❤قصة_عشق❤

04

الحلقة 4: رب صدفة خير من الف معاد روحت سوسن بامها لدار وخلاتها ترتاح دارت دوش وشيحت شعرها ولبست اطوني کانت مخبيتها جابهالها بباها في عيد ملادها غوب غوز تحت الرکبة فورم برنساس وبلغين فالغوز ومعاها فاست جين طلعت زي القمرة هزت ساکها وخرجت وفي مخها حاطة فکرة وحدة وهي الانتقام من عمها لي دالها حقها وتسبب في موت بباها راحت عندو للشرکة تاعو کي جات تدخل مخلهاش العساس تدخل بقات تحاول فيه مي النافع ربي قلبو کي لحجر متحرکش لدموعها لي غسلولها وجها سنات سنات وکي تعبت من الانتظار هزت رحا وراحت حدی البحر هذاک هو المکان الوحيد لتقدر ترتاح فيه من هموم الدنيا تمشي علی شط لبحر وتکرکر في رجليها وسلت قدام وحد الروشي طلعت وقعدت فوق الحجرة تتمتع بمنظر البحر لين غفات وهزها النوم اياد من عاداتو بعد انتهاء الدوام تاعو يروح يجري قدام البحر وهو يمارس في عادتو الي متعود عليها لمح حاجة فوق الحجرة مي عاينو خانتو ومعرف واش هي بقا يقرب بالشوية وبدات الصورة تتضحلو کتشف بلي طفلة مرمية فوق الصخرة فاللول حطها ميتة راح يجري ليها کي قرب منها لقاها نفس الوجه ونفس الملامح البريئة لي سحرتو بقی يفطن فيها مي يحصرة الطفلة فارطة من التعب ونومها ولا غيبوبة هزها بين يديه وشعرها يدي فيه الريح حطها فالطموبيل تاعو وداها لسبيطار مع وصل جاو يجريو ليه وهزوها من بين يديه لقاو السکر تعها طايح ما سببلها اغماء رکبولها سيروم وسمحولو يدخل عندها سوسن مسکينة تخرج من مصيبة طيح في مصيبة خلاف وکلشي جاها فوق بعداه قعد قدامها حتی بدات تسترجع وعيها اياد : مدموزال لاباس عليک سوسن: ويني اياد : انت فالسبيطار سوسن: کيفاه وصلت لهنا اياد : لقيت مرمية علی صخرة قدام لبحر هزيت جبت لهنا سوسن : مغسي ربي يسترک ويعطيک متمنی نقدر نخرج ولا لا اياد: بلا مزية درک نسقسي طبيب ونرجعلک سوسن : تعيش خويا لازم نخرج درک ماما وحدها فالدار ومريضة اياد : اوک درک نوليلک راح اياد حکی مع الطبيب مي مسمحلهاش تخرج هذا الشي هو لي راح يخلي حکايتنا تکمل