings Of Hell)(ملوك الجحيم) المافيا دي من اخطر المافيا في العالم ودا لان الزعيم ليوناردو دا كان الدراع اليمين ل (ليفاندوفسكي لازاري ) ودا اللي يعتبر ملك ملوك المافيا مكنش فيه حد ينده في عالم المافيا دا بس هو قدر يخونه وكون عصابه تانيه مع بعض الاشخاص وللاسف لانه من الدائرة الذهبية هو وليفاندوفسكي ف محدش يقدر يصفي التاني 
في صفقة كبيره هتتعمل الصفقه دي بتتعمل كل سنه مع بلد شكل والسنه دي هتتعمل في مصر الصفقة عباره مخدرات واسلحة واعضاء وكل الفساد اللي ممكن تتخيله في الصفقه دي ف لو موقفنهاش يعتبر مصر ضاعت المطلوب ان احنا بتعاون مع مخابرات مصريه وعالمية ان احنا نوقف الصفقه دي ونقبض عليهم  احنا هنقبض عليهم وهنسلمهم لمحكمة العدل  العالميه اللي هي مسؤوله عن حفظ السلام والامن في العالم
ياسين: تمام جداً بس لية منكنش لوحدنا زي باقي المهمات
اللواء : دا لان دي عمليه مش زي باقي المهمات وحاجة كمان زين اخو مراد هيكون معاكم هو اللي هيتكفل ب علاجكم وكدا لو حد اتصاب لإن زين دكتور شاطر جداً وفي نفس الوقت شب يعني مش راجل كبير ممكن تشيله همه لا هو يقدر يشيل هم نفسه وكمان بنت عمه لانها بنت علشان لو فيه وحدة من البنات اتصابت هي اللي تعالجها احسن
                  عند روان
نظرت خلفها وجدت شاب وسيم ينظر لها ويبتسم نظرت له من اعلي الي اسفل وقالت بداخلها :ناس نضيفه في المدرسة دي غريبه ثم نظرت له وتحدثت بلهجه حاده ؛نعم
الشاب ببتسامه :اصل انتي كنتي قاعده تقولي اني قمر وكدا فابقولك انا عارف اني قمر
نظرت له روان بستغراب :انا كلمتك ياعم انت ولا انت جاي ترمي بلاك علينا
نظر لها الشاب بستغراب :ارمي بلايا عليكي
روان بتأكيد :اه بترمي بلاك واخلص علشان مش فاضيه للكلوك الكتير بتاعك
جائت المديره من الخلف :في ايه يامس روان بتزعقي ليه
روان: الاخ دا جاي يستعبط هنا
نظرت لها المديرة بصدمه ثم تحدثت الي الشاب برتباك: مم مع لش يافندم اصلها جديدة ولسه متعرفش حد هنا
نظرت لها روان بغضب؛ انتي بتعتذري ليه انا مش غلطانه هو اللي جاي يستظرف وبيعطل الحصة بتعتي وكمان بتعتذري
المديرة: الاستاذ اسر بيه الشافعي يا مس روان نظرت له روان بستهزاء فأكملت المديره :صاحب المدرسة دي وكان بيعمل المرور الشهري علي المدرسة نظرت له روان ببلاها وقالت بداخلها: علشان لما اقول اني حظي في رجل سحليه ارمله تبقي ماما تصدق وبتقولي مش بتعمري فمكان ليه علشان حظيي المهبب دا 
روان: احمم حضرتك انا مكنتش اعرف بس هو جه وقاطع الحصه بشكل مش لطيف خالص خلاني اتعصب بس كدا
نظر لها اسر بستمتاع وهي تنظر له بغضب: تمام يا انسه روان
روان بتعديل مع بسمه سمجه: مس روان بلييز
اسر وهو ينظر علي لوح الكتابه :امم طيب يامس روان فين الدرس اللي المفروض هتشرحيه
روان بعمليه؛ كنت لسه هشرح قبل ماحضرتك تدخل الدرس هو المضارع المشتق بدأت هي الشرح وهو يستمع لها ويرى الطلاب ومن ثم رفع احد الطلاب يسألها سؤال فأجابته بكل ثقه في معلوماتها وبعد الانتهاء من الشرح
اسر :حد عنده سؤال تاني او حاجه مش مفهومه قبل ما اسألكم انا 
نظرت له المديرة بقلق فمعروف عن هذا الفصل انه لا يفقه شيئ
هز الجميع رأسه بلا فطرح سؤال فاغمضت المديره عينها من الخوف فلم ترى ان اغلب الطلاب رفعوا ايديهم لكي يجاوبوا فختار اسر الفتى احمد الذي كان يبتسم للفتاة اما روان اخذت تولول في بالها لانها تظن انه لن يعرف الاجابه
روان :مالقتش غير دا هو دا كان فاضي اساساً علشان يجاوب كان بيعاكس في البت الحصه كلها انا هطرد انهارده فاقت من شرودها علي تصفيق الطلاب لاحمد الذي كان يبتسم بفخر اما المديرة فنظرت لروان بسعاده اما اسر فنظر للجميع بستغراب من الفرحة الباديه علي وجوههم وكأنه قام (بفتح فلسطين ) وليس مجرد انه اجاب اجابه عاديه اخذ يسأل الطلاب وهم يجاوبون بحماس شديد بعد فتره نظر لروان :تمام يامس روان احسنتي فعلاً ان دا اول يوم ليكي وعملتي انجاز عظيم مع الفصل دا الصراحة ليكي عندي جايزة علي اجتهادك دا
روان بعمليه: متشكره لحضرتك يافندم عن اذنكم الحصه خلصت ورايه حصه تانيه وذهبت الي الصف الاخر  
               عند رحمة
عادت رحمة الي المنزل ودخلت الي غرفتها من دون ان تحدث احد علي غير العاده فرأتها امها واستغربت هذه الحاله
الام بحنان:مالك ياحبيبتي
رحمة:مفيش ياماما بس تعبانه شويه في مهمه جديده وصعبه شويه بس
الام:طب يلا علشان تاكلي
رحمة:لايا ماما مليش نفس انا بس عايزه انام
الام:طب كلي وبعدين نامي
رحمة:لا مش قادره
الام:مالك ياحببتي ايه اللي مضيقك
رحمة:مفيش حاجة انا بس تعبانه شوية وعايزه انام
الام:طب انا طالعه وانتي نامي برحتك
رحمة:ماشي تصبحي علي خير
الام:وانتي من اهل الخير
                عند ياسين
احمد:طب ايه المهمه دي حاسس انها غريبه
جاسر:ليه يعني هي اول مره ولا اول مره وبعدين متنساش احنا مين احنا {  Black Panther} {الفهود السوداء}
ياسين:احمد معاه حق انا كمان حاسس ان في حاجه غريبه هتحصل
مراد:يمكن علشان هنشتغل مع حد تاني احنا طول عمرنا بنشتغل لوحدنا
عمر:ايوه بقي وهنشوف المزز الاجنبيه بقي
ياسين:تصدق بالله انت عيل حيوان احنا في ايه وهو في اية
احمد :ياسين سيب الواد ف حاله اشقط ياحبيبي اللي انتي عايزها واللي يكلمك هفرمولك