السلام عليكم
..................
#بقلم _الكاتبة _ناز
سمر : فتحت الجهاز شفت احمد دازلي رسالة ع الواتساب وكاتب
احمد : شلونهة مريتي
سمر : منو مريتك
احمد : انتي منو يعني
سمر : بس اني بعدني مارديت الجواب وجوز ما وافق
احمد : لاا والله مو عوزج متوافين
سمر : ايي عوزي ونص
احمد : سمرتي حبيبي اني اريدج يمي وكبال عيوني تدرين متمر علية دقيقة الة وانتي متربعة ابالي وبنص كلبي يول اعشكنج عشك اريد انام واصبح علة عيونج
سمر : يبعد روحيي هلكد اتحبني لعد
احمد : واكثر بعد
سمر : فديت روحك حبيبي
احمد : حبيبتي مريتي الغالية
حبيت انرفزة اشوي وكلت
سمر : احمد تراا اني بعدني مموافقة شنو مريتك
احمد : سمر تراا جفصتي بمصاريني صارلي ساعة شدا الغي لعد
سمر : حبيبي شبيك دااشاقة
احمد : ول بوية اني روحي مفرفحة عليج وانتي دتتشاقين وتلعبين باعصابي
سمر : هاهية حبيب كلبي روح نام ونشالله خير
احمد : تمام حبيبي ديربالج علة روحي
سمر : شلون ادير بالي علة روحك
احمد : ول بوية انتي روحي يعني ديربالج علة نفسج
سمر : يمة يبعد روحيي ادلل
سمر : نهينة كلامنة واحس كلبي يريد يطلع من الفرح شعور كلش حلو من تشوف شخص يحاول علمودك شخص يواجه كلشي في سبيل انو يحصل عليك
شعور حلو من تشوف شخص يحبك ويغار عليك ويتمنالك الضحكة والفرح وبسس
رفعت البطانة من راسي وشفت الضوة منطفي ونرجس بسابع نومة خليت المبايل جوة المخدة وتغطت ونمت
واني بقمة سعادتي
نرجس : كعدنة الصبح من وكت روتين عاادي نفس كل يوم رتبنة البيت ونضفنة صعدت لغرفتي فتت سبحت وكملت مشطت ولفيت الشال ونزلت كلهم كاعدين بغرفة عمة ميسون فتت وكفت يم الباب والبنات مسطرات ع دوشك عبالك مدرسة ضحكت عليهن وهنة هم ضحكن كامو البنات وسمر صعدت فوك وماما هم صعدت اني صعدت وراهن فتت للغرفة كعدت على جربايتي وصافنة عليهن
سمر : كمت صعدت فوك لحكتني ماما وفاتت للغرفة وكعدت بصفي وخلت ايدهة فوك ايدي وكالت
ماما : شوفي يمة الزواج مسؤلية وعيال اوبيت اني ما اجبرج علة شي وانتي اذا مستعدة تتحملين هلمسؤلية بكيفج وما اجبرج على شي اني اريدج تكونين سعيدة ومرتاحة
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
