البارت السادس.
.
.
.
معقوله... ابوي مسوي كل شي واني مادري اصلاً ماجابلي طاري.... شوكت سوه هذا الشي ؟
رحت يم البنات كل وحده لازمه التليفون.. وره شوي اجت عمه ابتهال..
ابتهال: يا بنات كومن عزلن باجر السبعه حتى كلشي ميضل بس الطبخ..
غفران: عمه وين راح اسوها؟
ابتهال: الزلم بيت عمج عباس والنسوان بيتي..
غفران: ليش موو هناا.
ابتهال: لا يمعوده شلج بدوخه الراس خلي بيتج نضيف احسن.
غفران: براحتج..
ابتهال: غفران تعالي وياي اريد احجي وياج.
هزيت براسي وطلعت ردت اطلع صاحتلي رسل صديت عليها
رسل: هاج غفران هاي الفلوس وهاي الورقه كلشي مكتوب بيه بس دزي شخص يروح يجيب..
غفران: اوكي.
اخذته ولكيت عمه ابتهال بالمطبخ تنضف بي وكفت يمها وكلت::-كولي عمه شعندج.
ابتهال: تعاي حبيبتي وياي بالاستقبال نكعد.
رحنه كعدنه مسحت وجهه وكالت::-اسمعي حبيبتي اريد اكلج شي بس ركزي وياي خوش ؟
غفران: خير عمه صاير شي.
ابتهال: هوا مصاير بس راح يصير.. انتي بقيتي وحدج هناا وصار هذا البيت الج وتعرفين ابوج عنده سياره مشتريهاا
فاا يا حبيبتي خاف عمامج يجون يريدون منج البيت او اي شي لا تخليهم يضحكون عليج بجم كلمه..
يكلولج تعاي يمنه اني اصير ابوج اني اربيج اعيشج يمي لا تقبلين خوش ؟
ترا يعيشوج بذل خليج محافضه على نفسج وبيتج وانت انشالله راتب ابوج هم يتحول باسمج وضلي هناا واصرفي براحتج .
وماشالله انتي بدراسه شاطره ومينخاف عليج وانتي من تفتحين حلكج بعد شي سده هسه مفهوم لو لا؟
ابتسمت هزيت براسي.
غفران: لا عمه شي اكيد مراح انطيهم عمامي وعرفهم
مايهمهم اي شي بس نفسهم..
ابتهال: عفيه بسباعيه اريدج هيج اهتمي بنفسج هسه اعوفج يم البنوات واني اروح اشوف شكاعد يسون.
باستني وراحت عمتي واني حايره شراح يصير بيه
شلون راح اعيش هيج... طلعت بره شفت الجهال يلعبون صحت الابن عمي عباس..
هي مهيمن تعال يمي.
مهيمن: هاا شتريدين.
غفران : هاك هاي الفلوس وهاي الورقه انطيهاا الابو المحل وهاا ينطيك الغراض..
مهيمن: ليش تنطيني فلوس هسه اني انطيج فلوس.
غفران: اوي عشتوو منين عندك فلوس انت.
مهيمن: يي اجيب من بابا خطيه انتي ماعندج اني اجيبلج.
غفران: شمدريك ماعندي.
YOU ARE READING
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
