ــ السلام عليكم
.....................
#بقلم _الكاتبة _ناز
نرجس : نفتح الباب رجعت ليورة مصدومة وخايفة واشوف مها واكفة وفاكة حلكهة بصدمة
مها : نرجس شسوين هنا
نرجس : بلعت ريكي وكمت امتمت ماعرف شجاوبهة
فهد : تعاي مهاوي شتريدين
مها : والله اجيت كلت خاف محتاج شي
فهد : لا خيتي ما محتاج مشكورة
مها : ادلل خيي
كالت اسفة وطلعت واني ضليت واكفة لا اني الطالعة ولا اني الطابة من الفشلة ماعرف وين اضم وجهي عزة هسة شتكول علينة
سديت الباب ورحعت للغرفة وكفت كدامة وجتفت ادية وكتلة
نرجس : هاا فهيد رتاحيت هسة
فهد : بوية اني شعلية
نرجس : شنو شعليك غير اني اجيت عليك
فهد : بس اني ماكتلج تعاي علية
نرجس : هوة مو صوجك صوجي اني الجاية اطمن عليك
فهد : جعل محد غيرج يطمن علية
نرجس : ضل ضل بهاي سوالفك
فهد : هوة بوية ضال
نرجس : اوي فهد هسة شتكول علينة مها
فهد : بوية شتكول يعني جاية تطمن على ابن عمهة بيهة شي
نرجس : اوي فهد شهل برود العندك
فهد : تعااي دفيني لعد
نرجس : لاحول الله شوف اني وين وتفكيرة هوة وين
فهد : بوية تفكيري نضيف لتشككين ابنفسي
نرجس : ايي كلش واضح تفكيرك
فهد : ايي بوية هسة بردان تعاي دفيني
نرجس : فهد اني رايحة اشوف مها قبل لطش السالفة يم البنات هاي اذا مالكيتهة لامة البنات هسة ومسويات دائرة وكاعدة تسولفلهن
ــ ضحك وكال
فهد: ايي بوية خل تسولفلفهن مجذبة لبنية قابل
نرجس : فهد تحجي صدك انتة
فهد : انتي شتكولين
نرجس : اخخ منك ومن برودك الي راح يجلطني
فهد : روحي حبيبي لحكي مها قبل لطششج يم البنات
نرجس : ابفضلك انتة والله
فهد : ادللي بوية كل يومية تعاي
نرجس : تحلم اجيك بعد
فهد : انشوف ياحلو ميجي بعد وينور غرفتي
نرجس : هوة نشوف يلاا اني راح اروح
فهد : روحي بس لطولين لان غرفتي راح تضلم واني احتاج الضوة
أنت تقرأ
احضان من جمر
Mystery / Thrillerللعينِ سِحْرٌ فاتكٌ قتّالُ ورموشُها تحتَ السيوفِ نِبالُ ما للمليحةِ لا تجودُ بنظرةٍ أمْ أنّ بدء الوصلِ فيه دلالُ بعضُ العيونِ تريكَ كونًا هادئا والبعضُ فيها يَكمُنُ الزلزالُ
