احببتك لماذا

37

البارت السابع والثلاثون.
.
.
نهى: عاجبني اخطبج  الأحمد.
فزيت من مكاني: هااااا اني الاحمد؟
ادحك على أحمد عدل كعده ومتفاجئه.

نهى: ايي يمه شكو بيها؟
غفران: حكيت شعري.. لا هوا مابيها بس خاله اني اريد اكمل دراسه.
نهى: انتي موو عفتي الدراسه.
غفران: لا معفتها كلت على سنه الي تجي اكملها.

نهى: يايمه ميخالف كمليها والله لو ابوج عايش جان طار من الفرح.

غفران: لا عمه بعدين حتى السنويه مالتهم مطلعت؟

نهى: عمي راضيه منسوي عرس ولا شي بس اقبلي.

أحمد: يمه شسالفه موو كتلج سدي الموضوع.

نهى: انت اسكت لوو اضل عليك منا لما اموت انت تفكر.

غفران: خلي عمه يجوز حاط وحده باله.. ادحك عليه وابتسمت.

نهى: هسه خلي يكلي منو هيا بس خلي امشيله.

أحمد: اهووو كومي دعوو صبي غده جوعان.

نهى: لا اكعدي خلنشوف شراح يكولون.

غفران: ضحكت.. عمه فدوه ربج هياا كوه له زوجي.

نهى: ايي كوه عمره راح يطب 30 سنه هو مامزوج.

دعاء: يا30 يمه راح يدخل 35.

أحمد: عاجبني اضل عزابي.

حازم: يمه عوفي زوجيني اني اريد ازوج.

نهى: انجب انت من تلكه شغل تشتغل بي ومضل خاتل بلغرفه بذاك الوكت ازوجك.

دحك على امه وعوج حلكه واني صافنه عليهم واحمد يضحك هوا ودعاء
: ياعمه هسه انتي موو عازمتني شو وين الاكل.

نهى: ايي ايي غيري الموضوع كومي يمه دعاء صبي غده.

غفران: وكفي خلي اجي وياج.. عفتهم ورحت المطبخ وياهاا طلعت المواعين صب وصافنه عليه: شكوو.

دعاء: ايي.

غفران: ايي؟؟

دعاء: ايي؟

غفران: وجعي شكوو؟

دعاء: ماكتيلي وموافقه لا.

غفران: تؤ.

دعاء: وجع شكو بيها غفران فدوه.

غفران: دعاء عود من اوافق اكلج هسه صبي اكل لان ميته جوع اميته.

راحت هيا مبوزه صب اكل حطته على ميز صاحتلهم
كعدو ياكلون كعدت بصفي عمتي.
نهى: اي بنيتي ش..

غفران: عمه فدوه اروحلج اريد اكل.

نهى: كلبت عيونه.. اكلي اكلي جنج ابوج متحبين أحد يحجي وياج موضوع.

عفتها بقيت اكل والولد يضحكون وعمتي تاكل بدون نفس ودعاء تاكل وتصفن عليه ماهتميتلهم بقيت أكل لما شبعت كمت غسلت وشلت المواعين.