❤قصة_عشق❤

10

الحلقة 10 :بقا يشوف معاها من بعيد حب يروح عندها ومبعد بطل
هز تيليفونو کتب مساج وبعتهولها
شافت تلفون لقاتو مساج من عند اياد : جيت تهبلي ديتيلي قلبي وعقلي
هي حمارت وملقاتش وين تحط وجها من الحشمة ردتلو مساج قاتلو عينيک لملاح مي انت منين شفتني ههه
عاود ردلها شفتک وانت خارجة مع طاطا مريم ديجا درک نجي نهزکم محال نخلي قمرة کيفک تمشي وحدها
هک شوية تلقاه يصوني عليهم
اياد: مساء الخير طاطا مساء الخير سوسن
مريم مساء الخير وليدي
سوسن مساء الخير اياد
اياد : اطلعو نوصلکم في طريقي
مريم : لالا خلي برک ولدي منتعبوکش معانا
اياد : کون متطلعوش نتغشش منک طاطا
مريم : ههه اوک انا طالعين
رکبت مريم من القدم وسوسن منلورا طريق کامل وهو يخزر معاها فتروفيزور وهي من الحشمة راسها مطلعتوش
اياد : وين رايحين
مريم : رايحين عند مسيو نجيب عرضونا لعشا
اياد : اا اوک بصحتکم
مريم : الله يسلمک
اياد : عندو ولادو ذکورة
سوسن : لا عندو زوج بنات برک
اياد : اا اوک
وصلو لدار نزلو ودعو اياد هو راح روح وهوما دخلو لدار سلمو عليهم رحبو بيهم اجمل ترحيب فرحو بيهم بزاف خاصة احلام تعشاو وکي کملو قعدو فالصالون تناقشو فالقضية سهرو قصرو جا وقت يروحو مي مسيو نجيب حلفلهم باش يباتو سوسن داتها احلام تبات معاها ومريم رقدت هي ومدام زهرة ام احلام فبيت تاع الضياف
احلام: اهه احکيلي واش درتي فيها مع اياد
سوسن : ههه کون نحکيلک تموتي ضحک علابلک بلي هو لي وصلنا ههه
احلام : سيبا فغي هههع احکي شوقتيني
بدات سوسن تحکي واحلام تضحک عليها
سوسن : علبالک بلي يعجبني بزاف ريحتو تقتل تديک لعالم خلاف وحضنو دوخني وهزني لسابع سما
احلام : اممم صحبت تعشق هههه
هکا شوية وصل سوسن مساج
احلام : هذا حبيب القلب هههه اقراي واش کتبلک
سوسن : هههه جدبة شوفي واش قال
يازهرة الاقحوان وياقطرة الندی ياقمرا انار قلبي ثم دربي هل تقبلين حبي.