❤قصة_عشق❤

02

الحلقة 2: هي تايها هکاک تشوف معاه حتی جا طبيب عندها الطبيب: مدموزال سوسن امک راهي لباس درک تقدر تشوفيها سوسن : دکتور ممکن تشرحلي الحالة تعها ( مقلتلکمش سوسن تدرس طب) الطبيب: جاتها سکتة قلبية خفيفة بسبب تأخرک فالدوا المرة هادي جات سلامات مي المرة الجاية ممکن متلحقيهاش ليوم راح نحکموها عندها حتی يستقر وضعها وبعد 24 ساعة تقدري تخرجيها سوسن : مغسي دکتور راحت سوسن عند امها تطمن عليها لقاتها راقدة کيف الملايکة قعدت قدامها وبدات تبکي دموعها محبستش سوسن : ماما سامحيني والله ما قصدي نطول عليک فالدوا والله کنت تاعبة بزاف وداتني عيني سامحيني ماما وحطت راسها علی يد مها حتی هزها نوم ومفاقتش مع روحها وصلت وقت باش يبدلو لام سوسن السيروم جات لفرملية لقاتها راقدة نوضتها بالشوية الممرضة: مادموزال معليش تنوضي شوية باش نبدل لامک السيروم سوسن : اوک سامحيني اذا عطلتک الممرضة : لا معليش خودي راحتک خرجت الفرملية وخرجت وراها سوسن وهي هابطة فالدروج ومهبطا راسها تخبطت في حيط ماش حيط تاع الصح هههه تخبطت في واحد لجان طويل بوقوص يهبل کانت راح تبدی تعيط کي طلعت راسها وشافت معاه غرقت في عينيه الخضر سوسن : سامحني خويا الطفل: لا معليش مادموزال نتي سامحيني تبسم معاها ومشا هذيک تبسيمة هزتها لسابع سما مي هي ماش فاهمة علاش تککات هکاک وعلاه حست بهذاک الاحساس کي شافت معاه کملت طريقها وراحت لفوايي تاع السبيطار باش تشري حاجة تاکلها مصباح مکلاتش کملت مکلتها وطلعت عند مها فوتو هذاک النهار فالسبطار وسوسن راحولها لي td وراحتلها الخدمة تاع ليوم من جيهة خلاف هذاک الطفل اسمو اياد هو استاذ تاع سبور في ثانوية في عمرو 26 سنة من عائلة عريقة عايش مع مو وبباه عندو اخت کبيرة عليه مزوجة في فرنسا وخوه قل منو يقری طب وحد النهار کان يدرب فالتلاميذ تاعو طاحت عليه طاقة دخل الزجاج في يدو تجرحت يدو راح عند طبيبة تاع المدرسة لقمتلو لجرح ونحاتلو زجاج مي هي متقدرش تخيطو والجرح تاعو کبير الطبيبة : مسيو اياد من الاحسن تروح لسبيطار تخيط يدک اياد : مغسي دکتورة راح اياد لسبيطار بيدو مجروحة والدم يسيح فات لي زيغجونس نضفولو لجرح وخيطولو يدو وهو خارج تخبطت فيه پحد الطفلة طلعت راسها شافو مع بعضهم طلبت منو السماح وکل واحد مشی في طريقو اياد يمشي ويحکي مع روحو : واش هذي الزلة کون دريت راح نلقی زلات کيما هکا فالسبيطار اني دربت يدي هذاک العام ههه والله مهبول مي عينيها معمرين بدموع ووجها صفر بلاک عندها مريض لهنا وهنا کان لقاء اياد وسوسن لقاء غير عادي فالسبيطار عنوان لحکاية غير عادية حکاية اياد وسوسن ......يتبع بعد 5 جام ...مانقعدش ساهرة وحدي اوك