Unicode » ငါကရှေးဟောင်းနိုင်ငံတော်တခုမှာပြန်လည်မွေးဖွားခဲ့တာလား ?
ဝေဝါးနေသော အမြင်အာရုံသည် ကိုက်ခဲနေသော ဒဏ်ကို ပိုမိုဆိုးဝါးအောင် လုပ်နေသလိုပင် ။ စူးရှနေသော အလင်းရောင်ကြောင့် မြင်လွှာပေါ်မှ ပုံရိပ်တို့မှာ ဝေဝေဝါးဝါး ။လည်ချောင်းအတွင်းမှ ခြောက်ကပ်မှုက သည်းမခံနိုင်သည်အထိ ဆိုးဝါးနေသည် ။
" ရေ....ရေ... "
" ဟွား.... ဟွားလေး သတိရလာပြီ !! "
အနည်းငယ်စူးရှသော်ငြား စိုးရိမ်မှုနှင့်ဝမ်းသာမှုတို့ကိမ်းအောင်းနေပါသော အမျိုးသမီး၏ အသံသည် ဤနေရာ၏တော်တော်ဝေးဝေးမှပင် ကြားရလောက်နိုင်ပေသည် ။
" သမားတော်ပါလာပါပြီ သခင်မ "
ငါးယောက်ခန့်ရှိသော လူတို့၏လှုပ်ရှားသံ ၊ ပွက်လောညံနေပါသော စကားပြောသံတို့ကြား မူးဝေလာပြီး လောကနှင့်ထပ်မံ၍ အဆက်အသွယ်ပြတ်သွားခဲ့ပြန်သည် ။
" သမားတော်ကြီး... ဟွားလေးအခြေအနေက?"
" အတော်လေးသက်သာနေပါပြီ သခင်မ ။ အခုက အားနည်းနေဆဲဖြစ်လို့ပါ ။ မကြာခင် သတိလည်လာပါလိမ့်မယ် ။
ဦးခေါင်းနဲ့ ကြမ်းပြင်နဲ့ရိုက်ခတ်မိတဲ့ ဒဏ်ကပြင်းထန်တာကြောင့် ဦးခေါင်းအတွင်းပိုင်းက အောင့်တာ ၊ မူးဝေတာ ရံဖန်ရံခါမှာ သတိမေ့မြောနိုင်ပါတယ် ။
အဲ့လိုအခြေအနေတွေဖြစ်ပေါ်လာခဲ့ရင်တော့ ဒီလူအိုကြီးကို ဘယ်တော့မဆို လာခေါ်နိုင်ပါတယ် ။ ဆူဆူညံညံအသံတွေ ၊ အာရုံစူးစိုက်မှုကို ရှုပ်ထွေးစေမယ့် ကိစ္စကို တတ်န်ုငသလောက် ရှောင်ရှားပေးပါ သခင်မ ။ ဒီကလူအိုကြီးက အားဆေးအချို့ပေးခဲ့ပါမယ် ။ "" ကျေးဇူးတင်ရှိပါတယ် သမားတော်ကြီး "
" မခံယူဝံ့ပါဘူး သခင်မ "
အရိုအသေပေးပြီးနောက်တွင် သမားတော်ကြီးသည် လက်ထောက်သမားတော်လေးနှင့်အတူ တိတ်တဆိတ်သာ ပြန်လည်ထွက်ခွာသွားတော့သည် ။
အမျိုးသမီးကြီးသည် စိုးရိမ်စိတ်သန်းနေသော မျက်ဝန်းတို့နှင့် စောင့်ကြည့်နေသော်ငြား တခဏအကြာတွင် အခန်းတွင်းမှ ထွက်ခွာသွားတော့သည် ။
YOU ARE READING
᪥Hwaa᪥ || Hiatus ||
FantasyHwaa.... Could be a flower but also fire . [[ Both Uni & Zaw ]] Rebirth/ Time Travel / OC / Historical Started - 15.6.22 Posted - 26.8.22 ( 6;09 pm ) Ended - ????