اهرب من الماضي اليك
زينب الجبوري
هدى:
وفزيت على صوت اصريخ عمتي كمت مفزوعه......جريت شالي وطلعت من غرفتها شفتها كاعده بالارض اتملخ بشعرها وتصرخ وحسين ايريد يلزمها وايهديها رجليه بعد ما ضلت اتنعيني كعدت بالارض اريد انطق ماكادره كل الي ابالي سلطان يعني همين هوه راح ايعوفني شكو شخص اتعلق بيه ايعوفني اباوع للساره الي ملخت روحها من البجي سندت روحي كوه ورحت يم عمتي ......
_ عع عمه فدو فدوه احجي سلطان بيه شي ؟احجي فدوه لا تسكتين كولي سلطان ما بيه شي. .......اريدها تحجي ماكو بس تبجي واتصيح بأسم سلطان ......
هدى:حسين سلطان وينه اشبيه سلطان......
حسين:من طالع من البيت عابر الشارع وما منتبه وداعمته سياره وهسه حالته خطره ما ندري ايعيش لو ايموت واذا عاش يكدر يرجع يمشي لو لا.......حجيه مثل الصاعقه طاحت على راسي هاي هيه يعني خلاص بعد سلطان ما راح اشوفه راح ايروح مني مثل ما راح مني ابوي وامي ومهند دخيلك ربي ما اتحمل بعد افقد احد وجهالي راح ايرجعون يتيتمون مره ثانيه لا ربي دخيلك دخيلك ربي سلطان عوفه الي وللجهاله ......
ام سلطان:هسه هسه تاخذني اتوديني اله......
_يمه دخيلج وين اوديج اهناك المستشفى كلها زلم مكلوبه وين ترحين كعدي وانه هسه راجع اهناك واي شي ايصير اجي اكلج.......
_والله ما ابقه ولا دقيقه اهنا ابني بين الموت والحياه وتريدني ابقه اهنا لا والله ما ابقه لحضه اهنا......
_يمه افهميني اهناك امه محمد كلها جايه اصدقائه كلهم جاين بداعت مهند ابقي اهنا واي شي ايصير وعد اجي اكلج .....
_ربي دخيلك ليش كاتبلي كل يوم ادفن واحد من ولدي دخيلك ربي بعد ما اتحمل لو تاخذني لو اترجعلي ابني بصحه وسلامه........عمتي تحجي وانه صافنه ماكاعده استوعب الي صار معقوله سلطان راح ايعوفنه ؟معقوله ما راح اشوفه .....
حسين:هدى يابه بيچ شي لا اتسوين بروحج هيج تره محتاجينچ كافي عليه امي والجهال ما اريدچ اتزوديها عليه والله سلطان يرجعلنه بس انتم شدوا حيلكم ولاتسون هيج بروحكم سلطان محتاج دعائنه ادعوله والي كاتبه الله ايصير.........حسين يحجي وانه كل الي ابالي خلاص على اي لحضه افقد سلطان ....
حسين:هدى اشبيج كومي ملك جيبي ماي وجهه صار اصفر ....اشوي وحسيت بماي بارد على وجهي بچيت راستا......
حسين:هسه منين اتلاكها منچ لو من امي الي راح اتموت روحها ......
ام سلطان:هاي لبست عباتي امشي رجلي على رجلك ابني ما اعوفه .......
_يمه دخيل الله وين تردين ترحين الزلم كلها اهناك......
_ولا كلمه ابني بين الموت والحياه وتريدني ابقه اهنا لا والله ولا دقيقه ابقه اهنا اتوديني لو انه اروح وحدي؟....
أنت تقرأ
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...
