{{ بـسـم اللَّه الـرحـمـن الـرحـيـم }}
الـكـاتـبـة: نـاز الــدليم.
لتنسون التصويت والتعليق بين الفقرات + متابعة للحساب.
.............................
بـعـد تــلك الليلة ..
شـعـرت بانني خسرت كــل شي
حـتـى نـفـسي ..
بدأ التلف في عقلي، واضن قلبي قد بتر؟
او قد طعن طعناً !
استحوذ الانطفاء علئ روحـي
واحتل الحزن جسدي بلأكمل
ولوح الملام ، ملامحي واكتساها ..
انـضـر فــي الـمـرأ لوجه لا اعرفه
تغيرت كثيراً.
في تلك الايام الهادئة داخل بيت محمل برائحة
المحبة يوجد ما يخفيه احد الجالسون على راس..
خبايا محملة بغل ..
امراءة تتضاهر البرائة
ثعلب ماكر يتضاهر بانه اسد ،
خبث نابع من جوف قلوبهم.
- ندور ونلتفت ونبحث عن ماهو مخباء لمعرفة المدفون وكــشــف ، اعمالهم.
ـ كــاعد بمضيفة بكل جبروت وهيبتة المعتادة
لازم سبحتة بايدة اليمنة وعكازتة داكها بلكاع
يباوع ع ولدة واحفادة الي كل واحد ماخذلة
زاوية ويحجي وية المقابل
ـ دك عكازتة بلكاع وتحمحم الكل سكت
توجهت الانضار عليه ينتضرو يحجي
الشيخ: انـي جـمعـتكم اليوم لاجل موضوع
مــو حتة تتعـرفـون وادكــون ســوالــف ..
- عدل كعدته ابنة الجبير واردف
ماهر: ايي بوية تفضل احجي
كل الحاضرين ينتضرون اليخ يحجي بلمووع الجمعهم
لاجله
الشيخ: جمعتكم جمعة خير انشالله رايد احجي
بموضوع بشار، واريد ارده لديرتة بدال عيشتة بلغربة
ابتسم بانت اسنانة وحجه بفرح
ماهر: ايي بوية يوم الهنا ويوم السعد والله طاكة
كلوبنة عليه يبقى ابنك واخونة ومرجعة النة هو وعائلتة
- ابتسم ابنة الثاني واردف بشك
سمير: شعجب بوية شجاب بشار ع بالك مع العلم
انتة خاصمها ومتبري منة من يوم الفضل البنت
الغريبة ع بنت عمة وكسر كلمتك واخذها غصبا عن
الكل وما وكف بعينة لاجبير ولاصغير
- الكل متعجب من كلامة ومحد راضي عليه
ماهر: شبيخ خوية انتة تصلح لو تخرب شيسوي
يبقة اخوك اصغر منك وهوة ما غلط ولا اجرم
الحب مو حرام واخذها وماجذب عليها يعني
رجال كعد كلمتة وما قشمر بنت الناس ولا نهبها
وفضحنة جدام الوادم اخذها على سنة الله
ورسوله
الشيخ: اني ما ماخذ رئيكم ولا جامعكم حتة تتناقشون بلموضوع لان الموضوع يمي محسوم واخوكم يرجع
وعائلتة ويا ويعيش بين اهلة وناسة حالة من
حالكم ولدي عندي نفس المعزة ماريدة يضل
مشتت وبالة يمنة
فهد: ونعم منك جدي وهاذة الي لازم يصير
من زمان
- دك الشيخ عكازتة بلكاع وكال هليومين انردة
حضرو الذبايح وبلغو اهل السلف برجوع وليدي..
عم الفرح والكل يحضر ومخبوصين .
........
ــ كاعدة بغرفتي ناثرة كتبي الامتحانات بادية
واني باقيلي اخر ثلاث امتحانات واخلص
مركزة وذابة جهدي ع الدراسة اريد اطلع
بمعدل عالية لخاطر اهلي ولاجل فرحتهم وارفع راسهم بنجاحي
هاي السنة خامس وراية سادس وعلمي يبوو
سودة مصخمة السادس يكولون علية يسوي
حالة نفسية ويخلي البشر يسودن..
انفتح باب الغرفة فاتت اختي شايلة كتابها
وتقرة وتفتر ذهابا وايابا اني من يمي دخت
ــ شبيج مو ثولتيني ثول سطرتيني لتفترين
ــ انتي منو يمج رجلي لو رجليج شعليج والله يالله
ــ ادري ع كيفج وية الكتابة بقة شوية وتاكليي
ــ حبيبتي خوما ترديني اسخت
ــ ترا رابع ادبي سهل ميحتاجلة تعب هلكد
هنة بلكثير ثلاث ساعات وابلع الكتاب
ــ بيج خير ابلعي كتابج وعوفي كتابي لا اشككة ع راسج واطلع ضيم المادة بيج
ــ وجع لتصيرين نفسية خل وحدة تعزز للخ
ما ضل شي راح نخلص ونشبع نوم ونرف راس
اهلنة
ذبت الكتاب وكعدت بفرح واردفت بحماس
ــ هم صدك يابوية الة انام نومة لم ينامها
النائمون من قبل الة احطم الرقم القياسي بلنوم.
ــ انتي نامي وماما تصيح صلاوات
ــ اخخ من امج. " الانتيكة "
ــ امج مثقة ثقافة محد مثقفها بزمن المثقفون
ــ احنة منصدك نخلص
ــ ايي والله الراسة تاكل وتشرب ويانة
بعد مرور وقت خلصنة امتحانات وكلشي مر بسلام
الحمدلله استلمنة النتائج ناجحات وبدرجات تفرح وتسر
القلب
- عايش عائلة نفرح بابسط الاشياء وهيج علمونة
من احنة وصغار بابا علمنا هواي امور جنة غافلين عنها ماكنة نعرف شنو المضموم النة من خير وشر
بابا جان يحجيلنة بس خير اهلة وطيبهم
شيوخ وصيتهم وهيبتهم كدامهم
عائلة بابا بابة عرب وخيرهم سابقهم
عندة اخوان ثنين واخت وحدة
وذرياتهم وواحد من اخوان عازل بيت
بصفهم من ارضهم الواسعة
- جنة كاعدين نسولف بامور عائلية ودراستنة
ونخطط المستقبلنة وبابا فرحان بينة ورافع
راسنة
الة وندك تليفونة ومن هلحضة كلشي تغير
وتحول لحلم كلشي راح تعب سنين برنة
التليفون
يتبع ..
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
