اهرب من الماضي اليك
هدى:سلطان وخر انته لتشوف تصرفاتها مال وحده صاحيه وخر لا تسوي بالطفل شي .......
_هدى كتلجججج جيبييي الطفل لا اتعاندينن .....خذه خالي الطفل منها وانطاه الي شبكته بكل قوتي وضليت اشم بيه وابوسه يمه حبيبي راد ياخذوك مني وايأذوك لا تخاف ما راح اعوفك يمهم راح احميك ......
سلطان:ويله هذه ابنج وخليته بحظنج شوفي محد يكرهج اهنا او ايريد ايأذيجج.......سكتت ما حجيت شي وبقيت شابكه ابني اشوي وخالي خلاهم ايطلعون وبقت بس عمتي بالغرفه.......
هدى:ما دام اتحبين ابنج هيج ما اتكدرين بدونه المن خنتي زوجج ما فكرتي اذا دره راح ياخذ ابنج منج؟.....
_كتلكم والله ما خنته وما اعرف هالولد منو .....
_حجيج هذه ابد مو مقنع.....اتنرفزت من حجيها عفت الطفل على الفراش وكمت صرت اكبالها.......
_ما دام ما امصدكيني ابكيفيكم بعد لاتجون واتسألوني ليش سويت هيج وانتم تحجون عليه وعلى امي وما اتشوفون اعيوبكم انتم كل وحده من بناتجن خالتلها اثنين اثلاث لو انتم حلال عليكم وغيركم حرام روحوا شوفوا فرح منين جابت هالساقط وبلشتني بيه....بس خلصت حجي راستا ضربتني خليت ايدي على خدي واحس نار شابه بصدري .......
هدى:انتي شنو مالج رداد شفتي خالجج حجه وياج استسبعتي ولج بناتنه ايشرفنج وايشرفن امج الساقطه بس بعد شترجه منج بت نور ما عليج عتب....
_هالراجدي المفروض مو الي هالراجدي للبناتكم ايذبن بلاويهن عليه بس حوبتي راح تطلع بيجن ان شاءالله وكل يوم راح اكعد واتحسب عليكم حسبي الله على كل شخص بيكم ضلمني .....
_صلفه ابد ما اصيرلج چاره ....عافتني وطلعت وانه الساني ايردد حسبي الله على كل شخص ضلمني من ابوي ومن حسام ومن زهراء ومن فرح حسبي الله بيهم.....ابني على الصوت ضل يبجي رحت عليه وانه ابجي لزمته وخليته على صدري اول ما خليته راستا ضل يرضع اخطيه ميت من الجوع اخطيه شفته نام كمت وخليته على فراشه بطني ضلت اطلع صوت ميته من جوع ما ماكله شي من الصبح بس لفه جبن باوعت لكيت اكو بسكت خذيته وضليت اكل اسد جوعي احسن من ما انزل واشوفهم مر وكت وانه بالغرفه انفتح الباب طبت اساور......
اساور:امج اجت .....من كاالت هيج فرحت بسرعه كمت لبست صايتي وخذيت ابني وجريت جنطتي اريد اطلع من الغرفه وكفت اساور اكبال الباب وما خلتني اطلع....
_اشبيج وخري خلي انزل جوه ......
_حسام كال ترحين بوحدج بدون ابنه.....
_هههههه هسه صار ابنه؟هوه ولا مره شافه ولا سئل عنه ولا يدري بيه وهوه بعضمه السانه كال ما اريد ابنها خلي تاخذ وياها.....
_هسه اتصل على امي وكال مننوع تطلع والطفل وياهت فجيبي ولا تسوين مشاكل.....دفعتها بكل قوتي وطلعت من الغرفه يردوني اعوفلهم ابني اله اتخبلت حته اعوفه الهم نزلت جوه لكيت امي وعمتي كاعدات يتعاركن ركضت على امي حظنتها وضليت ابجي.....
![](https://img.wattpad.com/cover/287030827-288-k924812.jpg)
YOU ARE READING
اهرب من الماضي اليك
Randomخلف كل باب تجد حكايه تختلف عن الاخر وكل حكايه تحمل عبره في تفاصيلها قد نجد فيها ذللك غير معقول ولاتسطيع العقول استيعابها تجد حكايات حزينه ام مفرحه قد تجد حكايه حب او خيانه فرح اوحزن .........والان دعونا نطرق باب احد البيوت العراقيه للنكشف عن اسراره...