السلام عليكم
..................
#بقلم _الكاتبة _ناز
اشتاگيتلك
يالكاسر بصدري النفس
وبروحي كاسر عافيه
**************
سمر ... كعدت ع صوت الباب كمت عدلت كعدتي وكلت منو
مها ... اني
سمر ... فوتي مفتوح الباب
فاتت واجتي كعدت يمي كالت كومي يريدونج
سمر ... منو يريدني
مها ... بابا
سمر ... كمـت غسلت وبدلــت صلــيت ونزلــت كلهم كاعدين والبنا ديســون ريــوك فتت يمهم
وعمو ماهر كال تعاي اكعدي يمي رحـت كعدت يمة وكال شلونج كتلة لحمدلله كال شوفي بنيتي
والله انتـي ونرجـس اعتـبرجن مثل بناتي واكثر كافي يابنيتي تبجين شوفي عيونج شلــون صارن
بنيتي هية هاي وكلمن يموت بيومة وهـوة هاذة
يومة وهسة هوة محتاج بس الدعـاء من عدجن
وانتن كاضياتهة بجي ونوح وهـاذة الشي يـعذبة
يابنيتي انتي ترضين ابوج يتعذب بكبـر وميرتاح
هزيت راسي بمعنى لا كال لعد مـــاريد اشوفجن
تبجن كتلة نشالله ضليت كـــاعدة صبو الريــوك
نرجس كامت واني كمت وراهــة كـــال وين كتلة نتريك يم ماما كال روحن بوية رحنة وجابت مها
الــريــوك تريكنة وكملنة كــامــت نرجـس نزلت الصينية ضليت كاعدة يم ماما ما نزلت
نرجس ... ضل عمو يحجي ويعقل علينة وينصحنة بلدعاء لبابة وكلامة كلش ريحني
صعدنة تريكنة يم ماما كملنة نزلت اودي الصينية غسلت المواعين ورديت صعدت
وهيج عشنة هلفترة بين بجي بين الدعاء
انــروح انــزور بابــة للمقبــرة ونصلليلــة
ماما خلصت العدة مالتهة وراحت اتـــزور
بابة حتة اتفك العدة مالتهة ورحنة وياهة
ضلت تبجـي واحنة بجينة وياهة ورجعنة
للبيت
مـر سبع اشهر ع وفـات بابا واحنة كاضينهة بين
الذكريات العشناهة ويا وهيج مرت هاي الفترة
فيروز ... غيث اجل خطبتة علمود الفاتحة هوة
جان يريد يخطب ورة الخطبة يروح بشغل بــس
اجلهة لخطوبتة وراح لشغلة شغلـة بــرة العراق
سافــر ضــل خمــس اشهـر ورجـــع فقـرر يسوي الخطبة اني ماردت اروح شلــون اروح واشوفـــة
يخطب واكف وية غير بنية شلــون اشــوف الـي جان هوة اعز ناسيي وعشت ويا احلة ايام حياتي
وهسة عزمنة ع خطوبتة الـي انـي ويا تلاث سنـــوات نبني احــلامنــة ونخطط العرسنــة
كمت ابجــي واحجي وية نفسي هــوة هـاذة
قدري من الحياة كلشي قسمة ونصيب وهوة
ماكتوبلــي ولا من نصيبي انشالله اكدر انساا
وانسة كلشي حـلـو عيشنيا وانسـة ذكــرياتنة
العشناة سوة
اجتي ماما كالت كومــي نروح نشتـري مــلابس للخطوبة كتلهة ماما ماريد اروح كـالت كومــي
يمةعيب من خالج عــزة فشلـة شلـون مترحين
يــوم شلـــون نــروح عيب مــن مـرت عمو بشار شتكــول علينة كـالت انــي رحتلهة واستئذنت منهة ماحجت خطية كتلهة ماشـي طلعت كمت
اشهك بلبجي للعصر بدلنة وطلعنة رحت وياهم
جنة نخطط اني وياا لنفس هتـاذة اليوم وتفقنة
اني ويا نروح نجيب مـــلابس ونطقم سـوة بــس
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
