الحلقه العشرون...(20)
بسمه: نبيك اتجيبلي أشوية حاجات عشان بكره عازمة
صحباتي ايهدرزاً عندي
محمد: باهي حاضر اكتبيلي كل يالي تبيه و اليوم فـ ليل
ايكونن عندك
بسمه ابتسمت: تمام
و عدى محمد شور المطعم خذى غداء و روحو شور الحوش
أشوية و وصلو درس محمد السيارة و نزل هو و بسمه
قابلهم حمزة خو بسمه
بسمه بعد شفاته انصدمة و خافت
محمد أستغرب جيت حمزة
محمد و بسمه عدو شوره و بعد وصلو عنده
حمزة: نبيك في موضوع ضروري
محمد بحت فيه و بعدين بحت في بسمه و جا شور
باب الحوش و افتحه
محمد مدلها الشكاير: هاكِ و خشي
بسمه خذت من يد محمد الشكاير و خشت جوا
محمد رد الباب: شن في تكلم شن تبي جاي هنا مش قتلك
معش نبي أنشوف وجوك هنا
حمزة: جاي عشان وائل
محمد: نعم , وائل كنه
حمزة: ليا كم يوم نمشي انزور فيه هو مش متريح غادي
و 24 ساعه عرايك و الشهر يالي فات كان فـ المستشفى
داير عركه و ضربينه ابـ موس و في ناس جوا تبي تقتله
محمد: و أنا شن يالي مطلوب مني
حمزة: أنك كيف ما خششته اطلعه
محمد: ما تتطلبش مني حاجه مستحيل اندير
حمزة ابـ عصبيه: شنو يعني
محمد: يعني وائل خش للحبس ابـ سبب أفعاله أنا ملياش دخل
و كيف ما دار الكارثه خليه ايتحمل عواقبها
حمزة: يعني ؟
محمد: يعني أنا مش امطلعه ولا دخلني بيه ان شالله
ينحرق مالياش دخل , و أنت معش نبي انشوفك هنا بكل
و فتح محمد باب الحوش و خش و سكره في وجه حمزة
حمزة رقااااااااااله بكل مشى ركب سيارته عدى
...............
عند كمال
كان دوبه طالع من الأمتحان قبلاته أميرة قدام القاعه
عدى شورها ابـ سرعه
كمال: أميرة
أميرة ابتسمت: اهلاً , شن صار فيك حليت أكويس
كمال: تمام الحمدالله حليت , بس إنتِ فيش اديري هنـا
أميرة: ملياش واجد طالعه من الأمتحان
كمال: كيف مافيش حد ايروح بيك
أميرة: لالا توا من أشوية جا احميده ياخذ في بسمه
قالولي هيا لكن أنا قتلهم نبي نرجى بابا
كمال: اهاا خالي جايك
أميرة: لالا
كمال ابـ رفعة حاجب: حيرتيني أمعاك دبينا باتك مش
جايك عليش قاعده هنا
أميرة: قعدت نرجى فيك عشان انشوف شن صار
في امتحانك و نطمن عليك
كمال ابتسم: تحكِ جد
أميرة: اهاا والله
كمال: باهي معناها هيا تعالي ناخذو حاجه ناكلوها
و بعدين تو انروح بيك
أميرة ابتسمت: تمام
كمال: هيا تعالي
و عدى كمال و أميرة للكفيتيريا و شرو أكل و قعمزو ياكلو
و بعد كملو خذو مشروب و حلو و طلعو ركبو للسيارة و عدو
حط كمال أميرة في حوشهم و عدى هو شور حوشهم
................
عند بسمه و محمد
ركب محمد لقى بسمه اموتيه الغداء و حاطته ع طاوله
خش بدل ادبشه و غسل وجه و طلع قعمز و قعد ايتغدى هو و بسمه
بسمه: احم , محمد
محمد ياكل: نعم
بسمه: حمزة كنه
محمد: شي ما تشغليش عقلك
بسمه بعد محمد قاللها شي سكتت ومابتش اترد تحكِ
كملو غداهم و بسمه لمت حوسة الغداء و ضمت الحوش
و ولعت التكييف وخشت بسمه دوشت و بدلت دبشها
وطلعت خشت للمربوعه لقت منصور مش قاعد
بسمه: هييييي منصور وين
و طلعت عدت شور دار محمد و دقت ع الباب
محمد: ايوا
بسمه: محمد منصور أمعاك
محمد: دقيقه بس
اقعدت بسمه ترجى برا بعد أشوية محمد فتح الباب و طلع
بسمه: منصـ ... و بعد شافت محمد سكتت
محمد كان لابس شورت و من فوق عريان و مش لابس ماليه
محمد بـ ستغراب: بسمه كنك
بسمه اتلكلك: ااااااااااا منصور مش لاقيته هو عندك
محمد: اهاا توا جت أمي خذاته حنه قاعده تحت جايه اتشوف فيه
بسمه امطبسه راسها: اهاا تمام
و برمت بسمه وعدت شور المربوعه تجري
محمد عرفها متحشمه ضحك وخش و سكر باب الدار
أما بسمه خشت للمربوعه و سكرت الباب و قعمزت
ع الفراش و اقعدت تذكر في شكل محمد و جسمه
من دون ماليه و اقعدت مبتسمه
..............
مشى الوقت
تحديداً فـ ليل
عند كمال
كان امقعمز في داره يحكي هو و أميرة
كمال: امتى جايه بكره
أميرة: فـ العشيه
كمال: كنك ما اتجي من الصبح
أميرة: ما نبي انوتي روحي و اندير شعري و نلبس
كمال: عليش هذا كلا كلها لمة بنات
أميرة: حتى لو لازم نطلع سمحه
كمال: إنتِ سمحه من دون ما اديري ولا حاجه
أميرة ابـ حشم: شكراً
كمال يضحك: تحشمتي
أميرة: اووووووف كمال اسكت
كمال جا يبي يحكِ على دقت باب الدار
كمال: ايوا يا أمي
غالية: تعال نبيك أشوية
كمال باه دقيقه بس
غالية: باهي هيا
كمال رد على أميرة: أسمعي أمي تبيني أشوية انشوفها و انرد
انرن عليك باهي
أميرة: تمام نرجى فيك
كمال: تمام
سكر كمال و حط الفون ع سرير وطلع من الدار
لقى أمه امقعمزة فـ صاله عدى شورها و قعمز
كمال: كنك يا أمي شن في
غالية: نبي نحكِ أمعاك في موضوع
كمال بـ ستغراب: موضوع شنو
غالية: خليني أنقول الحق يا كمال أنت بعد توفى حسن
معش قعدت كمال أولدي الأولي يالي نعرفه أنا
كمال قعد ساكت و يسمع في أمه
غالية: نبي أنقولك حاجه وياريت اتفكر فيها
كمال هز راسه يعني قولي
غالية: دبينا السنه قدمت و أمتحنة و انشالله تاخذ الشهاده
و شقتك واتيه و مش مزال الا الأثاث بس خلاص
غير حياتك كلها و انسى الماضي كلا و خليني نلقالك
بنت الحلال تزوج و تستقر و تشتغل علي راسك و ادير
اعيال تلقاهم في كبرتك سادك كبرت ولازم ادير حوش و تمسك
مسؤولية
كمال قعد ساكت
غالية: ها شن رايك اندورلك علي بنت الحلال
كمال صبى: خليني انفكر و بعدين ايصير خير
غالية: باهي تمام ابـ راحتك
و برم و رد الداره قعد ايفكر في كلام أمه وبعد أشوية
رفع فونه و رد رن علي أميرة و قعد ايهدرز هو وياها
................
عند بسمه
ضمت الحوش و عطراته و ولعت التكييف و خذت
منصور و خشت هي وياه للمطبخ و سكرت الباب
و اقعدت ادير في حاجات العزومه
.................
عند محمد
روح من المستشفى خش سلم علي أمه و ركب فوق
فتح باب الشقه و خش لقى الحوش هدووووء و مافيش حد
محمد بـ ستغراب: بسمه وين
و قعد اينادي
محمد: بسمه يا بسمه
بسمه طلعت من المطبخ: نعم
محمد: وينكم
بسمه جت شوره: اهوق اعدين هنا قاعده اندير في
أشوية حاجات البكره
محمد: اهاا بعد خطرها هذين الحاجات يالي وصتيني عليهن
بسمه خذت منه الشكاير: آسفه تعبتك امعايا شكراً
محمد: ولو هذا واجبي
بسمه: تسلم ربي يعطيك الصحه
محمد: سلمك ، منصور وين
بسمه: قاعدين حايس فـ العجينه
محمد ضحك: باهي خليني نمشي انبدل و انجيكم
بسمه: تمام
و برمت بسمه تبي تمشي للمطبخ
محمد: بسمه اصبري
بسمه برمت عليه: نعم
محمد قدم شورها نين أقريب لصق فيها
بسمه قلبها ايدق ابـ سرعه: كنك تبي حاجه
محمد رفع يده و جا شور وجه بسمه و قعد يمسح علي خدها
بـ صبعه الأبهام
بسمه امرفعه أعيونها و اتبحت فيه و قلبها أقريب يطلع من مِكانه
محمد ابـ صوت هادي: دقيق علي وجك حولته لكِ
بسمه برمت و عجت خشت للمطبخ ابـ سرعه
محمد تنهد تنهيده طويييييييلة و عدى للدار و قعد ايبدل في ادبشه
..............
عند حمزة
كان قاعد مع اصحابه فـ المزرعه رنو عليه من الحبس
و قالوله ايجي لِـ مستشفى #$% ضروري حمزة سألهم
إذا كان وائل صيرتله حاجه لكن مابوش يحكوله أي حاجه
و قالوله بس ايجي للمستشفى يعرف , صبى حمزة ابـ سرعه
ولع السيارة و عدى شور المستشفى بعد نص ساعه وصل
نزل وخش جوا يجري قابلوه الشرطة
حمزة و هو داهش: شن صار قولولي وائل صارتله حاجه
الشرطي: بعد تمرد اللي صار فـ السجن و العركه بين خوك
و مجموعة مساجين وائل توفى أثر اصابه بليغه فـ القلب
حمزة من صدمته نين لصق ع ساس و نزل قعمز فـ الأرض
حمزة ابـ صوت يرعش و أدموعه شلااااااال: وااااائل وا ا ا ائـ ـ ـ ل
بعد أشوية طلعو وائل ع باريله و كان وجه امغطي بـ الغطاء
حمزة صبى و جا شوره و حول الغطاء من عليه و بعد شافه
كان فيه عقل وطار قعد ايعيط و ايخبط و ايكسر فـ القزاز
و الكراسي نين مسكوه الشرطه
حمزة هو و يبكي و داهش: كلا منك يا ولد الـ## كلا منك
وائل انقتل ابـ سببك واللهي ماني امبردها لكِ يا ##
بعد أشوية جو الطب الشرعي كشفو على وائل و أكدو أن
موته بـ سبب الأصابه فـ القلب و لأن حمزة ما عده حد من عيلته
هنا فـ قرر أن يدفنه الليله و فعلاً تمو أجراءات الدفن و طلع حمزة
و الشرطه شور المقبره و دفنو وائل و حمزة طلع من المقبره طول
شور حوش صاحبه
................
عند محمد
محمد: تحكِ جد إنتِ
بسمه: اهاا واللهي نحكِ جد
محمد: قصدي خالتك خالتك
بسمه: اهاا خالتي أخت ماما لكن كيف ما قتلك الظروف
ما خلنلهم يقعدو
محمد: باهي توا كيف ردو و وين قاعدين
بسمه: مش عارفه من بعد الفرح معش شفتها كلمتها أول أمس
قالتلي قاعده برا بنغازي لكن بكره ح اتجيني
محمد: اهاا أوكي , هيا عطيني أي حاجه نا كلها قطعتيني الزف
بسمه تضحك: هيا هي اهي البيتزا طابت
و طلعت بسمه البيتزا من الكويشه قصتها و ستفتها فـ الصحون
و جابت مشروب و حطت كبابي و جابت منصور و قعمزو اقعدو
ايتعشو
محمد صاحبه الشرطي كان ايرن عليه عشان ايخبره ابـ موتت
وائل لكن كان يلقى فيه خارج التغطيه فـ دزله رساله عشان لما يطلع
للتغطيه اتجيه الرساله
كملو عشاهم و غسلت بسمه الماعين و محمد غسل المنصور و بدله
ادبشه و بعدين جت بسمه خذاته منه و كل حد خش الداره و رقد
................
يوم جديد تحديداً الساعه 5 العشيه
كانت بسمه اموتيه حاجتها كلها و خشت بدلت دبشها لبسة
فستان أبيض شاش و دارت شعرها فير و حطت أشوية ميك آب
و بخت عطرها علي فتحت باب الشقه و خشت محمد
محمد: بسمه يا بسمه
بسمه: هيا هي
وطلعت بسمه من الدار تجري
بسمه: نعم
محمد بعد شافها كيف لابسه استك و قعد ايبحت فيها
بسمه: محمد كنك
محمد: اااااااااااااا لا شي غير جيت ناخذ منصور عشان
ما ايتعبك
بسمه: لالا خليه عادي توا بدلتله و وكلته و رقد
محمد: غير خايف ايتعبك
بسمه: لالا عادي مش ح ايتعبني
محمد: باهي ابـ راحتك
بسمه: كلمت عمتي حتى هي جايه عشان اتهدرز مع خالتي
محمد ابتسم: تمام
محمد بعد قالتله بسمه أنها كلمت أمه فرح لأن بسمه مع كل
يالي ادير فيه غاليه هي معتبرتها كيف أمها و ما تزعلش
من يالي ادير فيها الها و سمعت كلمته لما قاللها تحمليها
و عديها كيف أمك
بسمه: تبي حاجه انديرها لكِ
محمد: لالا طالع للمستشفى عندي شغل و مش ح انجي
الا فــ الليل
بسمه: باهي تمام
محمد جا يبي يطلع و بعدها رد
محمد: اسمعي
بسمه: نعم
محمد: طالعه أتهبلي
بسمه ابتسمت و اخدودها انحمرو
محمد ضحك و برم فتح الباب و طلع
بسمه مزالت امصبيه و مبتسمه و من كلام محمد و بعد أشوية
ردت اتكمل في حاجتها و بعد نص ساعه نزلت بسمه ركبت
ركبت عمتها و جت خالتها و جاً صحباتها و كلهم التمو و قعمزو
ايهدرزو مع بعضهم
................
مشى الوقت
تحديداً الساعه 11 الليل نزلت غالية الحوشها و صحبات
بسمه صباً يغسلاً فـ الماعين و بسمه امقعمزة هي و خالتها
فـ صاله ايهدرزاً
نعمه: ااااااايوااا يا حنه و هذي كل قصتي من الأول للأخر
بسمه: صار هكِ , باهي الحمدالله علي سلامتك الحمدالله يالي
رديتي طيبه و حصلت ونس فـي هالدنيا
نعمه: نجك ليا حبيبتي
علي رنة فون نعمه بحتت فيه لقاته يامن ولدها
نعمه صبت: هيا يامن وصل خليني ننزل مع سلامه
بسمه: مع السلامه سلميلي عليه
نعمه: ان شاء الله كلها يومين و نعزموك إنتِ و محمد اتغدو
عندنا و اتشوفو يامن و عمك أحمد
بسمه: ان شاء الله
نعمه: منصور وين
بسمه: توا كيف رقد
نعمه: باهي حبيه ليا
بسمه: تمام
و سلمت نعمه علي بسمه نزلت روحت و بسمه
خشت و طلعاً صحباتها من المطبخ و قعمزاً ايهدرزاً
و طبعاً حكتلهن على يالي صار فـ الشاليه و أن لعند توا مزال
ما صار بيناتهم شي
زينب: هيييييييييييييي طيح والله سعد معقوله لعند توا مزلتي ماده وجهك
بسمه: الله غالب
أميرة: تي شنو الله غالب هذي معقوله الوقت هذا كلا و إنتِ ماده وجهك
لا حكيتي ولا قلتيله أنك اتحبيه
بسمه ابـ صدمه: من قالك إنِ انحبه
زينب و أميرة اقعداً يضحكاً
بسمه: كنكاً تضحكاً يا بردات
زينب: شنو من قاللنا أنك اتحبيه , قاعد واضح يا أعيوني
أساساً إنتِ حتى شخصيتك تغيرت بعد تزوجتي محمد
أميرة: صح نفسيتك تغيرت و جوك تغير معش في نكد بكل
و بعدين الحب فيك و فيه
بسمه: كيف فيا وفيه
أميرة: أبسط مثال أعيونكم و تحركاتكم بعد تقعدو جنب
بعضكم بذات احميده أول مره أنشوفه بـ الحاله هذي
زينب: بسمه خلاص لعند امتى تبي تقعدي هكِ ولعند امتى
الراجل يبي ايتحملك قوليلي بس لعند امتى
بسمه ابـ قلة حيرة: شن نبي اندير يعني
زينب: يالي اديره أن اليوم تزيني و تلبسي لبسة من يالي
في بالي و بالك و اليوم هذ اتقعمزي مع محمد و تحكيله كل
يالي في قلبك فهمتي ولا لا
بسمه سكتت
زينب: صبي تعالي تعالي
و صباً البنات و خشاً للمربوعه و خذاً ميك آب بسمه
و اقعدت زينب اتمكيجلها و أميرة تستشور في شعرها
بسمه: هيييييييي فيش اديراً انتاً خلاص
زينب: اسسسس مانبيش نسمع كلمه
بسمه: باهي خلاص أنا دايره ميك آب عليش اتثقلاً فيه
أميرة: إنتِ اسكتي بس
بسمه سكتت و اقعداً صحباتها ايديرنلها في وجها و شعرها
و بعد أشوية كملاً صبت بسمه و عدت شور المرايه
بسمه: هييييييييي معقوله هكِ ثقيل واجد
زينب: سكري فمك ... وقطع عليها فونها يالي ايرن
بحتت فيه لقاته باتها
زينب تلبس في عبايتها: بابا جا توا تمشي تختاري روب
تلبسيه و اتبخي من العطر يالي جبناه لكِ أيام الفرح
و تقعمزي ترجى محمد فهمتي
بسمه اضحكت: باهي تمام
أميرة: هيا حتى أنا خليني ننزل نستنى بابا تحت قبل الا ايجي احميده
بسمه: خليك مزال بدري
أميرة: بدري من عمرك هيا اليوم أنتم عرسان خليكم متريحين
و اقعدت أميرة و زينب يضحكاً
بسمه تضحك: خزي بردات
البنات: هيا سلام
بسمه: سلام
و نزلاً البنات زينب روحت و أميرة قعمزت فـ الجنان ترجى في باتها
أما بسمه خشت طلعت دبشها و اقعدت تختار فـ الأرواب و أختارت روب
لونه ابيض من ايديه ريش و عليه طرف طويل حتى هو من أجنابه ريش
و بخت بسمه عطرها و طفت ضواية الحوش و ولعت التكييف و قعمزت
ترجى في محمد
.................
عند كمال
كان امروح من العمل
(طبعاً كمال قعد يشتغل في محل ابـ ضاعه يعني
ايوزع فـ البضاعه ع محلات)
وصل للحوش درس السيارة و نزل فتح باب الحوش وخش
قبلاته أميرة امتكيه راسها ع ساس و امغمضه أعيونها
كمال قرب شورها بـ شوية و قعمز جنبها ع دروج
و قعد ايشوفلها و ايتأمل فيها
كمال ابـ صوت واطي: مش عارف كيف هنتي عليا وكنت
اندير فيك في عمل أسود , ولعند توا مزلتي امصبيه امعايا
ولا كأن صار بيناتنا حاجه من قبل
و قعد كمال ايبحت فيها و رفع يده بـ شوية و قعد ايخششلها
في شعرها فـ المحرمه
أميرة حست ابـ حاجه فتحت أعيونها قابلها كمال
كمال طول نزل يده من عليها
أميرة ابـ صوت واطي: فجعتني
كمال ضحك ابـ صوت واطي: آسف مش قصدي
أميرة ابتسمت: لالا عادي
كمال قعد ايشوفلها و ايشوف الـ عيونها و ضحكتها
و ما قدرش ايقاومها قعد ايقدم عليها بـ شوية بـ شوية
نين وصل عند فم..
كمال و هو امبصق راسه علي راس أميرة
كمال ابـ صوت واطي: تزوجيني
أميرة صدمتها كلمة كمال بككككككككل و أعيونها
دمعاً و اقعدت تبكي بدون صوت
كمال من كثرة أقرب منها كانت حاسه ابـ نفسه علي فم..
كمال ابـ صوت رجولي هادي: قوليلي تزوجيني
أميرة هزة راسها وهي تبكي يعني اهااا
كمال رفع يده وحطه ورا راس أميرة وقربها شوره
و حبها بــ حنيييييييييـيه على فم..
أميرة 🥺💗
كمال💋💗
...............
عند بسمه
كانت امقعمزة فـ صاله و ترجى في محمد
يالي طول بكل علي رنة فونها بحتت فيه لقاته رقم غريب اقعدت اتبحت فيه
لكن ما عرفاته مابتش اترد عليه و قعد ايرن واجد بكل لكن بسمه
مابتش اترد نين جتها رساله مكتوب فيها ردي أنا محمد
بسمه بعد قرتها أول ما رن ردت طول
بسمه ابـ خوف: احميده
محمد: ها سوما تسمعي فيا
بسمه: اهاا وينك كنك طولت و انرن عليك مقفل
محمد: فوني من الصبح طاح من ومعش بى يولع هذا وين
فضيت خذيت فون صاحبي ورنيت عليك
بسمه: باهي الحمدالله كنت مشغوله عليك
محمد: هيا أنا توا طالع من المستشفى عشر دقايق و نقعد عندك
بسمه: تمام قاعدع اموتيتلك مفاجأة
محمد ضحك: شنو قوليلي
بسمه ضحكت: لالا بعد اتجي تو تعرفها
محمد: تمام أصلاً حتى أنا اموتيلك مفاجأة و نبي انقولك حاجه سمحه
بسمه: شنوووو قولي
محمد: انلا بعد انروح تعرفي
بسمه ابـ حزن: خزي عليك اترد فيها ليا
محمد ضحك: وحده ابـ وحده
بسمه: تمام تعال ابـ سرعه نرجى فيك
محمد: تم هيا باي
بسمه: باي
.........
محمد سكر و خش عطى الفون الصاحبه
و خذى حاجته و طلع من المستشفى و هو طالع كان في أعيون
أتراقب فيه خلانه نين ايبعد من المستشفى و أرتفع السلاح
و توجه شور محمد و طااااااااااااااااااف الرصاصه جت
في ظهر محمد جيهة الصدر من لاورا
محمد ابـ صوت عاااااااالي: آآآآآآآآآآآآآآآآآآآآآآآه
و طاح ع الأرض
😱😱😱
.
.
.
.
.
يتبع...
أنتظروني في حلقات🔥🔥🔥🔥
أودي الفرجاني💚
