زواج بالاتفاق "عشق السيرين" ❤️(قيد التعديل)

الفصل السادس

زواج بالاتفاق (عشق السيرين)❤️

الفصل السادس

★★★★★★★

💜صلوا على من بكى شوقا لرؤيتنا في الماضي 💜

★********★

flash buck

صافحته قائلة: سيرين عبد الرحمن صحفية

ياسر:اتفضلي بس محدش قالي ان عندي مقابله صحفيه

سيرين ببسمة:لا انا جايه لحضرتك بشكل شخصي

ياسر وهو يعتدل في جلسته: اتفضلي اكيد

اخرجت سيرين جهاز اللاب توب خاصتها ووضعته امامه

: من يومين بالظبط فسدت في مصنع حضرتك نقله من الدقيق

ياسر:انتِ عرفتِ منين الكلام ده

سيرين وهي تكمل دون اهتمام بحديثه: عادي واكيد حضرتك شاكك في حد

ياسر:انتِ جايه هنا ليه وانتِ مين

سيرين:والحد اللي شاكك فيه هو ماجد الاسيوطي صح

ياسر:انتِ مجنونه اكيد

سيرين: ماجد الاسيوطي

ياسر ليتخلص منها فهو يعتقد أنها مجنونه او ما شابه: أيوا مفيش حد ليه مصلحة يضرني اكتر منه

سيرين:ليه

ياسر: انا شايف انك بتحققي معايا

سيرين: أنا ابدا أنا بس معتبرة حضرتك زي والدي واحب اعرف وصدقني هفيد حضرتك جدا

ياسر:اممم طيب لما نشوف

سيرين: ليه حضرتك شاكك في ماجد

ياسر:لاني بعد موت اخوه فسخت العقد اللي بين الشركتين و رفضت التعاقد معاه مره تاني رغم انه حاول أنه يغريني بعروضه لكن أنا رفضي قاطع ف بالتالي الشركات التانيه كانت بتستغرب لما بيلاقوني رفضت وكانو بيرفضو يتعاملوا معاه تجنباً للأذى ولما يأس حاول اكتر من مره يضرني في شغلي لكن مكانش عندي دليل عليه

سيرين:ليه حضرتك رفضت الشغل معاه

ياسر:لان سمعته وحشه و من زمان بيقال انه بيهرب حاجات ممنوعه في السفن اللي بتنقل البضائع

سيرين:لا يا باشا ماجد الاسيوطي بس مش عيل يوم ما هيجي يضر حضرتك هيبوظ دقيق صح ولا

ياسر :هيكون مين يعني غيره

سيرين وهي تفتح الفيديو في اللاب توب: شوف بنفسك

ياسر بعدما رأى الفيديو:انتِ هبله يا بنت أنتِ

سيرين: شفت مين اللي بوظ الدقيق انا

ياسر:أنا ممكن احبسك

سيرين وهي تغلق اللابتوب:دليلك يا باشا ولا حضرتك فاكر اني معرفش ان الفيديو اختفى من كاميرات المصنع إذا كنت أنا اللي خفيته بنفسي ههههههههه