နေအပူရှိန်မကျသေးပေမယ့် ထီးမိုးလာပေးသောထိုလူကိုတော့ကျေးဇူးတင်ရမယ်
"ဟိုငယ်ငယ်ကကိစ္စတွေအတွက် sorry နော်"
"ဪ ရပါတယ်ဗျာ ကလေးဘဝပဲ အမှတ်တရများတာကောင်းတာပေါ့ ဟီးဟီး"
ဟုသာဆိုလိုက်သည်။
"ကြောင်လေးတွေတအားချစ်တယ်ထင်တယ် မနက်ကဝရံတာထွက်တော့အော်သံတွေကြားနေရတယ်"
"ဗျာကြားလိုက်တာလား " ဟုဆိုကာနည်းနည်းတော့ရှက်မိသေးသည်။
"ဟုတ်တယ် ကျနော်အခန်းကနေဆို ပန်းခြံလေးကိုရော မင်းလေးရဲ့အခန်းကိုပါလှမ်းမြင်နေရတယ်လေ"
"အာ အဲ့လိုလား မျက်စိတွေတော့နောက်နေတော့မှာပဲ"
"ဗျာ မနောက်ရပါဘူးဗျာ ဒီလောက်အသည်းယားဖို့ကောင်းတာ"
"ဗျာ" ဟုဆိုကာ သူ့ကိုမော့ကြည့်မိတော့သူကမျက်နှာလွှဲထားသည်မို့ မိမိဘက်ကလည်းဘာစကားမှဆက်မဆိုဖြစ်
တိတ်ဆိတ်သောလေထုထဲသို့
"စက်လို့ပဲခေါ်မယ်နော်ရတယ်မဟုတ်လား"
တဖန်သူဆိုလာသောစကားကြောင့်
"ဟုတ်ရပါတယ် ဒါနဲ့ရိုင်းတယ်တော့မထင်ပါနဲ့နော် အသက်ကဘယ်လောက်ရှိပြီလဲဗျ"
"ကိုကလား အွန်း ၂၅ "
"ဗျာ မထင်ရဘူးနော်"
မိမိထင်ထားသည်ထက်များစွာကြီးနေသဖြင့်နဲနဲတော့အံ့သြမိသည်..
"စက်ကဘယ်လောက်ထင်လို့လဲ"
"20 "
"ဗျာ အဲ့လောက်တောင်လား ဟား"
ဟုဆိုကာပြုံးရွှင်နေသောသူ့အားကြည့်မိရင်း မိမိရင်တွေခုန်လာသလိုလို အသက်ရှူရခက်လာသည်။
"ဒါနဲ့ ဒီကဟို..."
အူတူတူအတတဖြစ်နေသော မိမိအားစိတ်မရှည်သလိုလှည့်ကြည့်ကာ
"အကိုလို့ခေါ်ချင်ခေါ် စိုင်းလို့ခေါ်ချင်ခေါ် စိတ်ထဲရှိရင်မောင်လို့လဲ ခေါ်လို့ရပါတယ်ဗျ"
YOU ARE READING
CAT
Romanceမတော်တဆမှုတစ်ခုကြောင့်ထူးဆန်းတဲ့ကိစ္စရပ်တွေကြုံတွေ့လာရတဲ့လူတစ်ယောက် ထိုလူတစ်ယောက်ကိုပဲ အရိပ်တကြည့်ကြည့်နှင့်ရင်ခုန်နေပြီးဖွင့်မပြောရဲတဲ့လူတစ်ယောက် ထိုလူနှစ်ယောက်ဆုံဆည်းကြဖို့ရန်အတွက်အဘက်ဘက်မှဝိုင်းဝန်းကူညီကြသောမြားနတ်မောင်လေးတစ်စု.... မေတာ္တဆမႈတစ္ခု...
