بنان
جنت ابجي من خوفتي بس لازم ميطلع صوت
شفته كسر الباب الخارجي بقت على هاي الباب هاذهوه اكيد اني انتهيت
يربي ساعدني شسوي هسه بروحي
دموعي تنزل بهدوء وصافنه .. الضابط فهد شوكت يجي هو كال اني قريب وينه
انكسر الباب الداخلي وشفت هو ملثم بس اني جنت خاتله بمكان صغير حيل بحيث اختنكت ومستحيل حيشوفني
حطيت ايدي على حلكي واني ارجف وابجي لزمت تلفون دزيتله رساله
" تأخرت حيل "
يعني شافها seen صارت
ماحس غير صوت كسر مزهريه وعيطه
فهد : بناااااان وينججج
طلعت واني ابجي من خوفتي حضنته بدون وعي شوي وخرت
بنان : وينك ليش تأخرت هو جان كتلني
حسيته شوي ابتعد عندي وكال
فهد : لتخافين كافي اني هنا جيت
بنان : درت وجهي شفت الحرامي بالكاع سابح بدمه
شهكت والمنظر جان يخوف اني اخاف من هاي المناظر وهذا واكع والكاع كلها دم
بنان : هذا شنو انت كتلته
فهد : كتلته بالمزهريه اول شي حتى يطول يلا يكعد وحتى مراح يتأذى ويضل صاحي حتى ناخذه للمركز وهسه خابرت صديقي حيجي وياه كم واحد تمام
بنان
ضليت اباوع عليه واني مصدومه ما تحرك نظري اول مرة اشوف هيج شي كدامي حسيت الهوا اختفى من يمي الا هالشي ماريده يصير الوقت غلط ياربي ضليت اجر النفس بصعوبه وتجيني شهكات مو طبيعيه حسيت راح تطلع روحي وعيوني دمعت .. صارت الدنيا سوده بوجهي ومحسيت بعدها على اي شيء
فهد
الي جان صادم أكثر انوا هي ماعرف شصار بيها اختنكت وصار وجها ازرك وكعت بين أيدي تحاول تأخذ هوا بس متكدر ضليت أصيح بأسمها واضرب ضربات خفيفه على وجهها احسها مو واعيه مو يمي جبت مي ورشيت عليها نفس الشي اخر شي مكدرت لازم اخذها للمستشفى لان فقدت وعيها
شلتها بين أيدي وركضت للسياره .. سقت السياره بسرعه حتى الحك اوصل .. اني وعدت امها ميصير بيها شي لازم هي تصير قويه
.....................................
ريم
ورا العزيمه صفى البيت وما ضل احد وحتى فهد جان طالع يوصل " مؤمل " وضليت اني وحدي اخر شي ضجت ورحت اكل من كيك العزيمه وشربت عصير وفضيتها ورحت نمت ..
....................................
كاعد كبالها على واحد من الكراسي الموجوده بالردهه
جانت نايمه وحاطيلها اوكسجين
شكلها بريء .. جانت لابسه حجاب بس شعرها المفتوح طالع منه
جانت الدكتوره تشدلها المغذي واخر شي من دتطلع كلتلها
فهد : دكتوره بلا زحمه شبيها وليش هيج صارت ؟
الدكتوره : معقوله متعرف.. البنيه بيها قلب أقل موقف ممكن يأدي للوفاة .. حالتها جداً حرجه واتمنى تكونون لطيفين وياها اي شي يبذل مجهود الها ويتعبها راح تكون نتائجه مُضِرة للقلب .. هي مو بَس بيها قلب عدها فتحه بالقلب
YOU ARE READING
نقطة لقاء
Romanceهُناك من يرى الحبَّ حياة وهُناك من يراه كذبة كلاهما صادق : فالأول التقى بروحه والثاني فقدها .. تعاني من قساوة ابيها .. هي واخواتها التؤام يبيعها إلى احد الرجال .. ثم يعثر عليها ضابط لم يعرف للحب معنى .. هل ستربطهم صله؟ هل سينتصر الحب ؟
