البارت الثاني وعشرون.
.
.
شفت المتصل عمي عباس خير انشالله وراه مصيبه
فتحت الخط.
غفران: هلا والله مادري مشتاقلي؟
عباس: غفران وحك الله اذا متروحين وتغيرين الفاده
لحرك الدنيه حرك على راسج.
غفران: انت اول شي الكاني بعدين احجي.
عباس: يعني وين تروحين اطيرين خما اطيرين الكاج واجيبج همم.
غفران: بذاك الوكت من تلكاني عود اغير الفاده هاي اولً ثانيه سمعت تريدون تذبحوني صدك هل حجي؟؟
عباس: ايي صدك نغسل عارج.
غفران: هههههههاي عار ماكوو غيرك انت العار وابنك
وبعدين تسويهاا يصير الاب والابن مجرمين الله
شكد حلوو حمستنييي اشوفك بسجنن.
عباس: غفران والله العظيم اخليج تندمين والله.
غفران: اهوووو اكلك راسي يوجعني عود من اندم اكلك اوكيي حبي جاووو.
سديت الخط واني اضحك عليه ذبيته على الكاونتر
شربت مي ودخل أحمد بيده علاليك.
أحمد: هلوو.
غفران: هلا شني هاي؟
أحمد: هااا هذا لحم مثروم وصدر دجاج.
غفران: ايي شسوي بيهن؟
أحمد: نشوي اليوم على العشه عاجبني نطلع بره نشوي.
غفران: راح يجي جنيد هم موو.
أحمد: عفيه عليج ذكيه والله ايي راح يجي.
غفران: ايي خوش هلا بي.
تقرب مني وكال::- اضوجين من جنيد اذا اجه؟
هزيت براسي::- لا طبعاً بالعكس وجوده كلش حلو.
احمد: اعرف بس يعني خاف تكولين شلون يخلي صديقه يجي واني هنا بالبيت ترا جنيد اخوي يعني حماج.
ضحكت::- لا والله أصلاً كلش حباب.
احمد: اي وهواي وصدكيني اني لو ماعندي ثقه بي او بيج جان مادخلته البيتي وعرفته عليج.
غفران: بالعكس احمد والله جنيد صار مثل اخوي ما اضوج منه ابد الله يحفظكم .
كرص خدي وابتسم ::- يله اني راح اعوفهن وانتي اخبطيهن.
غفران: ليش شعدنه عماله هوا كباب واثرم الصدر دجاج.
أحمد: هسه شعرفني شراح سوين.؟
غفران: لعد روح منا.
عافني طب باستقبال واني سويت كباب وتبلت الصدر دجاج وضميتهن غسلت وشفت أحمد كاعد يتفرج على التفزيون.
::-هاي شنوو اني اريد التفزيون انطيني الريمونت.
أحمد: لا والله اكعدي خلي اندحك الفلم.
غفران: أحمد اني كلت بس اخلص اجي الزم الجهاز.
YOU ARE READING
احببتك لماذا
General Fictionفتاة تتحدى حياتها بعد مافقدت اهلها وتواجه مشاكل بحياته من قبل اقاربها لتحضه بحب شاب يغير مجره حياتهاا
