اهرب من الماضي اليك
زينب الجبورياساور؛فتحت اعيوني واحس بثكل عليهن لزمت راسي اخخ يمه الم فضيع باوعت هاي بغرفت اخواني شجابني اهنا......
ليال:يعمري كعدتي شتحسين .....
_راسي راسي احسه ايريد ينفجر اموتني.....
_لحضه خلي اروح اجيبلج بندول واجي ......بقيت
صافنه بالغرفه اشجابني اهنا واشصار اشوي اشوي
اذكرت الي صار معقوله جان حلم لو حقيقه لزمت راسي
قوي بس اريد جنت احلم لو لا اخر شي اشصار ماكاعده
اذكر غمتض اعيوني حيل اكيد حلم جان انه اعرف هذه
حلم بس اشجابني للغرفه اخواني ....فتحت اعيوني لا
هذه مو حلم اخر شي خذوا التابوت وراحوا وماكدرت
اشوفها ضليت ابجي بعلو صوتي طبت ليال واجت عليه بسرعه .....
ليال:كافي فدوه لاتبجين كطعتي كلبي والله كلنه انحبها وضايجين عليها بس شنسوي ما بيدنه شي ......
_ولج راح شمعتت بيتنه بعد ما اشوفها جانت امي الثانيه
وراحت من ايدنها ليش هيج ياربي بس نتعلق بالشخص
تاخذه منه ما يوم اتخيلت تاخذ احد من اهلي ربي جنت
ادوم اكلك اخذ روحي قبل لا تفجعني بواحد من اهلي.....
_ولج كافي كطعتي كلبي هذه يومها بعد ادعيلها محتاجه دعائنه......
_اخخخ بيبييي ليش عفتيينه......
_يومها هذه كافي اساور لا اتسوين بعمرج هيج عمتي
اخطيه منا مقهوره على بيبي ومنا خايفه عليج فكري
بعمتي والله اتموت اذا صار بيج شي ......ضليت مدنكه
وابجي ماكادره اقتنع بيبي ماتت وبعد ما اشوفها انطتني
ليال بندول وماي شربته وحسيت الماي طعمه مر بكوه
جرعته......
ليال:كومي لبسي دشداشه سوده .....خلتها على الجربايه
وطلعت من الغرفه كمت لزمت الدشداشه وادموعي
اصب لبستها وانه كلبي مغموت نزلت جوه شفت امي
كاعده وتبجي رحت اتقربت منها وخليت راسي بحضنها .....
هدى:اشلون صرتي ماماتي.....حجت وصوتها رايح ابكوه
تطلع الحجايه منها هزيت راسي وما حجيت شي اباوع
للنسوان ما باقيات اله چم وحده واشوي وطلعن وطبوا
اخواني لازمين جدي ويمشوه ودوه بالغرفه صارت
YOU ARE READING
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...